تعال إذا تسالني عن حالي
أكلك زين
وعن البيه ما احجي
وارد ويه روحي هواي
أني جذاب بس تحضني ابجي..
ذياب: اروى انتي هنا تعالي احجي وياج شويه
اروى: ها ذياب شو بعدك كاعد احجي شبيك
ذياب: اروشه اني داشوف شلون متاثرة بعمه الله يرحمها وكلنه احنه مكسورين باجر انشالله اول يوم الفاتحه بس اريد اطلب طلب
اروى: من سمعت باجر اول يوم الفاتحه حسيت خلاص صدك امي ماتت وخيمتنه طاحت نزلت راسي بكسره وجاوبته اتفضل شنو اتريد
ذياب: اروى ياعيوني انتي لاتأذين روحج وكوني قويه علمود باقي اهلج حته اسندين اخواتج واخوج واني وياج بكل لحضه مستعد انطيج روحي المهم اشوفج قويه لاتضعفين فدوه لعيونج
اروى: ذياب اني دااحاول ابين نفسي قويه بس علمود اخواتي بس والله العظيم اني متحطمه وحيلي مهدود امي عافتلي حمل ثكيل عليه وخايفه لا يجي يوم ومااكدر اسند اخواتي واخويه خايفه من الي راح يصير بالمستقبل
ذياب: عيوني انتي خلي عينج بعين الله والله كريم رب العالمين ماينسه عبده حاير خلي ايدج بايدي واني وياج وهسه روحي غسلي وجهج عيونج الحلوات ذبلن من البجي باجر وراج كعده من الصبح روحي نامي
اروى: الله كريم ويصبرني على هذا الامتحان تمام راح انام اني تصبح على خير
ذياب: الله كريم وانتي من اهل الخير... راحت اروى وروحي راحت وياها لوبيدي اضمها بروحي ...
اڤيان: رجعت للبيت ولكيت خوالي وبنات خوالي وابن خالي يمنه اني ماعندي طاقه للكلام وياهم عفتهم وكلت الاروى تاخذني الغرفتي حته انام واني اكذب اذا اكول اريد انام بس اريد اهرب من الواقع دخلت الغرفتي غيرت ملابسي لبست اسود واتمددت ودموعي نزلن اذكرت كلام امي وشلون جانت اشجعني على دراستي وشلون اتكعدنه واسوي الاكل بيدها ومن نطلع تدعيلنه من كل كلبها وينج يايمه هديتي حيلي وراج....
ايڤان: كعدت ب5:30 لكيتهم توهم كاعدين اباوع بالبيت كلهم صوتهم موجود اله امي مالها صوت غمضت عيوني والغصه احتلت صدري واحجي بيني وبين نفسي شتاقيتلج يمه كلبي طاك على صوتج يرويحتي حسيت احد حط ايدة على گتفي فتحت عيوني ولكيت عمو احمد
احمد: صباح الخير يروح عمها شلون صرتي بنيتي
ايڤان: صباح النور حبيبي اني زينه بس ماما شوكت تجي شتاقيتلها حجيتها وبجيت اجه حضني
احمد: ايڤوو حبيبتي ربي يرحمها ويجعل مثواها الجنه خليج قويه حبيبتي واحنه كلنه وياج اريدج اترفعين راس امج وراسنه بنجاحج محاميتنه
ايڤان: انشالله عمو اروح اشوف البقيه وين
احمد: البنات نايمات واني وذياب وخوالج كعدنه للصلاه بس اريد اسألج سؤال بس يبقه سر تمام
ايڤان: عمو سرك بير كول شصاير
احمد: اريد اسأل على بنت خالج البارحه شفتها وعجبتني
ايڤان: ياهيه بيهم عموو هنه ثلاثه موجودات
احمد: البنيه الي جانت لابسه حجاب اسود
ايڤان: عمو مخلي عينك على سما بنت خالي ياسر
احمد: مومخلي عيني بس عجبني طريقه كلامها وتعاملها ويه اخوها ذياب
ايڤان: حلوو انشالله خير اني اروح اكعدهم ورانه فاتحه حجيتها بقهر عفت عمو احمد ورحت اشوف البنات فتحت الباب ولكيتهن نايمات صحت بصوت عالي بنات يلا كومن ورانه شغل وعالم راح تجي علينه حته انلحك كعدت سما
