: لم تخلق الاحلام لكى تكون مستحيله...
: وانتَ قدرت تحقق حلمك ؟
: طبعاً وبقى عندى اجمل اسره اي حد يتمنها
: ازاى عملت كده
: تعالى احكيلك من الاول ......
_____
: انا ( علىِ صلاح الدين الكيال )
انا صاحب اكبر شرِكات البترول . شرِكات الكيال نفط . انا مش مهندس بترول .انا مش مهندس اصلا ...
انا دكتور جراحه وبما انى الحمدلله القرش فى ايدى بيجرى فعملت مستشفى......
مستشفى الكيال ..
: طب و ايه دخل الجراحه فى البترول يا علىِ؟
على : ابويا مهندس بترول وهو فتح الشركة وانا من صغرى ايدى فى ايد ابويا فأنا فاهم الشغل وايما بشتغل معاهم جنب دراستى .فلما اتخرجت كبرت الشركه عملت كذا فرع فى كذا بلد وأوسع لحد مضربت معايا وفجأة لقيت نفسي سيره للناس بانى شب صغير وعملت كده ...
: أو علىَ رأى الصحافه اصغر رجل اعمال يا علىِ
علىِ بضحكه : مكنش قصدى
: ازاى بس
علىِ : والله انا فضيت دماغى للشغل وقولت لازم أشد الرزق بعد إلى ابويا عمله ..
: ابوك عمل اي ؟
علىِ بقله حيله : خلف
: طب و ايه المشكله ؟
علىِ بتنهيده : المشكله فى أن ابويا لما القرش لعب وكتر فى أيده دماغه راحت للكبريهات والنسوان واحده لفت عليه اتجوزها عرفى وحملت منه....
......وبعد تسع شهور خلفت بنت وجبتها وجت ......
فى بيت كبير يجلس علىِ و والدته زينه و والده صلاح
تدخل الخادمه منال
منال : صلاح بيه فى واحده بره عاوزه حضرتك
صلاح باستغراب : واحده مين
منال : معرفش حضرتك
زينه : طيب دخليها يا منال هنا
منال : حاضر
وبعد دقائق
تدخل امرأة تحمل مولوده
شذى : صلاح بيه والله ليك وحشه
ليبتلع صلاح ريقه : انتى مين يبت
شذى: توتو لا كدا ازعل يا صلاح بيه دا انا حتى مراتك
زينه بصراخ : مرات مين يبت انتى
علىِ بغضب: امشى اطلعى بره يبتاعه انتى
شذى : انا مش جايه اعمل مشاكل ولا غاغا
علىِ بستهزاء : اومال جايه ليه بقى يا صافيه
لتنظر شذى لصلاح وهى ترفع تلك الفتاه التى بين يدها : بقولك يا صلاح بيه دى بنتك
صلاح بغضب: مستحيل انتى كدابه انا معرفكيش اصلا
شذى بضحكه : انا متعرفنيش لا افتكر كويس الشقه إلى فى الدقى بيه
علىِ بغضب شديد: بس يبت انتى و خدى البت إلى ايدك دى وامشي
شذى : لا البت بتكوا ولسه مولوده الفجر ده حتى مدقتش اللبن خدوها اهى عندكوا حتى مش عوزاها تكتب باسمى
صلاح : وانا اي يضمنلى انها بنتى
شذى : البت عندك اهى اعملها DNA وى لو مش بنتك هتهالى ولا اقولك ارميها فى دار ايتام يلا بقى بسلامه يا صلوحه
وبعد مغادره تلقى الشمقاء تكلمت زينه
زينه بصدمه : مين دى يا صلاح وازاى خلفت منك وامتى ؟
صلاح : زينه انا بس عاوزك تهدى
زينه بصراخ : هو اي إلى أهدى انت اتجننت يا صلاح
صلاح : يا زينه انتى مش فاهمه حاجه
زينه : والله طب فهمنى يا اخويا اتفضل
علىِ بهدوء : تعالى يا امى معايا
زينه : انا مش رايحه فى حتى غير لما افهم
صلاح : كان غصب عنى يا زينه غلطه
علىِ : و هى الغلطه توصل للخلفه يا ابو علىِ
زينه : رد على ابنك يا ابو علىِ ولا دلوقتى نقولك يا ابو .. يا ابو مين صحيح هتسمى الكتكوته اي
صلاح : دى مش بنتى
زينه بصراخ: اومال جايه ترمى بلاها عليك ليه يا صلاااح
علىِ : بس يا جماعه انا هاخد البت دى وهطلع على المستشفى اسحبلها عينه ونتاكد الاول وبعدين اتخنقوا ..
زينه بتعجب : يخرب بيت برودك يا علىِ
يتبع
الكاتبه : روتاج حفنى
