Balas (Anak ni Randy) [COMPLETED]

BALAS: 26

Chapter 26: Uyab ko to

***

AREON'S POV

-
"HOY! HULATA SA KO BA! Aysag hawa," gisulayan pa nakog pugngan na mulakaw si Rhea pero gibyaan na gyud ko.

Gakusmod siyang nibalik sa iyang mga ig agaw. Waman lang ko pa explaina. Yati! Nasuko napud noon. Way ayo!

Wanalang pud ko nisunod kay di sa open space na mi, dali rapud mi makit an kung naa man iyang ig agaw. Wala unta koy pake bahalag makakita sila, pero kabalo kong dili pa ready si Rhea ug nakasabot ko niya.

Naglingo lingo rako ug gibilinan nalang siyag chat sa messenger. Gichattan nalang pud nako kung asa sila Gil ug niingon siya na naana daw sa dorm. Didto ra daw mi maniudto.

Alas dose naman diay ug karon pa ko katan aw sa oras. Nigawas nakos LSU ug nibalik sa dorm. Duol ra ug kilid raman sa eskwelahan maong naabot ra dayon ko.

Giabrihan na nako ang sira ug nakit an nakong mga amaw. Nanglingkod sa salog ug nangaon. Nagpalibot pa sila murag ga ritwal gyud.

"Arang dugayan kaayo ayy! Nang chixx paman na!" Yawyaw dayon ni Gil bahalag puno pa kaayo ang baba ug kinilaw na guso.

Nilingkod sa kos monoblock chair namo para hubuon ang sapatos bisag padayon ug yawyaw akong kauban.

"Kinsa man to Ar?"

"Abi namog naa kay uyab sa Rebei? Ga cheat ka no?"

"Temptation. That is temptation, buddy, and you can't refuse it when it comes near you."

"Hilom oyy waka angayi sa imong english." Sagbat nakong BJ.

Nagbahak hakay ra sila ug nitapad nako nila para muapil ug kaon.

"Uyab ko to oyy taka ramog estorya," ana nako dungan pagsandok sa kan on ug plato. "Bitaw pila akong bayronon ani?" Paghisgot nakos ambag sa among gikaon ron.

Ambag ambag man mi basta mamalit mig pagkaon.

Wako nila paminawa ug lahi noon ang ilang gitubag.

"NAA IMONG UYAB!?" Dungan ug ingon nila except kay Gil.

"Unsa? Imong uyab tong bayeng gwapa na puti ganina? Why didn't you tell me, Ar-Ar!?" Pag inarte niya nga murag baye with matching bundak bundak pas kutsara.

Hinungdan para magkalansing ang plato nga bildo. Giisogan gud nako siyag tan aw.

Nitando rako ug gikab ot ang guso. "Wa lage mo namalit ug bulad? Lami unta to!" Komento pa nako ug para malahi ang among topic.

"Ay aynag pangita dira.. ikaw bitaw among gihulat para makapili pud kas imong ganahan wa man ka naabot. Nag date date paman diay!?" Ana si Japet.

Wa ranako siya gipansin ug nagtando tando ra kay gilamian sa akong gikaon.

"Hoy Ar!" Sabaan gyud kaayo nis Gil.
"Ngano waman ko nimo gipaila ila ganina. Maypag wa ko niuna sa cr buanga ka!"

"Buang, naa kay uyab huy!" Gihapak siyas tangkugo ni BJ.

"Ngano man pud?" Ngano ipa ila ila man pud nako siya? Nga akoa raman to akong uyab hehe..

"Unfair! Pero ga date mo no? Waman ka kasunod dayon?"

"Ngee, asa mo nangadto ha? Tubag!"

"Ikaw ha sikretog labok!"

"Pero sanaol gyud no.. gibisita sa uyab."

Wa ranako sila gitubag ug tatawa tawa ra. Gikuha nako akong selpon para icheck kung naana bay chat pero waman.