اروى اتكول: شيعوض مكانج سكف بيت وطاح💔.
الدكتوره ريام: استاذ تعال شويه...
ذو الفقار: ها دكتوره بشري
الدكتوره ريام: استاذ المريض وابنه صحو من الغيبوبه تكدر تجي وياي اشوفهم اذا اتحب
ذو الفقار: الف الحمدلله يلا دكتوره اتفضلي راحت على البنات ابشرهم اروى اڤيان عموو
اروى، اڤيان: هاا عموو شبيها الدكتوره شكالت
ذو الفقار: الحمدلله ابوكم واخوكم صحو من الغيبوبه اني راح اروح عليهم
اروى: عمو الله يخليك اخذني وياك اشوفهم
ذو الفقار: يلا امشي
اروى: يلا اڤيان لاتخافين انشالله ماكو شي اروح اشوفهم وارجعلج انتي ارتاحي طلعت ويه عمو الابويه وكلي انكسار والدموع اجمعن بعيوني دخلت عليهم بابا وعلي واحد بصف الثاني رحت حضنت بابا حبيبي شلونك انت زين
الكرار: اروى حبيبتي اني زين انتو بخير مو مابيكم شي
اروى: بابا مايدري حته بموت امي وكفت كدامه وضهري مكسور وحجيتها بقهر بابا ماما ماتت
الكرار: شنوو هل كلام اروى ليش تشاقين بالموت ياحبيبتي
اروى: بابا وعيونك مااشاقه ماما عافتنه وراحت ضليت ابجي بانهيار هو نزل راسه بكسره رحت على علي حضنته بروحي علوشتي حبيبي انت زين
علي: اروى صدك ماما عافتنه وراحت اني منو الي بعد منو يخاف عليه من اطلع منو يصيح عليه اذا اتعارك
اروى: كلام علي هدم حيلي وخلاني انهار بالبجي صدك الام شمعه وذا راحت الام تنطفى هل شمعه واتعتم حياتنه اني لازم اكوم قويه وماابين انكساري كدام اخواتي واخليهن يكملن دراستهن مثل ما جانت ماما تحلم بيهم حجيت ويه بابا حبيبي انت زين
الكرار: اي بابا زين بس اخواتج شلونهم
اروى: حالهن حال يابويه امي هدت حيلنه
الكرار: الله يرحمها برحمته الواسعه خويه ذو الفقار تكدر اسويلنه خروج من المستشفى واطلعنه للبيت
ذو الفقار: خويه انت هسه يلا كعدت وحالتك مامستقره ماعتقد راح يطلعوك
اروى: عمو طلعنه على مسؤليتنه لان ورانه فاتحه حجيتها ودموعي نزلن
ذو الفقار: انشالله عمو لاشيلين هم احنه وياكم راح اطلع اشوف احمد وين
اروى: تمام عمو
احمد: الدكتوره طلعت من غرفه اخويه ورادت اتروح اني صحت عليها دكتوره ممكن لحضه
دكتوره ريام: نعم اتفضل اخي
احمد: دكتوره ماعرفتيني عليج خاف نحتاج شي حته اعرف اسمج
الدكتوره ريام: اسمي دكتوره ريام اخي شنو
ت
حتاج اني بخدمتكم وانشالله مابيكم غير العافيه
احمد: عاشت الاسامي دكتوره والله يعافيج الدكتوره راحت ومن كالت اخي عرفت عدها شي فاطلعتها من بالي وطيرت الافكار من راسي ومشيت وصادفت ذو الفقار جاي عليه ها خويه شو هنا
ذو الفقار: ها خويه اجيت اسويلهم خروج علمود ارجعهم للبيت يرتاحون
احمد: يلا امشي نتوكل
ذو الفقار: اني اروح اسوي وانت روح عليهم
احمد: انشالله خويه رايح ... رحت عليهم وطبيت الغرفه ابو علي ولكيت اروى يمهم صحت السلام عليكم
الكرار، علي، اروى: وعليكم السلام
احمد: الحمدلله على السلامة ابو علي حبيبي
الكرار: الله يسلمك ياخويه
احمد: البقية بحياتك الله يرحمها ويصبركم
الكرار: حياتك الباقيه اللهم امين يارب
اروى: عمو شوكت نطلع
احمد: هسه واذا اتكدرين اتحضرين الغراض
اروى: اي عمو هسه بس اروح اشوف البنات
