سيدرا تگول لاُمها
لو كان بيدي أن أكون لكِ شيئًا يا أمي ،لكُنت لكِ قلبًا يا أُمي
لا يتوقف نبضه إبدٍا.....
أتمنى لكم قرائة مُمتعة حبابيبي 🫶🏻
............................................................................
سيدرا
أتقربت من أمي اريد أشوفها تتنفس ، ماكوو أي نفس ماكو لزمت أيدها اريد أشوف وريدها بي نبضة خفيفة بسرعة تمالكت نفسي وإتصلت على الإسعاف ،
على ما يجون الأسعاف حاولت أصحيها بس للأسف ماكو أي إستجابة ورة شوية وصلت سيارة الأسعاف أخذوا أمي ورحت صعدت وياهم أتصلت على ادم لان ما اعرف اسوي شي بنفسي حرت بيمن أستنجد او أستند لان طول عمري أُمي جانت سندي وأول ما احتاج شي اكلها وهسه مدا اعرف اسوي شي لان هي مو يمي
وصلنه للمستشفى نزلوها من السيارة حطوها على السدية ودخلوها للداخل
تحركت وراهم وأدعي اللهي كون تعيش ما أريدها تموت محد عندي
غيرها أُمي هيَ كُل ناسي ولا فد يوم حسيت بالوحدة او بالغربة بسببها كانت معوضتني بكلشي شأريد تكُلي صار حاضر ما فد يوم احتاجيت
شي وما لكيته يمي دوم هي تسندني بقرارتي وتشجعني على كُلشي، شكو شي وصلت إلة هسه وبالمستقبل هذا كلة بعد فضل رب العالمين هو بسبب أُمي
قويت نفسي ودخلت للمستشفى بعدني ما واصلة لغرفة الطوارئ شفت أدم وراي أجة
- ها وين امج ؟
- ما اعرف ما ادري وين أخذوها
- تعالي امشي وياي نسئل الاستعلام
راح سئلهم وكلولة بالطورائ اخذني ورحنه للطوارئ بالگوة چنت أمشي خايفة لا اروح واشوف شي يخليني انهار
دخلنه للطوارئ متروس ناس ضليت أدور على امي وينها اريد المحها بلكت ويرجع النفس بيها ، هذا جان كُل أملي بس كل أمالي إنهدت من شفت ديسوولها صدمات كهربائية حتى يرجع نبضها !
رحت يمها أتقربت ما اريد أصدك عيوني لزمت كف أيدها واحاجيها
ماما حبيبتي يلا كومي لا تخليني وحدي مو وعدتيني نكمل عمرنة سوا ونكبر سوا يلا حبيبتي عزيزتي كومي شلون تردين ارجع للبيت وحدي منو إلي غيرج ؟ اول ما وعيت على الدنيا أنتِ يمي وهسه تردين تركيني وترحين ؟ منو ينور البيت بعدج؟ منو بعد يرزلني على القهوة كل الصبُح
شوية وأشوف الدكاترة. توقفوا عن الجهاز وحددوا وقت الموت
من الصدمة حتى نسيت شلون أحجي وياهم بالغتهم ، عطت بوجهم هايي ليش وكفتوا ؟ كملوا شبيكمممم ، ادمم اادم حاجيهم كللهم خل يكملون شنو يموتون امي بكيفهم
- ان الله وان إلية راجعون ، سيدرا لا تسوين هيجي حرام
هو شنو لا تسوين هيج شبيك ادم اميي تفهم شنو امي ؟؟ الربتني العلمتني السوتلي المحد ما مسويليا ؟
عفته وكعدت بصف امي أبوس بوجها وبإيدها
يلا يا امي كومي ما يلوكلج النوم ترى أنتِ مو تخافين علية أبقى وحدي ها ؟ شلون هسه تردين تعوفيني للأبد وحدي ؟ يلا حبيبتي عيوني انتِ يلا كومي
