زينب: نامن البنات واني ضليت كاعده طلعت على صوت صياح واشوف عمي حسنين كاعد ويبجي ويصيح وخالاته ملتمات حاضنهن ويبجي ماتحملت المنضر الي شفته ضيلت ابجي وروح ورجع وبعدين صارت هوسه جابو الجنازه وطلعت اركض واصيح حطوه بل الستقبال ولتمت النسوان يمهه طبيت الى الاستقبال وهنه كامن يصيحن هاي بت ابنج العزيزه هاي زينب كومي شوفي صار بيه بعد ماتحملت وكمت اصيح وابجي رادو يطلعون وجهه وامي طلعتني واني چلبت بي واصيح بس اشوفه والله بس اشوفه خل اشوفه آخر مره بس امي ماقبلت
اجو الولد كسرو ثلج فوك التابوت واني روحي رايحه وراه اجه عمي عبد المجيد روحه رايحه من البجي ويصيح وينج يمه لا تعوفيني شبكني واني ابجي هو يبجي وراه اخذو الجنازه جلبت بيهم وچانت بسياره خال ابوي واني اصيح حباب اخذني وياك فدوه نزل يريد ياخذني ونجاه الجلبه جلبت بيه لا ماتروحين تضلين هنا وينج وين المغسل جذابة تريد تكرف عليه ماخذوني وضلت اركض وراه السياره وبعد ماحسيت بروحي كعدت اني بحضن مرت خال ابوي وتفجت من عمي حسنين
حسنين: كومي يله جيبي طبقت بيض من من جيرانه ( للعلم جيرانه فتحين محل وكاعده بي حجيه) هو يدفر بيه ويصيح كومي ضليت صافنه على اسلوبه ومرت خال ابوي اصيح عليه وتكله على كيفك وياه شنو السالفه
زينب: رحت اسحل بروحي سحل طبيت للمحل الحجيه حبابه كلش ( للعلم الساعه 5 أصبح) تلكتني تبجي حضنته وكعدت على حيلي ابجي الوجع البكلبي ماينوصف صعب يروح واحد عزيز عليك وانت تحبه ضلت تحجي وياي وتهديني لحد ما حسيت عيوني كامن يحركني كتلهه خاله اريد طبقه بيض اخذت طبقه ومااتذكر انطيتهه فلوس لو لا لن بالي مو يمي اصلا وصلت للبيت اخط برجلي خط باوعت لكيت ابن خال ابوي واكف ب باب باوعت بعينه ردت اطب حجه
*وين جنتي
*رحت جبت ريوك
*ليش انتي ترحين مو اكو زلم شكثر إلا انتي
*ماحجيب عفته وطبيت هو من شافني هيج اشتعل شعل كلت خيولي شعلي عسى ماطلع للصومال انتي بيا حال
كعدت البنات ود اصلا فاصله بغير عالم وياقوت كعدت تبجي آسيا صافنه بوجهه ود اكثر اثنين أخاف من قوتهن أخاف من غموضهن أخاف من اشوفهم مامهتمات ود واسيا
ود : كعدت ب 2 بليل كلشي مااذكر كمت اخط بروحي خط طلعت لكيت عماتي كلهن موجودات رحت يم عمتي لمتني بحضنهه كالت بيبتج ماتت باوعت للشارع اخذوهه واكو مره ادك وتلطم بشارع وراهم عفتهم وطبيت للستقبال هذا مكانهه لجانت نايمه بي كلبي يوجعني رجعت لل غرفه تمدتت وماحسيت بشي لمن اجت زينب كعدتني كعدت صافنه بوجهه كمت يم اسيا حطيت راسي يم راسهه كتلهه كومي راسي يوجعني وهيه تون حطيت ايدي يم خدهه مصخنه دفرتهه برجلي لن مااعرف شسوي كتلهه هيو كومي يله وهيه بس صافنه عيوني يحركني كتلهه اسيا اصيح زينب وهيه تهز براسهه لا كمت من يمهه اسمع صوت المله وهيه تقرا طبيت كعدتت بنص ونسوان صافنه وحدهه تهمس للثانيه كعدت يم بيبيتي ( زوجت جدو الثانيه ) كالت بيبي كومي بدلي ليش ملابسه اسود سكتت اكرهه كرهه العمه بسبهه ماتت بيبتي تكرهنه كلنه بس كدام العالم اصير احن وحده علينه صافنه بضياع احس دموعي تنزل شهكت وايدي ع حلكي مااريد دموعي تنزل كمتت اصيح ليشششش عفتينه ليشششش ابجي بصوت عالييي حسيت زينب كعدت بصفي
