:طب وايه إلى حصل بعد كده يا علىِ ؟
علىِ : ختها المستشفى وفى الحضانه اكدولى انها فعلا مولوده الفجر ده حتى مش مولوده في مستشفى..
: طلعت اختك يا علىِ ؟؟
علىِ : اه بس اتحجزت في الحضانه لأنها كانت تعبانه
: اي إلى حصل بعد كده كمل ؟
علىِ : روحت لامى اتكلم ........
علىِ: يا امى احنا لازم نتأقلم البت دى بنتوا
زينه : يعني ايه يا علىِ الكلام ده ؟
علىِ : ايً كان يا امى فهو حصل خلاص
زينه باستعجاب: انت ازاى بالبرود ده يا ابنى
علىِ : يا امى مش برود والله بس تقدر تقوليلى هنعمل ايه
زينه : وديها دار ايتام يا علىِ
علىِ بمحاوله اقناع : يعنى تتربه فى دار ايتام وأبوها وأخوها على وش الدنيا تهون عليكى يا زوزو ؟
زينه بستهزاء : إذا كانت امها مش عاوزها يبنى ...
علىِ بمقاطعه : ادينى فرصه يا امى البت تتكتب باسمك دى ملهاش ذنب
زينه بصد : انا مش هربى ال..
علىِ بتسرع : هجبلها مربيه بس تتكتب باسم فى شهاده الميلاد
زينه بصد : لا يا ابن بطنى
علىِ بترجى : علشان خاطرى يا امى
زينه بتهزز : لا يا علىِ
علىِ بترجى: يا زوزو حرام
زينه بصد : اكتبها يا علىِ باسمى انا عارفه انى مش هاخد معاك حق ولا باطل
علىِ: طيب اقولك حاجه
زينه بنفاذ صبر : ارغى يا علىِ
علىِ : ربنا يكرم اصلك يا حاجه والله
زينه بحده : علىِ اخلص
علىِ : مش كان نفسك تزورى بيت ربنا
زينه بلهفه : نفسى اوى والله
علىِ بابتسامة: وانا ميهونش عليا يكون نفسك في حاجه و الفيزه والتزكره جاهزه يا حاجه زينه
زينه بفرح : احلف يا علىِ
علىِ بابتسامة وهو يمد يده فى جيبه ويخرج التذاكر : وحياتك عندى يا ام على وتذاكر اهى كمان
زينه بفرح : ربنا يخليك ليا يا ابنى
علىِ : بس في حاجه
زينه وهى فاهمه ما ينوى ابنها عاليه : حاضر يا علىِ هسامح ابوك بس عندى شرط
علىِ بفهم : حاضر هخليه هو إلى يجى يعتزر بس انتى فكى بسرعه ها متنشفيش ريق الراجل يا زوزوو
زينه تصد بضحكه : ما شى يا علىِ
.........
: يعنى انت صالحه امك على ابوك وانت اصلا زعلان منه
علىِ: بص انا اه زعلان من إلى عمله بس منكرش أنى نسيت كل الزعل لما يوم كنت فى المستشفى وو.....
الممرضه : استاذ علىِ
علىِ بضحكه : يبنتى دكتور مش عارفه هتعترفوا بيا كدكتور امتى بس
الممرضه بضحكه : معلش بقى يا دكتور نسيت حقق عليا
علىِ بتمثيل مضحك: نسيتى اي بس يا خساره السبع السنين دراسه إلى عدوا عليا يا اماااا
الممرضه بضحكه : خلاص بقى يا دكتور
علىِ لوى فمه : ماشى يستى كنتى عاوزه ايه بقى
الممرضه : دكتوره مريان عاوزه حضرتك فى الحضانه
علىِ: تمام .....
علىِ بهيبه : اذيك يا دكتوره
مريان بدلع : الحمدلله يا دكتور انت اي اخبارك مش بنشوفك
علىِ بجديه : قالولى انك عاوزانى خير
مريان بدلع : اه البيبى الى انت جبتها جلست علاج وممكن تخرج
علىِ وهو يبحث عنها باعينه : هى فين
مريان وهى تشير علي حضانه : اهى هناك إلى صاحيه
علىِ بخوف ظاهر : هو انا ممكن امسكها
مريان بعدم فهم من حاله علىِ: اكيد تعالى معايا
ولكن عندما حملها علىِ ضمها إليه واغلق أعينه حتى ظلت مريان وبعض من الممرضين ينظرون له بعدم فهم وتسؤلات من بلك الطفله ولماذا يعنقها هكذا ..
....
: طب وانت حسيت بايه لما شلتها كده
علىِ: مش عارف بس حسيت بحاجه حلوه أما مسكتها واديها الصغيره لمستنى كنت طائر من الفرحه سعتها قررت قرار
: ايه هو ؟
علىِ : انى هاخدها انا إلى اربيها
: نعم ؟؟؟!
علىِ: هاخدها معايا شقتى إلى عايش فيها واكون انا إلى مسؤل عنها
: بس دى حاجة صعبه عليك
علىِ: كنت عارف ده بس كفايه ضحكتها
: انت بتهزر
علىِ: مش بهزر بس عارفه اي اكتر حاجه كانت محيرانى
:ايه ؟
علىِ: هسميها اي
.......
