في بيت مطلق
تأففت شموخ من قرار أبوها المفاجئ دخلت المطبخ عند امها إلي كانت تطلع الاشياءمن الثلاجة عشان ياخذونها: ماما وش يعني بنروح الديرة مابيها انا
رفعت حاجبها ديم : مين إلي كان يقول ودي اشوف الديره ،يلا فرصه وجتك
تقدمت تمسك كتف امها : اي صح بس كنت اقصد بس اشوفها وارجع مو اجلس فيها ، تكفين امي اقنعيه
لفت ديم تبتسم لها : والله ترا الديره حلوها ي امي اذا رحتي بتشوفي
هزه راسها بالرفض لان هي تدري عن حياه الديره كيف ، لفت من دخل تركي :يمه في شيء ثاني اخذه ، لف يناظر شموخ إلي ماتجهزت ولا شيء : انتِ مابعد تجهزتي يلا بسرعه روحي البسي
جوري وهي داخله و معقده حواجبها : اففف يمه شوفي ولدك مشعل يبي يجلس بالمرتبه الاخيره وانا ابيها
ابتسمت شموخ لهواشهم المتكرر ، تنهدت تمشي لغرفتها بعد ما طلع تركي يشوف مشعل ، لفت جوري تجلس على الكرسي : ماما راح اخذ لولي معاي
ام تركي : لا لا تاخذينها خليها عند وحده من صديقاتك
جوري : المشكلة انه كلهم مسافرين انتِ قصدك عشان شموخ تخاف منها ترا عادي اخليها بعيد عنها
أم تركي: لا يماما ما اقصد شموخ اقصد انها بتزعجك هناك
جوري: لا ماعليك ماراح تزعجني يلا بروح اخذها ، ركضت تطلع لفوق تجيبها ، لفت ام تركي ل مطلق (ابو تركي ) المعصب من تأخرهم : يله يا عيال تأخرنا اخلصوا ، نزلت شموخ مع جوري إلي تركض مستعجله تبي تروح المرتبه الاخيرة بعد ما تركي قوم مشعل : يلا جينا جينا
تقدمت شموخ تسلم على ابوها : سلام عليكم
ابتسم ابو تركي : وعليكم السلام ، وشلونس يبوي
ابتسمت شموخ : بخير الحمدلله ، بس ليش فجاة كذا نروح الديره صاير شيء ي بابا
تنهد ابو تركي : والله وانا ابوك جدك تعبان وللحين هو زعلان مني وانا قلت مادامني تقاعدت اروح اجلس عنده كم يوم لين يرضى علي
تنهدت بزعل لانها ما تدري ايش السبب إلي خلى جدها يزعل من ابوها ، لفت من صوت امها إلي طلعت من المطبخ : يلا مشينا ي مطلق
تقدم ابو تركي : يلا توكلنا على الله
الديره
............
بيت ابو عقاب (صقر )
طلعت ام عقاب (اصايل) وهي ماسكه القرصان تبي تحطها على السفره : ي سلمى جيبي الشاهي معك
سلمى : ابشري يمه ، مشت للمطبخ تاخذ الشاهي لفت من دخلت الجازي تجلس: يمه ابوي وينه
جلست ام عقاب : والله راح يشوف جدك عشان العزيمة حقت جارهم إلي بيخلونها في العزبه
سلمى :العزيمة مو ل عمي اجل
ام عقاب : لا جدس ما يدري انه جاي لاتعلمنه
الجازي باستغراب: وليه ما نعلمه مو ولده هو
ام عقاب : الا ولده بس صايره مشكلته قديمه بينه وبين عمكن عشان تسذا لا تقولن شيء
سلمى : وش هي المشكلة يمه عبي اعرف
قاطعهم ابوهم : ودكن تعرفون
فزت سلمى و الجازي من صوت ابوهم ، اشر بيده ابو عقاب عشان يجلسون : هاذي صارت من اول ماتوظف مطلق كان يبي يصير قريب من عمله كلم ابوي لكن عيا قاله اجلس هنيا مع اخوانك تديرون الحلال لكن رفض عمكن ومن اصبح الفجر اخذ اهله وراح ووقتها زعل منه ابوي وقال لا عاد تكلميني ولا عاد تجي الديره ، قاطعهم دخول
عقاب : لكن هو قالها يومنه منفعل ماضني الحين ل جاء بيرده
ابتسم بخفه ابو عقاب: ان كان انت موجود ما راح يرده
ام عقاب: اي والله صدقت حنا كلنا بكف وعقاب بكف ثاني عنده
عقد حواجبه عقاب من هايف : عقاببببب عقابببب حسين متهاوش
انصدم ابو عقاب يناظر عقاب إلي طلع يركض ، فزت ام عقاب بخوف : يارب سترك
عند حسين
الرجال ١:اقول اكل تبن بس
الرجال ٢ : ي رجال رح بس
تقدم حسين من لا حظ انفعال الاثنين: اذكروا الله ما.........قاطعه الرجال من دفه : انقلع بس
انقهر حسين يتقدم : الظاهر ماينفع معك الطيب
ضحكوا يناظرونه : يلا نقوم عليه
انصدم حسين : صبر انت مو متاهاوش معه
الرجال ٢ : واذا تهاوشت تراه ولد عمي
تقدموا يبون يضربونه ، تراجع حسين وهو ناويهم هاليله لكن اصدموه من جو ثلاثة ريجيل تجمعوا عليه وضرب بضرب ، لين ما اسمعو صوت : اتركوه ي الرخوم انت وياه
لفو يشوفون عقاب وهايف إلي تقدموا ، وقف حسين يدف الرجال إلي كان ماسكه
ابتسم بسخريه عقاب يناظرهم : انا من شفت وجيهكم وانا غاسل يدي منكم يلا هالحين كل واحد يتوكل لبيته لجل ما ابكي امه عليه
تقدم واحد منهم : اقول انا ما ادري ليش يخافون منك تراك رخم.........قاطعه من لف ذراعه عقاب يسمع صرخته : اااااا خلاص فكك
شد زياده عقاب ينطق : انا ان قلت لك توكل يعني توكل ، لف نظره ل اخوياه الثانين إلي بدو يتراجعون من تقدم هايف وهو ينطق : وانتم ودكم زيه ولا
ضحك بخفه عقاب يلتفت له : ها شفت اخوياك اسمعو الكلام يله الدور عندك ، فكه يدفه وابتسم حسين من شافه يركض : حي والله ذا العين يبو صقر
تقدم هايف : ولد ليكون صار لك كسر
حسين: لا بسم الله علي لا تتفاول لو سمحت
ناظر عقاب الساعه ينطق : يلا يلا مشينا واحد يجي معي والثاني يجيب البنات للعزبه
مد ذراعه هايف يضعها على كتف حسين : يلا انت جيب البنات
رفع حاجبه حسين: لا والله ما ني نا قص هواش جدتك والبنات انت جيبهم
ضحك هايف : المشكلة ان عقاب ما يبي واحد صغير معه يبي واحد عاقل يفهم
ابتسم عقاب من نقاشهم المتكرر : خلاص هايف معي وانت جيب البنات
تأفف حسين: ياخي والله لو خليتوني اجيب الخاروف ازين منهم ولا بعدين هادي ما يتكلم واجد
هايف : بس ينحاش واجد ههههههههه .
aljawhara3227. حسابي تيك توك؛
