.شگد چنت غشيم وعايش بأوهامَك ؟
چنت اموت وابچي گدامك
وأرد واگلك ارحمني
وإنتَ تگلي بحلامك !
ياقوت :-
نفس الروتين ٫ نفس الملل ٫ نفس الضجر ٫ نفس الألم واالمعاناه فزيت ع صوت الباب باوعتلي امي وحجت
:كومي كعدي ابوج خل يفتح الباب
" أبوي طلع من زمان خل آسيا تفتح الباب
" واني مطلعه هاي الخبله تفتح الباب يمكن أبو المولده أبو المي هاي غير تفضحنه اني طالعه
طلعت امي واني طفرت من اسمع امي تهلي وترحب
وداد:- ياهلا وميت هلا عمي خاف غلطانين ب عنوان وجاين علينه
ام زيد:- والله ندري مقصرين وياكم بس شسوي يختي والله مالحك راسي احكه شنسوي هاي الدنيا ركض ركض ماتدري
وداد:- اي والله شسوي لعد الولد أبو زيد وين البنات
ام زيد :- والله ياخيه البنات عفتهن نايمات وزيد ب دوام وابو زيد يم ابو يحيى واني ذبني احمد وراح كال شويه اجيبهم واجي
وداد :- كل الهلا بيهم
ام زيد :- لعد البنات وين؟؟
وداد :- والله ياخيه اسيا نايمه وياقوت هسوتهه
كعدت
كل هذا واني خاتله ب مطبخ وباوع من شباك لن طال ع صاله طفرت من صاحتني ام زيد عدلت دلعه دشاشتي ودخلت
" السلام عليكم شلونج خاله
" يابعد روحي ياقوته شلونج حبيبتي
" حبيبتي خاله الحمدلله
" دومج يروحي ٫ الخامس شلونه وياج ؟؟
" والله ياخاله سهل مالي شي بس يراد واحد يقرأ يوم بيومه
اسيا:- جذابه اكبر جذابه
كمزت هذيج الكمزه هاي شوكت طلعت شوكت اجت وهيه بدون احم ودستور كعدت ع تخم وتحجي بثقه
اسيا :- ياهو التسئلينه ويكلج الدراسه سهله بس اقري يوم بيوم وحق الحق كله جذب عمي صعب صعب بس ويامن تحجي ويا ناس كلشي ماتفتهم الأول ابتدائي ماطابته
بعدنه تحت تأثير الصدمه وفتحت سبيكر تحجي
" ها ودايه
" ها خيه شني الكشفه
" خصم الحجي اروح امتحن رياضيات واني أعرف بس فرق بين مربعين
" يا والله زين جا اني لسه مااعرفهن لجج بابا اني ذابه الرياضيات ع ترشيح شبيجج
" ود جا اني ذبيتهن كلهن ع ترشيح جا شقره ؟؟
" الفاتحه ل ام البنين
" جا ام البنين هم تكلي ليش ماقريتي حلال حرام
" بكيفج بعد اللهم إني بلغت
أنت تقرأ
قدر بــلآ نصـيب
General Fictionحياة فارغة بشكل بائس وسخيف . وحياة بائسة وتعرضنا لصدمات هواي
