" بسم لله الرحمن الرحيم "
روايـة:- صِرَاع الثأر " دَهماء "
بـ قلمي:- آيات الـ حيدر
كُل منا لديـهِ حكاية
واسرار مُخفية
لا أَحد مـَنا يختار حكايتهُ
كُلنا مجبرون على العيش
لنعرف ما نهاية حكايتنا؟
وهنا تبدء حُكايتنا..
_ لماذا أَنا؟
_ لأني وجدت بكَ الأمان .
_ أَيـن الأَمان بـضمير شيطان؟!
_ لماذا لا ارى الشيطان؟
_ لأنكِ لم تؤذني
_ اذاً أَنتَ لستُ شيطان ، أَنتَ فقط مؤذي مع من يؤذيك .
📌لاتنسون التصويت + التعليق بين الفقرات
📌المتابعة للحساب @ayatalhaidar حَبيباتي 🎀
ـــــــــــــــ
فتحت عيوني بطئ راسي يوجعني صُداع مو طبيعي مجاي اشوف شي من الغواش بلعت ريگي بخوف اني وين؟ ، وين جابني هذا الخبل؟
جسمي نحلان عبالك چنت بحرب هاي شمسوي بية؟
فرگت عيوني بأيدي بس اريد اشوف ، بس ماكو
نزلت دموعي بخوف بس لا صرت عمية
رجعت اغمض وافتح عسى والعل أَگدر أَشوف وادعي بگلبي كون ما مسويلي شي ، بعد مدة گدرت اشوف بس مو بوضح الحمد لله احسن من ما انعمي
گمت اريد اطلع اختل توازني حسيت الگاع تفتر بية
لزمت بالحايط ساندة نفسي اجر نفس ، رفعت راسي ودموعي تنزل بغزارة من العجز الي اني بي
_ الله ياخذك يا نذل
مسحت دموعي بقوة واردفت بصوت متقطع ..
_ اش اش مو وكت بچي ايي اش كافي أَنتِ قوية
زُفرت نفس والمكان هدوء بحيث صوت النفس الي اسحبة ينسمع عيوني صارت تتفحص المَكان
غرفة قديمة شخابيط تارسة الحيطان توسعت عيوني بصدمة بلعت ريگي بخوف واني اشوف الي گدامي رسمة غريبة مثل الجثة وداير مدايرها دَم !
ويمها ارقام مكتوبة بخط حَلو من الواحد الأربعة طلقة نهاية الارقام ، درت وجهي حاطة ايدي على عيوني و اني اهز براسي واردد بشهگة وصوت عالي ...
_ مُـ مُـ مُجرررررررد رسمممم ماكو شي يخوف اي رسمةة اي ، ااااني اني ما اخاف
چنت اردد هيچ ما اريد الافكار تسيطر علية لأن اذا تغلب علية الخوف انتهي ، ريحة الرطوبة تخنگ بالمَكان من گد ما قديم التراب صاير عبالك تل
أنت تقرأ
صِرَاع الثأر " دهماء "
Romanceواقع بين الحَقيقة والخيال أَسرارٍ مخفية غموض يملئ المَكان لا نعرف من الظالم ومن المظلوم؟ يدان مُلطخة بدَماء من تُحب ! عقل كُل همهُ الأَنتقام أَحلام مُحطمة ، أرواح مُعذبة حياة يملئها البؤس ماضي مؤلم ، حاضر مُخيف ، مُستقبل مجهول لا احد يعرف...
