هـݪـي ودا؏ـت بخـتڪـم ࢪوحـيہ متـعوبـه 🖤
الكاتبة: نـــــونـه آل زوبــع
هلاووو حبايبي اليوم راح احجيلكم قصتي
اني اسمي ايڤان عمري 17سنه طالبه رابع اعدادي وعندي اخوات اثنين اروى 23سنه الجبيره تاركه الدراسه واڤيان 21سنه مرحله ثانيه واخ واحد علي عمره 12سنه وماما لينا 42سنه وبابا الكرار 53سنه وعمامي ثنين ذوالفقار 32سنه واحمد 28سنه......
في عاصمه العراق بغداد
ساعه 6:30 صباحا
الام لينا: يلا ايڤان كومي حبيبتي صار وقت الدوام
ايڤان: ماما حبابه بس شويه واكوم
الام لينا: حبيبتي ابوج راح يرجع من السفر كومي
ايڤان: يااااي بابا راح يرجع راح اسبح واجي وراج
الام لينا: تمام حبيبتي راح اروح على اخواتج
ايڤان: امممواح احبج ماما
الام لينا: اني هم احبكم حبيبتي
ايڤان: كمت طلعت ملابس المدرسه ودخلت سبحت وطلعت بسرعه لان ماضل وقت للخط نزلت جوه ولكيتهم كلهم ملتمين ع طاوله الطعام
ايڤان: صباح الخير ياحلوين
اروى: صباح النور حبيبتي
اڤيان: صباح الورد يحلوه
علي: صباح النور اميرتي
الام لينا: يلا حبيباتي خلصو ريوك راح يجي الخط
ايڤان؛ اڤيان؛ علي: حاضر حبيبتي
اروى: اجه الخط يلا تعالو
ايڤان؛ اڤيان؛ علي: يلا باي اروى باي ماما
الام لينا؛ اروى: انتبهو على نفسكم الله وياكم
اروى: ماما سمعت بابا اليوم يرجع من السفر صحيح
الام لينا: اي حبيبتي اليوم يجي يلا خلي انرتب البيت بين ميرجعون اخواتج وابوج
اروى: تمام ماما اني راح ارتب البيت انتي ارتاحي
الام لينا: حبيبتي بنيتي الله يرضى عليج
اروى: اروحلج فدوه لينايتي حبيبتي
الام لينا: ياا يمه شوكت اتبطلين سوالفج ههههه
اروى: غير انتي امي وصديقتي يايمه شبيج
الام لينا: بنيتي حبيبتي يلا روحي كملي ترتيب البيت واني اروح للسوك محتاجه شي اجيبلج وياي
اروى: ترجعين بالسلامه حبيبتي محتاجه سلامتج
الام لينا: حبيبتي يلا مع السلامه
اروى: الله وياج حبيبتي راحت ماما للسوك واخواتي واخويه بالدوام وبابا راجع من السفر اول شي ابلش بترتيبه الصاله كملت الصاله ورحت للغرف نضفتهم وغيرت الفرشات ومسحت الارضيه وانتبهت ع علاكه سودة جوة الجربايه مال ايڤان عفتها كلت جوز بيها حلوياتها قفلت الباب وطلعت الباقي الغرف كذالك رتبتهم وغيرت الفرشات ومسحت الارضيه وطلعت للمطبخ غسلت مواعين وسويت غدا وكعدت بالصاله شفت صديقتي مراسلتني صديقتي اتعرفت عليها عن طريق الانستا وكلش حبابه وحنينه
رند: هلو اروى شلونج حبيبتي شخبارج
اروى: هلو حبي تمام الحمدلله وانتي مشتاقتلج
رند: والله اني هم مشتاقتلج
اروى: بعد روحي شكو ماكو
رند: والله كاعده احجي ويه ابن خالي
اروى: تمام حبيبتي اخذي راحتج باي
رند: الله وياج كلبي باي
اروى: سمعت الباب يندك لبست حجابي وطلعت وصحت منو جاوبني بابا
الكرار: اني بنيتي حبيبتي
اروى: بابا حبيبي شلونك شخبارك شتاقيتلك
الكرار: الحمدلله وانتي شلونج امج وين
اروى: اني الحمدلله ماما بالسوك واخواني بالدوام
الكرار: تمام حبيبي تعالي ندخل جوة ميت من الجوع
اروى: ياا يخسى الجوع حبيبي تعال ندخل ومحضرتلك الحمام اسبح بين مااحضر السفره
الكرار: لا حبيبتي راح اسبح واجي بين مايرجعون نتغدا سوة
اروى: تمام حبيبي براحتك
ايڤان: داومت واليوم جان كلش حلو بالمدرسه كعدت بالساحه اني وصديقاتي نجلاء ومريم وهند وعائشه اشترينه حلويات من الحانوت وكرزات وبدينه نحشش على المدرسات وناكل دك الجرس البيت نطلع ودعت صديقاتي وطلعت انتضر الخط وصلت للبيت وميته تعب وجوع
اڤيان: طلعت للجامعه واحس روحي طايره من الفرح راح اشوف بابا لان مشتاقتله اخذت محاضرتين وضربت الباقي وطلعت للبيت
