سواد لــ بُـرهان " الاشهــرار "

قضبــــــان " لــ السابع "

خضري يـاروحـي..
اعله بختچ، هذا اخر شوگ عدنه
خضري ... وانطي شما بحيلچ
من ورد جايتنه مزنه..
انطي كل البيچ للنِسمه
گبل مالريح يهزنـه حبيبه!..

°°°°°
ريــحانـه- منو رباك چا
وين چنت عايش؟
اخوانك اخواتك وين؟

بُــرهان- ماعندي لا اخوان ولا اخوات رباني عمي
وعشت بـبيت عمي

ريــحانـه- الله يرحم اهلك ياروحــي
زين اشو مايجون النا ولا نروح الهم؟

بُــرهان - لا شعدنا رايحين وميدرون متزوج .

ريــحانـه- اها، داريد اكمل سؤالي
وشفت اتصال اجا مخلي علي نقطه .

- سحب الفون وطلع يركض ورا ربع ساعه رجع،
بُــرهان-: طالع انه يمكن اتأخر انتبهي لنفسچ واقفلي الباب
لا تطلعين لإي مكان لمن اجيچ حتلو اجن البنات
وكللچ امشي ويانه ماترحين!! .

ريــحانـه- تمام، بس گلي وين رايح.

بُــرهان-: بشغل هيچ يله مع السلامه .

ريــحانـه-: حتى ماخلاني اكمل كلامي گبل طلع شجاه هذا؟
شبي، زين منو الاتصل علي؟
معقوله، بنت لو ديخوني؟

- نچبي شني هل افكار، شيخونچ ، بقيت
اكل ع كيفي احس نفسي جوعانه حيــل .

- لمن شبعت گمت لميت المواعين غسلتهن ورتبتهن
شغلت القران ونضفت البيت اخذت
فوني وطلعت للحديقه.
خابرت يــارا بلبدايه مُ عرفتني
بقينا نسولف .

يــارا-: حدزلچ كليچه بيد صهيب
اخذيهن .

ريــحانـه-: هههه تمام، بس شعندچ مسويه
كليچه عليمن جاينا العيد ومادري .

يــارا- البنات رادن وانا مشتهيتها من زمان
واليوم سوينا گعدنا نسوي سوا
والله مكانچ خالي حتى نيــران رادت تجين يمنا بس استحينا
خاف بُــرهان مايقبل ومااجينا اخذناچ .

ريــحانـه- ياعمــري فدوه لليذكرني
عادي عادي انشاءلله على غير مره .

سمعت الباب يندك ترخصت من يــارا واخذت
الحجاب وطلعت فتحته .

صهيــب : فتحتلي بنت اول مره اشوفها معقوله
هاي زوجة بُــرهان؟
سبحان الخالقها استغفرت ربي،
قطعت، سلسله افكاري كلامها

ريــحانـه- تفضل خويه .

صهيــب : لا تسلمين هاي كليچه دزنها البنات
الچ .

- تسلم خويه تسلم تعبناك .

صهيــب- لا عادي
اخذي راحتچ .

ريــحانـه- سديت الباب وفتت خليتها
على الكاونتر، سمعته ديأذن توضيت، وصليت .

- وفتت للمطبخ هدرت چاي ورتبتلي گعده
وشغلت الشاشه على مسلسل وبقيت اباوع
واكل التهيت بلمسلسل گلبت بلفون
شويه عفته تباوعت للساعه بـ "12 ولهسه مارجع بُــرهان؟
معقوله، بي، شي؟ لا لا اسم الله هوه گلي اتأخر .