سما: اي حبيبتي راح نجي وراج انتي كعدي اروى بين مااكوم اغسل واسوي الريوك
ايڤان: يلا حبابه حته نلحك
سما: تمام حبيبتي كايمه راحت ايڤان واني كعدت البنات وطلعت لكيت ذياب واحمد كاعدين بالحولي صبحت عليهم ومشيت غسلت وكعدت اسوي ريوك حته انلحك خلصت الريوك وصحت على ذياب عفيه روح كعد الباقي بين مااحضر السفره
ذياب: تمام حبيبتي عفت احمد ورحت كعدت ابوي وعمي ورحت على رجل عمتي هم كعدته وشفته مايكدر اذكرت لازم اسندة صحتله عمو دقيقه خلي اساعدك
الكرار: بارك الله بيك وليدي
ذياب: بعد روحي عمو ادلل سندت عمي وطلعته للمطبخ وشفت اروى نازله عيونها دمم ولابسه اسود وهيه بيضه حسيتها گمر ولابس ليل صبحت علينه
اروى: كعدتني ايڤان واني اصلن مانمت اجذب على نفسي بس مغمضه وانتضر النهار يطلع نزلت وشفت ذياب عينه عليه بس غلست صبحت عليهم صباح الخير
الكل: صباح النور تعالي اتريكي
اروى لا ماشتهي شي بس سما بلا زحمه عليج سويلي لفه جبن واستكان چاي الااڤيان خلي اصعدلها متكدر تنزل خطيه
سما: ماكو زحمه حبيبتي هسه اسويلها ادللي
اروى: حبيبتي متقصرين تعبتج وياي اخذت الفه والاستكان وصعدت الااڤيان
اڤيان: كعدت اريد انزل حته اشوف امي من يجيبوها بس ماكدر اتحرك راسي كله خياط واحسه ثكيل اجتي اروى بيدها اكل هاي شسوين بي
اروى: يلا حبيبتي اتريكي حته تاخذين علاج
اڤيان: ماريد شي ماشتهي اكل نفسي مسدودة
اروى: اذا اتعزين ماما اكلي علمود علاجج بس
اڤيان: تمام خلاص لاتحلفين راح اكل اكلت شويه وشبعت انطيتها الباقي اتوسلت بيها حته انزل يمهم جوة اروى فدوه نزلوني جوة اريد احضر عزاء امي فدوه لاتعارضين
اروى: حبيبتي والله علمودج انتي بعدة جرحج والبارحه طلعناج من المستشفى شلون راح اتنزلين وانتي مراح تتحملين
اڤيان: اذا متنزلوني برضاتكم انزل وحدي
اروى: اوووف من عنادج هسه اشوف ذياب لو عمو احمد وين حته ينزلوج
اڤيان: نزلت اروى جوة واني ادعي يجي واحد ينزلني شويه واندك الباب
اروى: نزلت واني الف فكره براسي بس دابين اني قويه وصلت للمطبخ وذياب باوع عليه اني حجيت عمو احمد وين
ذياب: احمد راح يجيب مسواك هو وابويه وعمو سامر ليش محتاجه شي اخابرهم يجيبونه وياهم
اروى: لا ماعندي شي بس ردته ينزل اڤيان لان مصره تنزل يمنه
ذياب: هاهيه هسه اني راح اصعد انزلها واجي
اروى: شكرا ذياب تعبتك
ذياب: اروى اتريدين ازعل عليج انتي مو
اروى: لا والله بس داشوف التعب بعيونك
ذياب: تعبج راحه عزيزه كلبي انتي
اروى: راح ذياب ينزل اڤيان واني بقيت يم البنات وبقيت اسولف وياهم اكلكم اول شي راح نبلش بي الديوان انرتبه وراها الصاله والباقي
سما، رنا، ملاك: تمام كل وحده اتنضف شي حته انخلص اسرع قبل لا يجون الباقي
ايڤان: اني راح انضف الكراج وانتو كل وحده تاخذ شغله
اروى: يلا تمام راحن البنات اني وسما رحنه للديوان انضفه شلنه المفروش الارضي وغيرنه البردات وكنسناها وسما مسحت الارضيه وعطرناها وطلعنه للصاله
سما: اروى اذا تعبتي عوفي اني اخلص بدالج
اروى: لا حبيبتي انخلص سوة ماضل شي
