١١:١٤ مسَاء .
يوسف رن الجرس
طلعت بنت حلوه شعرها بُني قصير بيضه و عيونها زرقه لابسه فستان ابيض قصير ضيق
راحت نطت على يوسف اول ما شافته
- اشتقت لك مره حبيبي !!
بادلها الحضن
- انا اكثر يروحي انتِ
انتبهت لفهد و قالت له
- فهد كيفك؟ من زمان ما شفتك !
- بخير انتِ كيفك؟
راحت تركض و نطت بحضنه و هي فرحانه
- بخير دامك بخير !
و هو بادلها الحضن
يوسف مسك كتفها
- هي انتِ ! بعدي عن حبيبي اغار ترى !
تأففت الثانية
- اوف هد شوي يا الغيور ترى ما بسرقه منك
- تالا من على الباب !!
كان صوت وحدة تصرخ
- ماما هذا فهد و يوسف !!
- يلا وش تسوون على الباب خليهم يدخلون الجو بارد !!
- تفضلوا
قالت و هي مبتسمه
الصَالة .
- السلام عليكم
قالوا فهد و يوسف
- وعليكم السلام و الرحمة
رد عليهم ابو يوسف و هو جالس على الكنبه مبتسم لهم
راح يوسف لابوه باس راسه و يده
- كيفك يبه عساك طيب؟
- الحمدلله يا ولدي انت كيفك وش مسوي مع الجامعه؟
- والله زين الحمدلله
- فهد ! من زمان عنك يا ولدي والله اشتقت لك شعلام ما تجي البيت؟
- اي والله انك صادق يعم بس تعرف يعني الجامعة و ضغطها و بعدين يوسف دايمًا مشغول صعبه اجي لك البيت هنا وحدي فشيله
- وش ذا الكلام فشيله! تعال البيت وقت ما تبي البيت دايمًا مفتوح لك و البيت بيتك يولدي والله انك بمقام يوسف
- والله احرجتني يعم معرف حتى كيف ارد عليك
قال فهد و وجهه شوي حمر
- هههههههههههههههه يبه تكفى خليته يحمر
- اءء معليش على المقاطعه بس الاكل جاهز
قالت تالا
- سمي يعمري الحين نقوم
قال ابو يوسف
طَاولة العشَاء .
- يوسف فهد
قال ابو يوسف
- سم
قالوا الاثنين
- سم الله عدوكم الا بسألكم الحين بعد التخرج راح تضلون عايشيين مع بعض؟
- اكيد !
قال يوسف و كمل
- صراحةً تعودت اعيش مع فهد و الولد محترم الحمدلله و ما جاء منه أيّ شر
- اي و النعم فيه بس انه اشتقنا لك و لحسك بالبيت
قال ابو يوسف زعلان
- واه الحين اشتقت لحسي ! وين ايام قبل اللي كل مره تجلدني لمن اصرخ و انا العب بليستيشن
- تصدق اشتقت لصراخك ذا ههههههههههههههههههه والله للحين مو متعود على غيابك
- عاد اعتبرني اني متزوج و تعود على غيابي
قال يوسف و رفس رجل فهد و الثاني ابتسم
- آهخ ان شاءالله اشوفك معرس ياولدي
- ان شاءالله
قال و هو يناظر فهد مبتسم
star ⭐️?.
أنت تقرأ
لحظَات !.
Romanceرِوَاية مثلِية فصُولهَا قصِيرة تتكَلم عَن لحظَات رُومنسِية بِين حَبِيبِين ! . باللهجَة السعُودِية !. كُل يُوم أربِعَاء فَصَل !.
