නේත්‍රාදීර ( Completed )

30.වියරුව

ඇමතුම පැමිණියේ දෙදිනකින් අනතුරුවය.

" මට ඔයාව ටිකක් හම්බ වෙන්න පුළුවන්ද? " ඒ දහරායි.
" ඇයි "
" මට කතා කරන්න ඕනේ "
අදීරාට දහරාගේ අතීතය සිහි විය. මව් පියන් ක්ෂණයකින් අහිමි වූ දස හැවිරිදි දැරිය කෙරෙහි අනුකම්පාවක් දැනෙයි. ආදරය අහිමි වූ තරුණිය කෙරෙහි අනුකම්පාවක් දැනෙයි.නේත්‍රගෙන් සෙනෙහස යදින යුවතිය කෙරෙහි අනුකම්පාවක් දැනෙයි.

අදීරා හමු වීමට එකඟ වුවාය.

කෝපි හලක මුණ ගැසීමට තීරණය විය.
" නේත්‍රට කියන්න එපා හරිද, මේක අපි දෙන්නගේ secret එකක් " දහරා ඇමතුම අවසන් කලේ එලෙසිනි.
ඔව්න් දෙදෙනා අතර රහස් පවත්වා ගැනීමට ඔව්න් මිතුරියන් නොවන බැව් අදීරා පැවසීමට පළමුව ඇමතුම විසන්ධි විය.

එහෙත් අදීරා නේත්‍රට දහරා හමු වීමට යන බැව් වසන් කළේය. දැන ගත හොත් ඔහු තමන් වලක්වන බැව් ඇය දනී. ඇයට දහරා පිලිබඳ කුතුහලයක් ඇත.

නියමිත වේලාවට කෝපි හල වෙත යන විට දහරා එහි පැමිණ සිටියාය. ඇය කුඩා රව්ම් මේසයක අසුන් ගෙන සිටියාය.
නිවසට පැමිනි දින මෙන් නොව ඇය දෑස් වටා අඳුන් තවරා, කම්මුල් වර්ණ ගන්වා දෙතොල් ආලේපනයෙන් සැරසී සිටියාය.ඇගේ සුන්දරත්වය ඇය වටා පරිසරයද සුන්දර කරයි.

" හලෝ අදීරා.. Thank u for coming "
" You're welcome " අදීරා ඇය ඉදිරියේ අසුන් ගත්තාය.
"ඇයි මට එන්න කිව්වෙ? "
" කතා කරන්න "
" එහෙනම් කතා කරන්න "
" මොනවා හරි බොනවද? "
" මුකුත් එපා "
"අදීරා මං කෙලින්ම කතා කරන්නම්. මං නේත්‍රව ගොඩාක් කල් ඉඳලා දන්නවා. ඔයා හිතනවද එයා ඔයා එක්ක සතුටෙන් ඉන්නේ කියලා "
"ඔව් "
"එයාව සැටිස්ෆයි කරන්න ඔයාට පුළුවන්ද?මං එයා ගැන දන්න නිසා අහන්නේ "

අදීරා තත්පර කිහිපයක් දහරා අධ්‍යනය කලාය. ඇය  රිදවීමට සැරසෙයි.
ඇගේ තුරුලේ නේත්‍රගේ උමතු අනුරාගික හැසිරීම් ඇයගේ පමණය.ඇයට පමණය.එහෙත් දහරාට පිළිතුරක් සැපයිය යුතුය.
" ඔය ප්‍රශ්නේ කාලෙකට කලිනුත් මගෙන් කෙනෙක් ඇහුව. ඒ දවස් වල මට ඒකට උත්තර දෙන්න පුළුවන් කමක් තිබුනේ නැහැ. හැබැයි දැන් පුළුවන්. ඔයාට ඒක අදාළ දෙයක් නෙවෙයි. ඒත් මං කියන්නම්.. ඔව්. ඔයාට මාව විශ්වාස නැත්තම් නේත්‍රගෙන් අහන්න "
නේත්‍රට ආදරය ආරක්ෂා කරමින් එය වෙනුවෙන් පෙනී සිටිය හැකි නම් ඇයටත් එය කල හැක.