سما: تمام لعد رتبنه البيت وخلصنه اتصلت بملايه لان احنه اهل البصره متعودين بالعزاء ملايه اتصلت وكالت ب4العصر اجي رحت الااروى اكللها وينج اروى
اروى: ها اجيت شبيج اصيحين هرجتينه
سما: اجيت اكلج خابرت على الملايه ب4تجي
اروى: ها تمام لعد كل مايقترب الوكت احس روحي اتريد تطلع بس شنو بيدي اسوي
ايڤان: طلعت للكراج اني ورنا وضلت اسولفلي على ابوها لان امها وابوها منفصلين وتحجي بقهر
رنا: ايڤوو تدرين اني صح احب امي بس ماتعلقه بيها مثل بابا وملاك مرات احسها بنتي صح عمرها مراهق بس ابد ماغلطت
ايڤان: رنا انسانه كلبها طيب وماتحب الخراب الاحد وهيه الي ربت ملاك رغم عمرها 19سنه بس التعب غيرها 50سنه ربي يريح بالها واحنه ونحجي سمعنه خوالي اجوي راحت رنا تفتح الباب واني وراها امشي
ياسر، سامر: سلام عليكم يابه
رنا، ايڤان: وعليكم السلام الله يساعدكم
ياسر: حبيبتي الغالية تعالن ساعدنه خلي انزل الغراض من السياره بس استعجلن لان راح يجي ورانه الكصاب والطباخ
سامر: خويه هنا انشالله نطبخ مو لوبيت ذو الفقار
ياسر: لا خويه ابو علي كال هنا وماشاء الله البيت خير من الله جبير
سامر: خير انشاء الله يلا بناتي نزلن بس الي اتكدرن عليه
رنا، ايڤان: انشالله
اڤيان: جنت انتضر احد يجي حته انزل وشويه واجه ذياب
ذياب: صباح الخير يحلوا كالو تردين اتنزلين
اڤيان: صباح النور اي والله ولو راح اتعبك بس اتحملني
ذياب: تعب شنو انتي اخت العزيزة تأمرين امر
اڤيان: ابن الخال الغالي نزلني وكعدت يم سما واروى وملاك وضلينه انسولف ذكرياتنه وكل وحده وعدها هم اكبر من الثاني بقينه نحجي لحد ماسمعنه اجو خوالي دخلو علينه جوة وصاحو
سامر، ياسر: سلام عليكم يابه شلونجن
الكل: وعليكم السلام اجيتو
ياسر، سامر: اي والله يايابه وهسه راح يجون العالم لازم ننصب الجادر
البنات: حجيناها بكسره انشالله وشوكت نروح ندفنها خوما تبقى بالمستشفى
ياسر: انشالله بس يجي ابوجن وعمامجن والله كريم
اروى: بقو يحجون واني رحت اخابر على عمامي اشوفهم وين اتصلت بعمو احمد ... الوو هلا عمو
احمد: هلا حبيبتي شلونج محتاجه شي
اروى: زينه لا سلامتك بس انتو وين
احمد: والله يعمو اني رحت اخذت ابوج وعلي يفحصون وكال لازم يرتاحون هل ايام وماكو حركه وراح نرجع البيت عمج ذو الفقار حته يرتاحون اكثر لان بيتكم راح يصير هوسه
اروى: حجيت بقهر انشالله عمو بس اكلك خالي ياسر يكول علمود النجف لازم نطلع الفجر وهسه راح ينصب الجادر
احمد: انشالله خير حبيبتي هسه اجي ونتفاهم.....
اروى: سويت الخط من عمو احمد وبدت النسوان تجي وكلهن جوارين وصديقات ماما وكرايب بابا
البنات كل وحده لزمت زاوية بالبيت وكعدت تبجي ايڤان حاطه صوره الاامي وسولف وياها
ايڤان: خلصنه كلشي والنسوان بدت تجي ويبجن واحنه نبجي طلعت صوره الماما وكعدت اعاتب بيها
حبيبتي ليش بسرعه رحتي فدوه الطولج رحت واجه ابالي كلام ...
ايڤان اتكول: صدك لفج تراب وشالتج كاع
صدك لفج جفن مثل اليموتون
صدك وياج اشوفن ساعه وداع
صدك عني رحتي مثل اليروحون
جانت دنيتي بيها انتي المتاع
بلايه متاع دنيا انعيشها شلون....
اتمنى تعجبكم القصه
11:11(احبكم فراشاتي) 💙✨
