رواية.. بين نيران الحب والأنتقام:: البارت الأول
اريد اشوف تفاعلكم ورأيكم... اتمنه من عدكم عدم التجاوز....
موعد النشر يومياً الساعه 10ليلاً
.
.
.
صباح شتائي الدنيه حلوه الشمس داخله من النافذة سحبت اللحاف ع عيوني لان ماكدر افتحهن صوت العصافير صحاني اكثر من الشمس
حسيتها تكلي كومي من فراشج ينتضرج شي،،،
تمغطت وكمت غسلت وجهي ونزلت مثل كل مره
ريحت الجاي المهيل من ايد ماما،،،
نوران ونور كاعدات وحده تثاوب وحده تتمغط َوتشيل بشعرها
_ _ صباح الخير
نوران::صباح النور
لمحت ماما بلمطبخ دكيت لباب واني لازمته ومبتسمه
_ _ صباح الخير يا امي الحبيبة
_ _ صباح النور حبيبتي
حضنتها من ضهرها بستها بخدها وهمست
_ _ جوعانه
_ _ هسه داسوي الريوك اخذي الستكاين خليهن بلصينيه
هزيت راسي بأي وخليتهن. بلصينيه
ريحت الطماطه والبيض الي تجنن والكيمر والجبن الي يشهي
_ _ اووو شهل دلع ماما احسج ليوم مدلعتنه زيادة؟
_ _ انتو تطلبون مني شلون اردكم ياعيوني،،
_ _ تصدكين بعد ماتحمل اريد اكل اسرعي يا امي
_ _ ادري تحبين الطماطه والبيض ولان جمعه كلت اسويلج حته تتهنين بيها مو تاكلين لكمه وتركضين للمدرسة
_ _ اووف يامي اني ماكدر اعيش بدونج
_ _ وليش حته تعيشين بدوني؟ الله يحفضني الجن واذا متت الله الجن ان شاء الله اكو من يعوض مكاني
_ _ اهوووووو ماما سديتي نفسي
كلتها وطلعت لصاله هزت راسها بأسف مبتسمه همست هيه وتسوي بلمواعين
_ _ هذا قانون الحياة ليش واحد ينهزم منه
صبيت الجاي وهيه اجت وراي بطاوه البيض والطماطه
نمارق:: ماما نور نوران جيبن الكيمر والجبن،، اضاهر اختجن طنكرت جابت بس الزيتونات واجت
باوعتلها بطرف عيني مبتسمه من وره خشمي خليتها التهت تعدل بلستكاين بستها من خدها
همست
_ _ شعندج بس تبوسين ليوم
_ _ داراضيج
كعدت نوران مطنكرة خلت الكيمر والجبن بلصينيه وحجت
_ _ كافي تتزعلن وتتراضن شنو هنا احنه حايط نصييص
أنت تقرأ
بين نيران الحب والانتقام
General Fictionماهي الا نيران ضعيفة الى درجة ما،، قد يأثر بها خيال شخص من شدة ضعفها،،، قد احاطت بكل ما هوه تراب قد اهلكها وانهكها،،، لاكنها لم تطفأ الى النهايه ستشتعل بنيران اقوى لان هناك من سيضيف لها الخشب لتحيا به.
