ما خلق ربي جمال الا و لك منه حلايا ايه يا ملح القصيد انتي و يا عذر

5

{ بيت الجد عقاب }
عند سـلطان طلع من غرفته و هو لابس ثوبه
طلع من البيت و مر من الديوانيه و يتمشى ب الحوش و استوقفه صوت بندر : وين رايح عمي
التفت سلطان ل بندر اللي يخزه : رايح مشوار
عقد حجاجه بندر : وش مشواره وين
سلطان : مشوار عادي بتمشى
بندر : يلا بجي معك
مسك كتوفه سـلطان يوقفه: هيه هيه وين رايح ابي اروح لحالي شتبي
بندر : أنا طفشان بجي معك
أخذ نفس سلطان يستغفر ب همس و كمل ب صـوت مسموع: لا حول ولا قوه إلا بالله ياخي اقعد بروح لحالي لازم تنشب
بندر : يلا يلا انقلع لا تنافخ
التفت بندر يرجع ل الديوانيه و تنهد ب راحه سلطان و طلع
ركب السياره يـسوق يوصل ل المدينه القريبه جدا من الديره ما بينهم مسافه إلا ربع ساعه او اقل دخل بين الزحمه و وقف على جنب ينزل يغير ملابسه ل كاب و نظاره شمسيه و جاكيت جلد اسود مع بنطلون اسود
ابتسم من شاف شكله و ركب سيارته الثانيه يتجه ل مخزن
وصل ل المخزن بعد مده و أخذ نفس ينتظر السياره تطلع
حرك من طلعت السياره يتتبع السياره
ابتسم  من ناظر وجهتهم نزل بعيد قليل عن المكان و مسك الدربيل يناظر من بعيد مسك الكاميرا و هو يصورهم و ابتسم و هو يناظر الصور اللي ب الكاميرا
انتظر يناظر ب الدربيل إلى ان طلعو جميعهم و تحرك ب استعجال يتجه الى سيارته يفتح الدبه يطلع البنزين و يأخذ الولاعه من جيبه و يتجه داخل المستودع ب خطوات
حريصه و يناظر يمين و يسار وصل ل المستودع و وقف قدام المستودع يناظر حجمه و تحرك يأخذ البنزين و يصبه على كامل المبنى و البضاعه *ممنوعات* رجع عند باب المخزن يناظر المخزن آخر نظره و أخذ الولاعه يشغلها و يقطها ب نص المبنى
طلع يناظر النار و الدخان من بعيد و ابتسم ابتسامه انتصار واسعه و نطق ب صراخ : لسا ما شفتو شيء
سكت و كمل ب صراخ : بدمر حياتكم
آخذ نفس يركض و يوصل ل السياره و يجمع الدلائل اللي وراه و تسجيلات الكاميرا يحذفها و يركب السياره يحرك و يوصل ل بيت جده بعد ما بدل و ركب سيارته الثانيه
دخل الحوش و ناظر ساعته اللي تُـاشر الـى الـسَاعه وحده و نـص من الـليـل و تنهد ب تعب و التفت يسكر الباب و البوابه حقت الرجـال توجه ل الـديـوانيه يتأكد من ان كل شيء مطفي دخل الديوانيه يلاقي فارس و تركي نايمين جنب بعض غارقين بنومهم ابتسم و طلع يتوجه ل البيت دخل و طق الباب يتأكد ان محد موجود من البنات و دخل بعد ما تأكد من عدم وجود احد و توجه ل القسم حقهم ب الدور الثالث و هو صاد عن قسم البنات و استوقفه صوت هيام : سـلطان
تجمد و ابتسم يلتفت لها : سمي
اقتربت منه و هي عاقده حاجبينها : وين كنت
سلطان ب وهقه : مشوار
هيام : اي مشوار وش هالمشوار اللي يرجعك الساعه وحده و بدر موب معك بعد ولا احد من العيال وين كنت ي سلطان
سلطان اقترب يقرص خدودها : وين بكون يعني  طالع مع اخوياي
هيام ب شك : متاكد
سلطان : اي متاكد يعني وين بكون و دايم ارجع وحده وش الغريب
رفعت كتوفها هيام : مدري المهم أنت عرفت عن اللي صار
عقد حاجبينه سلطان : لا وش صار
هيام ب ابتسامه : بنت عمي محمد انخطبت
وسع سلطان عيونه : مين كيف مين خطبها
هيام : صقر ولد عمي ناصر
سكتت وكملت هيام: بعدين احس ملاذ و صقر لايقين عاد شوف وش بيصير الإنتاج
ارتخت ملامح سلطان : ملاذ ؟
هيام : اي صقر خطب ملاذ
سلطان : اها
هيام : أوف يلا أنا بروح انام
سلطان : نوم العوافي يا عيوني
التفتت تتوجه ل القسم حقهم و ابتسم يناظرها من بعيد و رفع يده يلوح لها من لوحت له
تقدم ل داخل قسمهم يدخل غرفته يبدل ل بجامه و يناظر بدر اللي غارق ب نومه و توجه ل غرفه فارس و تركي يأخذ لهم مفارش و مخده توجه ينزل تحت و دخل يفتح المفارش و يفرشها و المخدات و تقدم يصحيهم
سلطان : تــركـي فــارس
مد يده يطبطب على فارس : فارس ولد قم قم رح الفراش
مد يده ل تركي : تركي قم تركي
تركي فتح عيونه : ياخي نعم شتبيي
سلطان : قم روح ل فراشك قم
تثاوب تركي ب كسل و قام يتوجه ل الفراش و يغرق ب النوم مره ثانيه
التفت سلطان ل فارس : فارس فارس فرفر قمم
ما سمع رد سلطان من فارس ولا استجابه و التفت ل الجهه الثانيه و همس : الشكوى لله
تقدم يسحب فارس لين الفراش و نفض يده ب تعب
سلطان : مو منك من عضلاتك يهيب
توجه يطلع و يدخل داخل البيت و يتوجه داخل الأصنصير رفع رأسه يناظر نور الرقم و ابتسم ب وسع يتذكر لون النار اللي شبها ثبت رأسه يناظر أمامه من وصل الدور الثالث و توجه ل غرفته يدخل و يطفي الابجوره و ينام .