فرحه شمس العصاري

مربوطه .. الفصل ٤

السلام على اشرف الخلق اجمعين
              💚🌟💚
يا ريت ندوس على النجمه قبل القرايه عشان مننساش
و كومنت لطيف و متابعه هتبقي قمر 😍

يلا على خيره الله نبدأ و معانا بارت ونقول
الووووووووو
                💚🌟🌟💚

ارتفع فى الهواء نظرا لحركه شد عنيفه وقويه من خلف جلبابه
بوسه ايه ال انت قتيلها دي يا ولاه

عتمان .... سي عتمان 

ايوا عتمان يا خويا منك له ، هاااا بوسه ايه دي يا ولاه ال انت قتيلها

طب نزلني طيب ولا عشان ربنا مديك طول يعني يا عم مش كدا هتخنق

يا ولاه بطل معافره معايا انا ال هخنجك واعلقك على النخله ال فى اول السرايا لو منطجتش دلوك
ثم تركه فوقع ارضا

يا رب النخله دي تولع من ساعه ما اتولدت وانتوا عاملينها لي زي العفريت دا انا بنام احلم بيها يا عم
دا حتى الشيخ لو محفظتش وانا صغير يقولي هعلقك من رجلك  على نخله السرايا زي الوطواط بالشقلوب طب تصدق بأيه انا باكل بلح النخل كله الا بلح النخله دي
قالها وهو يستقيم واقفا محاولا تنضيف ملابسه اثر الوقعه

لكزه عتمان بقوه في كتفه .. طب ايه قولك لو منطجتش انا ال هحقق امنيات شيخ الكُتاب . انطق يا ولاه وجذبه مرة اخرى من ملابسه لاعلى

فأسرع حسين لنجده اخاه .. يبوس راسك يا عتمان يبوس راسك

نظر له حسن وهو معلق لاعلى  بشرر و استغراب رافعا طرف شفته العليا بأستهجان واضح
تركه عتمان مره اخرى  فوقع ارضا متأوها بصوت عالي 

بينما رفع عتمان حاجبه مستغربا . نعم يا حبيبي يبوس راسي ومن امتى الادب دا وليه

ماهو  .... اصل يعني .. بص هووو

ما تنطق منك له . قول انت يا زهير

همس الاخير بصوت غير مسموع .. نيله على زهير وال جاب زهير فى يوم واحد

بتقول ايه

بقول انه حلف يبوس راسك كل لچل يعني .. عشان يعني .. اه اه  عشان ابا الحاج زهير حلف انه هياخدهم وياه مصر ويجيب للكل خلچات من هناك بسبب فرحك فهو من فرحته قال كدا
واحنا بقا عمالين نقوله عادي ودا اخوك
وهو ابدا رأسه والف سيف لازمن ولابد يبوس راسك يوماتي ولحد يوم الفرح  من فرحته اكمن معمروش راح مصر من سابق

نظر له حسن بدهشه واشار الى نفسه
انت تقصدني اني اني حلفت

اه

يمكن ...قالها بعد ان اجابه زهير مشيرا الى موضع قفاه وهو يتحسسه

اعتدل عتمان بزهو واخذ يعدل من قفطانه وابتسم بعنجهيه ايوا ايوا عشان تعرفوا لولا فرحي مكنتوش عمركم عتبتوا بره النجع وتركهم و اتجه الى داخل المنزل
ولكنه وقف واستدار مره اخرى وتحدث متفاخرا ... مش لازم تبوس راسي الصبح ممكن  كل يوم بس اي  وقت اكون فاضي فيه عادي يعني انا مهدوجش وياك