ما خلق ربي جمال الا و لك منه حلايا ايه يا ملح القصيد انتي و يا عذر

7

{ عند البنات }
توجهو كل البنات يلبسون بجايمهم و نزلو مره ثانيه يجلسون ب الصاله يسولفون إلا ليان
وجلست غيداء لاهيه ب كوب القهوه الثاني حقها و تحركه و ساهيه فيه و تفكر ب اللي صار قبل شوي و هي تسمع أغنيه :

المشكله ان عزيز و أنا عزيزه نفس بزياده
قلب حر و جنه طاح اي والله طاح بيد جلاده
ادري انه ما يدري انه أغلى من عمري
وإذا ابحجي و أصارح وش بقول ما ادري
في لقاه أتدوده قلبي تحمر خدوده
اروح وارجع والكلمه في قلبي موجوده

لاحظتها ملاذ و عقدت حواجبها و قامت و تقدمت تجلس جنبها و ناظرت ب غيداء اللي للحين ساهيه ب الكوب و ما انتبهت لها التفتت تكلم البنات: عاد تدرون بنات في مسلسل جديد يععع مب حلو ابد
دخلت ليان و ناظرت غيداء اللي تهوجس ب كوب القهوه و ب عالم ثاني تماماً و جلست : شفيها ذي
شيهانه: خليها ذي عايشه عالم ثاني مب معنا
التفتت ملاذ مره ثانيه ل غيداء ب صدمه و هي كانت متوقعه انها تهتم ل ذا الموضوع لأنها مختمه كل المسلسلات
رفعت يدها تهز غيداء : هيي بنتت
التفتت لها غيداء ب انزعاج و نزلت السماعه: شفيك
ملاذ : انتي اللي شفيك موب معنا قاعد نسولف
التفتت غيداء تناظر البنات اللي يناظرونها : اسمع أغاني شفيك انتي
قامت من لاحظت ليان و جلست جنبها : كيفك يا حيوانه اشتقت لك من زمان عنك
عقدت حجاجها ليان : اي واضح توني ربع ساعه كنت هنا
قلبت عيونها غيداء : لا حول ولا قوه إلا بالله يعني الإنسان ما يشتاق
ليان : إلا يشتاق بس مب ب ذي السرعه
صدت غيداء : انتي وش دراك اسكتي بس
دخلت امجاد ام صقر و هي ماسكه الجوال : وين أبوي عقاب
انهار : برا ب المجلس
ام صقر : في احد معاه ابي اكلمه بقوله خبر
انهار : مدري ب ادق عليه
رفعت جوالها تتصل عليه
التفت الجد عقاب ل جواله و مسك الجوال و رفعه ل أذنه
بالمكالمه:
الجد عقاب : الو
انهار: الو يبه
الجد عقاب : هلا
انهار : امجاد تبي تكلمك
الجد عقاب : عطيني إياها شفيها ما تتصل طيب
انهار : لا قصدي تبي تجي تكلمك مو ب التلفون
الجد عقاب : طيب يلا خل تجي المجلس
انهار: تمام
سكرت المكالمه و لفت ل ام صقر امجاد : يقولك تعالي المجلس
هزت رأسها امجاد و طلعت

( عند العيال )
فهد و فيصل يلعبون بلايستيشن و الباقين يلعبون جكارو بلوت على جوالها و هكذا
فاز فهد و قام يصارخ : غشششاش
فهد التفت له و ابتسم : وش اللي غشاش كسرت راسك قدامك و كلنا نعرف اني ما غشيت
فيصل : لا ياخي غشاش أنا لفيت على صقر و رجعت ناظرت و أنت فزت
فهد : و من قالك تلف دلخ أنت
فيصل تقدم يشد شعر فهد : يالغشاش أنت تعلمني كيف العب
وسع عيونه فهد و مسك شعر فيصل يجره مثل شده فيصل
التفتو العيال لهم ب ضحك و فتح جواله فارس : محتوى سترييك
سحب فهد فيصل و فك يده اليمنى من فيصل جاء فوقه و تشقلبو
تشقلبو على بعض فهد و فيصل و انفجرو يضحكون العيال على منظرهم و ابتسم فارس يناظرهم ب التصوير : حبيت الهوشه استمرو استمرو
فك فيصل فهد من فرط الضحك اللي فيه و فكه فهد و هو مثله ميت ضحك
مسك بطنه تركي يضحك بقوه و معه عبدالله
قام فهد و مسك علبه ماي الصحه و قطها على فيصل رفع يده فهد يحمي نفسه من العلبه شهق و مسك علبه المنديل قطها على فيصل و قام من مكانه يركض يطلع للخارج
فيصل ب صراخ : ففهههههدددد
قفل فارس التصوير و ناظر جواله : الله على المحتوى الجميل رراائع
التفت له فيصل : ه ه ه ه احذف بس