اروى: ورجعت ماما من السوك واڤيان رجعت من الجامعه وعلي وايڤان رجعو من المدرسه
الام ليان: يلا حبايبي اصعدو غيرو ملابسكم وصلو وتعالو نتغدة
ايڤان؛ اڤيان؛ علي؛ اروى : تمام ماما اجينه
الام لينا: حضرت السفره ونزلت الاكل وصحت الهم
الكرار: ام اروى شلونكم بدوني خوما احتاجيتي شي
الام لينا: لا ياابو اروى احتاجينه بس شوفتك
الكرار: الله يحفظكم يارب
ايڤان: هلاااااووو بابا حبيبي شلونك
الكرار: هلا بروح ابوها شلونج حبيبتي
ايڤان: اني بخير دامك انت بخير
اڤيان: شهل جمعه هاي شلونكم
الجميع: هلا والله زينين انتي شلونج
اڤيان: زينه بوجودكم عندي الكم خبر بس ورا الغدا
الجميع: انشالله خير
اروى: اتغدينه وكمت اغسل المواعين اني واخواتي ونحضر الجاي واڤيان كالت
اڤيان: بنات اريد اكمل دراسه خارج العراق بس شلون راح اقنع ماما وبابا
ايڤان: احنه وياج راح نقنعهم موصح اروى
اروى: ها ماعتقد يقبلون بس انحاول
اڤيان: الله كريم انشالله يقنعون... ماما بابا وينكم
الام لينا، الكرار: ها يروح ابوكم
اڤيان: بابا اريد احجي وياك بموضوع واتمنى تفهمني
الكرار: اي بابا كولي
اڤيان: بابا اني اريد اكمل دراسه بس خارج العراق
الكرار: وين مثلا خارج العراق
الام لينا: يمه شلون ترحين خارج العراق وليش جامعتج شبيها اشو خوش دكاترة وزملائج بيها ليش ترحين ياماما
اڤيان: ماما اني ماريد اكمل هنا اريد خارج العراق وتحديدا امريكا اخلص دراسه هناك هنه اربع سنوات وارجع فدوه ماما
الكرار: بنيتي خير انشالله بس اكول العمامج حته يكون عدهم علم بالموضوع
اڤيان: تمام بابا حبيبي احبك هوااي
ايڤان: شنوو تره احنه هم انحبه موبس انتي
اروى: ايي اني بنته الجبيره واحبه اكثر منكم
علي: واني ابنه الوحيد اكيد يحبني اكثر واحد بيكم
الكرار: اولادي اني احبكم كلكم نفس المعزة والله يحفظكم كلكم اني رايح ازور احمد وذو الفقار
ايڤان: بابا حباب اخذني وياك اشوفهم والله مشتاقه العمو احمد حباب
اروى؛ اڤيان؛ علي: اي بابا اخذنه وياك حته انشوفهم
الكرار: يلا لعد كلكم جهزو نفسكم
ايڤان؛ اڤيان؛ اروى؛ علي: يااااي راح انروح العمو احمد
ايڤان: طبعا اني كلش احب عمو احمد احسه صديقي لان بعدة مامزوج ابد ماحسسني اني بنت اخو عبالك اصدقاء عكس عمو ذو الفقار صح حباب وكلبه طيب بس مرات يعصب علينه صعدت الغرفتنه اني واڤيان اهوووو شنو راح البس
اڤيان: شبيج طنكرتي البسي ايشي قبل لا ابويه يصيح استعجلي
ايڤان: تمام لبست فستان اسود وحذاء ابيض وجنطه فضي وخليت بس مرطب شفه ومسكاره وعطر وعفت شعري مفتوح ع طوله
اروى: صعدت الغرفتي حرت شنو البس طلعت فستان كريمي وحجاب اسود وحذاء ابيض وخليت بس حمره وعطر
اڤيان: اني لبست بنطلون ابيض وقميص اسود وحذاء كعب اسود وسويت شعري مرفوع وخليت واقي شمس وحمره وعطر
الكرار: يلا بناتي راح نتاخر
اروى؛ اڤيان؛ ايڤان: اجينه بابا
ايڤان: نزلنه ولكينه ماما كاعده يم بابا ودائما من نطلع لازم نتعارك ع الجامه اروى اني اكعد يم الجامه حبابه
اروى: والله معليه ماتحرك اني كعدت قبلج وصاح بينه بابا
الكرار: شوكت تعقلن موصرتن بطولي اصعدن يلا
اروى؛ ايڤان: حاضر بابا حبيبي
ايڤان: طلعنه وبالطريق دخت وخليت راسي على كتف اڤيان وبابا مشغل قصيده فاقد الموسوي حسين خليني على بابك واسمع بيها وعيوني شلال ومااحس اله صرخه ماما
الام لينا: الكراار انتبه....
اتوقعوو شنو راح يصير!
بدايه جديده ونهايه اجمل بااذن الله
1015كلمه وراح يكون النشر بين يوم ويوم احبكم هواي 11:11
