مرحبا اميراتي..... بارت ليوم
اتمنة منكم تتفاعلون وي لبارتات وتنطوني رأيكم بعيداً عن السب والتحاوز رجااءاً
موعد النشر يومياً ساعة 10 ليلاً
.
.
.
.
_ _ شنهي حرام عايني ولج انتي صرتي مرتي شسوي اسوي ماعترف بداخل وبخارج،،،، نزعي وتمددي يلا اهلنه ينتضروني برا.......
كالها ودفعني ع جربايه صحت لااا
راد يجي يلزمني كمت ازحف ليورة
كمزت من جهة لثانيه ع لميز باوعت وراي عطور تجرأت ولزمت لعطر كسرت بي جامة ميز لمراية
وكعت منها قطعه من لمراية لزمتها وصارت عيني بعينه ارجف بلكوه مسيطرة واكفه ضخم واسمر وفاتح عيونه وعاكد حواجبه رعبني وجهة تغير من هادء الي وجه يرعب
شلتها وخليتها قريب من ركبتي وحجيت
_ _اذا حاولت اذبح نفسي وتبتلي انت،،
كلتها ولباب تكسر وصوت امة تحجي
_ _ خير ان شاء الله شصار خو ماكو شي علاء
مسح وجهة وفتح لباب وهمسلها ماعرف شنو وطلع دخلت هيه او اخته
ام علاء:: شبيج ولج شسويتي يايا عزا بعينج شنو هاي لمراية الله ليوفقج خربتي الخشااب والفراااش
اخت علاء:: يادادا كل هذا علمود مايلمسج
عزا لعزاج يبت نمارق شمسويه من مصيبه ومتخلينه ياخذج
هنه يحجن واني الرجفه محتلتني حته ماحركت ايدي ونزلت المرايه من ركبتي ضليت جامده بمكاني واللهث
همست
_ _ ارحموني فدوا اروحلكم ماريد اتزوج
_ _ شنهي بكيفج ولج يدخل عليج ليوم وغصب عنج الي رضيتي ولمارضيتي جا بس سوينه لعرس ودخلتو بلغرفه ثنينكم ومانعرف شبيج مابيج بلكت مسويه عملة ماتنحجي وتردين ابني يسترج
لمحت منار برة واكفه باوعتلها بعيوني بمعنى ادخلي شوفيلي جارة فدوة.
،، راحت من يم لباب زفرت نفس بتحطم وفقدان امل نزلت لمرايه وهنه بالشات بيه غلط وفشار واني بالي مو يمهن كل بالي شلون حتعدي بدون مايلمسني ،،،
دخلت ام حسام منار لزمت ام علاء وحجت
_ _اني اهديها ام علاء ع كيفج وياها ماتفهم طفله عبالها شي يخوف اطلعي انتي وبنيتج اني احجي وياها
كالتها وصاحت لمنار تجيب مي طلعن هنه وبعدهن يحجن ويخرطن بوجوهن ع اساس شيكولون لناس ،،، كعدتني مرت عمو سعد وهمست
_ _ عفيه عليج ع لسويتي
فتحت عيوني احاول افهم شديصير ليش دتكول هيج؟ كتلها ع كيف
_ _ ليش وياي مو وياهن
_ _ سالفه طويله انتي مراح تصيرين لاحد من هذوله لان ميستاهلوج يضلموج ولج يمه يضلموج
أنت تقرأ
بين نيران الحب والانتقام
General Fictionماهي الا نيران ضعيفة الى درجة ما،، قد يأثر بها خيال شخص من شدة ضعفها،،، قد احاطت بكل ما هوه تراب قد اهلكها وانهكها،،، لاكنها لم تطفأ الى النهايه ستشتعل بنيران اقوى لان هناك من سيضيف لها الخشب لتحيا به.
