الترياقُ والسُــــم

بارت15

بعدني ممكلمه حجي سمعت صوت هز البيت هز كأنو شي انفجر بوسط البيت من قوة الصوت رجعتلي بسرعه الدوخه وفقدت وععي وكعت بلكاع فاتحه عيني كل يلي كاعد اشوفه محمود يصيح ويشيل بيه  ،   شفت دخلو تقريبا بل5ولد واحد منهم شال سلاح ضرب محمود طلقه  ،  اباع بس دم بلكاع  ،  ماعندي اي قوى اتحرك رجليه مشالتني اخر شي اتذكره شخص وجه سلاحه عليه وفقدت بلحضتها معرفت شنو صار

-فتحت عيني اني بغرفتي احاول استوعب شنو صار ما اتذكر احس انو اني نمت وكعدت على ما راجعت افكاري اتذكرت ايهم لمن جنت اشوفه بلتلفزيون ولمكان القذر يلي جان بي وبعدين استوعبت لمن هجمو على بيتنه تذكرت محمود باوعت على نفسي مابيه شي مو نفس ملابسي لابسه ملابس نضيفه ماعرف شصار اريد اكوم من مكاني ماكدر جفن عيني يخوني وارجع اغمض اخر شي نهضت من مكاني

مارسل: محممود

-احجي وماكو صوت اي شخص بلبيت كانو البيت فارغ هيجي احساس يجيني لمن كلهم يطلعون  ،  كعدت بلكاع ادعي ربي ماكو شي اني اموت اذا ابقى هيجي بوحدي اخاف اريد اطلع من الغرفه بس الخوف ماكل گلبي  ،  طلعت على اطراف اصابعي مريت على غرفه ازهار فتحت الباب لكيتها مموجوده  ،  صحت من الدرج 

مارسل ازهااااار!  يابببه ماما!!

-اصيح وماكو واحد اريد انزل من الدرج بس احس بدوخه قويه  ،  نزلت على كيفي لازمه المحجر ودموعي ضلت تجري بدون بجي  ،  نزلت افتر بلبيت ماكو احد دخلت للصاله وعيوني غوشت من المنضر يلي دا اشوفه كدامي

-ايهم كاعد ع التخم وبيده لابتوب لابس اسود بأسود عينه ابد ما رفعها عليه فاتح رجله ع التخم نفس كعدته بلمكان القذر يلي شفته بي  ،  مارفع عينه عليه نهائيآ لدرجه حسيته مكاعد يشوفني  ،  رجعت ببطئ اييدي على حلكي وايدي الثانيه گرصت بيها بطني اخاف اني بحلم! رجعت كعدت على ثالث بايه من الدرج اريد اصعد ما اكدر احس رجليه مكاعد تشيلني

-اخذت قرار لازم اروح افتهم من يمه شكاعد يصير وشيسوي ببيتنه؟ مشيت بشجاعه وافهم نفسي بأنو هذا بيتي ملازم يتخطى حدودة لهاي الدرجه  ،  دخلت للصاله اباع ع المكان يلي جان بي مموجود حسيت بنفسي تخبلت ضليت اضرب نفسي راجدي اريد اصحى خاف بعدني نايمه عطت بسرعه

مارسل: ااايههههممم

-اعيط مموجود وكعت بلكاع ابجي باوعت اكو مخرج للصاله للكراج باب واحد رحت طلعت من يمه محد موجود  الدنيا ضلام دامس ضليت دخلت للبيت افتر بي مثل المخبله محد موجود حسيت انجنيت  ،

مارسل: اايهمم مووجوودد تتعبتت والله تتعبتت لتتععذبنننيي راحح امموووت

-بسرعه حسيت من ورا ايد حاوطت خصري بقيت جامده بمكاني  ،  مادرت وجهي واحس بلمساته على شعري من ورا بقيت ساكته  ، واسمع همساته بأذني