احمد: خوش عمو امشي اوصلج
اروى: لا عمو اكدر امشي.... عفتهم وطلعت امشي بخطوات بطيئه ورحت على غرفه ايڤان ومالكيتها انصدمت رحت الغرفه اڤيان ولكيتهن سوة كاعدات ويبجن فتحت الباب وصحت ها بناتي انتو هنا
ايڤان: بعد ماراحت اروى اني وتأخرت عليه اني ضجت وحدي شلت المغذي من كانونه وطلعت امشي واعثر من الدوخه لزمت الحايط ومشيت لحد ماوصلت غرفه اڤيان دخلت عليها بس شافتني كامت كعدت على حيلها وصاحت
اڤيان: ايڤوو حبيبتي انتي هنانه ليش اجيتي
ايڤان: اجيت اشوفج اشتاقيتلج سمعتي بخبر ماما حجيتها وانفجرت بالبجي
اڤيان: تعالي حبيبتي اي سمعت حضنتها وثنينه نبجي
ايڤان: امي ليش بسرعه عافتنه منو النه من بعدها
اڤيان: حبيبتي ماما بالجنه وهيه ماعافتنه راح تبقه عايشه بداخلنه اذا اشوفنه هيج نبجي تزعل علينه
ايڤان: لاا ماريد تزعل عليه راح اسكت بس اوعدها راح اكمل دراستي واحقق حلمها
اڤيان: حبيبتي انشالله انشوفج احلا محاميه دنحجي ودخلت علينه اروى
اروى: حبيباتي يلا متردن اشوفن بابا
اڤيان، ايڤان: لاا انريد انشوفه شلون صار هو بخير مو
اروى: الحمدلله بخير وعلي هم زين هسه اجيب كرسي متحرك حته انخلي اڤيان واوديها البابا لان راح نطلع للبيت
اڤيان: اي يلا بسرعه اريد اشوف علي وبابا
اروى: اخذت كرسي متحرك وخليت اڤيان بي ولميت الغراض حته نطلع للبيت وصلت البنات للغرفه ورحت اشوف عمو ذو الفقار وين صار
ذو الفقار: طلعت اسوي الاوراق واتصلت رشا زوجتي
رشا: ها حبيبي وين انت
ذو الفقار: ها رشا راح نرجع للبيت
رشا: بس لا راح اجيبهم عندي تره اني ماتحملهم
ذو الفقار: يابنت الناس خلي الايام هاي اتمر على خير ونكضي الفاتحه مال المرحومه والله كريم
رشا: وره الفاتحه زوجه الاخوك خوما بناته يتبهذلن ورة امهن لكيتله مره اتلمه واتلم بناته اختي هناء والله دره مال الله
ذو الفقار: كولي يالله عيوني اذا يسمعج ابو علي يزعل مني
رشا: وشدعوا يزعل موزين انطي اختي وهو شايب
ذو الفقار: اسكتي يامره لااجيبين طاري هاي السالفه كدام البنات وابوهن بعد المرحومة مادفناها
رشا: ديلا يلا روح اني راح اروح الاهلي
ذو الفقار: امري الله بس يلا مع السلامه سديت الخط ورحت كملت الإجراءات ولكيت اروى تمشي على كيفها رحتلها ها عمو حبيبتي شجابج
اروى: اجيت اشوفك خلصت لان احنه كملنه كلشي
ذو الفقار: يلا لعد اخذي هاي الاوراق وخلي اجيب السياره من الكراج وارجعلكم
اروى: تمام عمو راح عمو واني رجعت للغرفه وصحت على عمو احمد عمو هاي الاوراق خلصت تكدر اطلع بابا واني راح اطلع اڤيان وعلي يكدر يمشي ويه ايڤان
احمد: تمام عمو حبيبتي خلي اشوف كرسي الابوج
الكرار: لا يخوي ميحتاج كرسي بس اسندني اني امشي على كيفي
احمد: يلا لعد ياابو علي خلينه نتوكل على الله
ايڤان: طلعو واني سندت علي واني اريد احد يسندني لزمت ايدة ومشينه بطئ لحد ماوصلنه باب الخروج اجانه عمو ذو الفقار اخذ علي من ايدي
ذو الفقار: يلا عمو حبيبي تعال
علي: مشيت ويه عمي وصلنه السياره صعدني ليورا وبابا صعد يمه
احمد: خويه انت اخذهم بسيارتك واني اخذ البنات بسيارتي لان المكان صغير واڤيان يحتاج اتمدد
ذو الفقار: تمام خويه اخذهم واني راح اوديهم للبيت مالتي
اروى: لا عمو ابيتنه انروح منروح عدكم اني موجوده اكدر ادير بالي عليهم
ذو الفقار: على راحتج بنيتي
ايڤان: صعدت يم عمو احمد وخليت راسي على الجامه واروى واڤيان نامن لان تعبانات اني احس شبعانه نوم صحت العمو احمد عمو حباب شغلي قصيدة باسم الكربلائي طفوا القمر
احمد: حاضر حبيبتي شغلتها وهيه بقت ساكته
ايڤان: شغلها واني استمع ودموعي نزلن
وينه حضنج الدافي
صوتج الغافي
حنينه يايمه
بينه جمرة غيابج
موجمر بابج
شملنه، شيلمه
باسم الكربلائي:
ايڤان: بقيت استمع بيها طول الطريق بكسره واردد ويا وحسيت انهدم حيلي وراها شنو راح ايصير من بعدها حسيت على عمو من كال وصلنه
احمد: يلا حبيبتي وصلنه انزلي على كيفج
ايڤان: نزلت من السياره بس احس بيتنه مابي روح خالي من الضوة حسيته ضلمه
اروى: وصلنه للبيت ونزلت ونزلنه اڤيان ودخلنه جوة ولكينه بابا وعلي وعمو ذوالفقار وزوجته رشا وخوالي ياسر وسامر وبنات خوالي خالي ياسر عندة سما وذياب
سما 24سنه مخلصه دراسه وذياب 26سنه مهندس
وخالي سامر عندة رنا 19سنه وملاك 17سنه اجوي علينه البنات يبجن حضنني
سما: اروى حبيبتي البقية بحياتكم انشالله بالجنه مكانها
رنا وملاك: بنات البقية بحياتكم ربي يرحمها
ايڤان، اڤيان، اروى: حبيباتي وحياتكم الباقيه اللهم امين تعالو اتفضلو دخلن البنات وشفت ذياب ابن خالي وسلمت عليه اجه حضني ويبجي
ذياب: البقيه بحياتج حبيبتي ربي يصبركم ويصبرنه على فراكها
اروى: عيوني انت وحياتك الباقيه اللهم امين كعدنه اجتي مرت عمي رشا
رشا: البقية بحياتكم بنات انشالله خاتمه الاحزان
اروى، اڤيان، ايڤان: حياتج الباقيه خاله شكرا
ايڤان: راح عمو احمد جاب عشه من بره بس محد اكل كلنه مقهورين اني اول ماارحت الغرفتي قفلتها ودخلت سبحت وطلعت لكيت سما مشتريه النه ملابس اسود لبست دشداشه سوده ونزلت دموعي طفيت الاضويه ودفنت راسي بالمخدة واذكرت ايامنه ويه امي وبجيت لحد ماعيوني ورمن ونمت بدون مااحس على نفسي
سما: بعد مااخابرونه اهل زوج عمتي لينا بخبر الحادث بسرعه طلعنه من البصرة البغداد ونص الطريق اتصلو وكالو ام اروى ماتت انهارينه بالبجي لان بس هل عمه عدنه بابا وعمي سامر الطريق كله مكسورين على اختهم بس ميكدرون يبجون كدامنه اجينه اني واخويه ذياب وبنات عمي سامر رنا وملاك وصلنه البغداد واحنه نبجي طبينه البيتهم لكينه بس عمو ابو علي واخو ذو الفقار وزوجته رشا شكد اكرهاا جانت ابد متحب عمتي لينا الله يرحمها ومع العلم عمتي ماتكره احد وصلن بنات عمتي اروى، اڤيان، ايڤان رحنه نركض اني والبنات حضناهن ودموعنه تنزل وذياب ورانه واكف عيونه حمر لان ديشوف كسرت بنات عمته وهو روحه من الدنيا اروى ايحبها بس هيه ماتدري وجان اباله يتقدملها بس صار الي صار اجه عليها حضنها ودموعه نزلت من شافها بهاي حالتها.
اروى: بعد مادخلو البنات للغرف شفت ذياب كاعد وحده بالحديقه ردت اروح الغرفتي وشافني
ذياب: اروى انتي هنا تعالي احجي وياج شويه.....
شنو تتوقعون راح يصير
انشالله تعجبكم القصه وتستمتعون بيها
11:11
احبكم فراشاتي 🦋🦋🪐
