تتلألأ عيناها ك النجوم في السماء

Part 9

الكاتبة: ريڤان💙🥹
تفادو الاخطاء الاملائية💖
اسفه على تأخير😁
_
الساعة 12:30اخر اليل وتحديداً بالبر
عند فهد،فهد بعد تفكير طويل وهو قاعد ويفكر كيف ينقذ ميرال
لاكن تفاجاء من اتصال من رقم غريب كان بيرفض بس خبطت يده
ورد بالغلط ما كان يبي يقفل وحطه على اذنه
وبصوت حزين ومهزوز:مين
المتصل:فهد؟
فز فهد من حس انه يعرف الصوت:اي نعم من معي
المتصل:فهد انا ميرال
فهد بخوف عليها:وشصار لك وقولي لي فين انتي اعطيني موقعك
ميرال بتوتر وخايفه ان ابوها يعرف بالجوال الي معها لانه اخذ جوالها ومايدري عن اي جوال ثاني،ميرال:فهد انا في الموقع......... تعال خذني بسرعه ترا ابوي بكره يبي يزوجني غصب بعدين اعلمك السبب بس الحين الحقني .فهد:يعقب يزوجك لغيري
ميرال:فهد تكفى مو وقتك الحين لازم تلحقني ويالله يالله اطلع من هنا قبل ابوي يجي،فهد:تم الحين جاي خليك معي في الاتصال
ميرال:مقدر اخاف ابوي يشوفه يلاه باي وسكرت الخط......

(عند ميلان وخالد)
ميلان:خالد..
خالد وهو حاضنها وتوها تهدا :عيونه
ميلان:خايفه على ميرال كان صادق فهد اني مانتبهت لها وهو
صادق كيف ماحسيت فيها من عشرين دقيقه
خالد:مو غلطك ولا غلط فهد ولا ميرال ابوها هو الغلطان انتو مالكم دخل
ميلان:بسـ... ماكملت بمقاطعت خالد لها،
خالد:لابس ولاشي قلت لك مالك دخل
ميلان:تمام

عند فهد بعد ماوصل للموقع
وقف بعيد عن المبنى ونزل من السياره وهو يتلثم
راح لعند المبنى ويمشي بحذر رفع انظاره للشباك
الي وصفته له ميرال وشاف ميرال تلوح له بيدها وتأشر على الجوال فهمها فهد وطلع جواله من جيبه ودق عليها ردت ميرال
ميرال:فهد
فهد:عيونه
ميرال:ماتترك غزلك حتى واحنا ب اصعب الامور
فهد:عيونك غرقتني بحبك
ميرال:تمام اسمع وش بقول لك وتطبق نفس ما رح اقول
فهد:تمام
ميرال:بدت تقوله الخطه.........(مالي خلق اكتبها)
فهد:تمام يلاه
قفلو عن بعض وبدا فهد يطبق الخطه الي علمته ميرال عنها
وصل للغرفه الي فيها ميرال لاكنه انسرق
وهو يدخل الغرفه المجاوره او نقول سيب صغير
محد يدخله والقفل حقه خربان ف انفك لفهد بسهوله دخل فهد وراح لشباك
المكسور وكان مطل على ذا السيب (مخزن صغير بلحيل)
كسر الشباك ودخل وهو يشوف ميرال ضامه نفسها وقاعده بزاوية الغرفه
لاكن فدت من شافته وراحت ركض لعنده وهي تحضنه بأقوى معندها
احتضنها فهد وهو يقعد على الارض ويستند على ركبتيه
مسك يدين ميرال الراجفه من البكاء
فهد:هدي خلاص انا عندك والله والله محد يمسكك
ابتعدت عنه ميرال وهي تنظر له انتبه فهد على الجروح البليغه الي فوجهها ويدينها ورقبتها فهد بعصبيه يخالطها الخوف عليها:مين الكلب الي سوا فيك كذا،ميرال بخوف :ابوي
فهد بصراخ عصبيه:كيف سمح لنفسه يسوي ببنته كذا
ناظر فيها فهد:سوا لك شي غير الضرب
ميرال:لا ماسوى شي
فهد:وريني الجروح كامله ولو تكذبي علي بجرح ياويلك
ميرال بخوف من فهد وبلعت ريقه وهي تلف وتوخر التيشرت عن
ضهرها وخلت فهد يشوف الجروح الي بضهرها
فهد:وربي ل اكسر الدنيا على راسه ولا ما اكون فهد
ميرال:تكفى فهد لاتسوي شي الحين خلنا نطلع
فهد:بسكت بس عشانك يلاه قومي بنطلع
ميرال وهي تقوم :تمام
بس انخرشت ميرال من حست بأحد يشيله تمسكت برقبته على طول خوفاً من أن تطيح ميرال شافت فهد شايله وبعصبيه:فهد وشفيك نزلني
مشى فهد وهو مو مهتم لكلامها
ميرال بحرج وهي تغطي وجهها بعنقه فهد ابتسم من خبت وجهها
تسريع طلعو من المبنى ووصلو لسيارة فهد بعد تعب
(طبعاً ميرال ماتعبت شايلها فهد)
نزلت ميرال من حضن فهد وهي تتنهد:افف تعبت
فهد:من ايش تعبتي انا الي شايلك
ميرال:تعبت من الاحراج
فهد ابتسم بخفه وشغل السيارة وطلعت ميرال وهو طلع
وبدا يسوق ودق على خويه المحامي ( اسمه بتال)
بتال:ياهلا بفهد
فهد:هلا فيك
(ملاحظه.....اتمنى انكم تتفادو الاخطاء الاملائيه لان كثير يجون يقولو لي بالخاص يقولو لي في اخطاء املائيه انا ماركز لاني اكتب روايه فوق ١٠٠٠ كلمه واكيد بغلط لاكني انتبه)
بتال:ها لقيت ميرال🤷‍♂️
فهد:ايه وابشرك هي معي واشصار على القضية
بتال:اا ميرال متزوجه
فهد بعصبيه:لااااا
بتال بخرشه:هدي وشفيك صرعتني
فهد:اخلص ليه تسأل
بتال عرف انه غار ويحسب انه يبي يتزوج ميرال:ياغبي وش ابي ب ميرال وانا احب لي وحده وخاطبها هدي بس كنت اسألك وبتفهم الحين ليه سألتك اسمع لازم انك انت تتزوج ميرال وزواج فقط على الورق فتره
فهد:بس ليش
بتال:عشان تكون انت ولي امرها لو كان ابوها هو ولي امرها ممكن مانربح القضيه،فهد:بفكر
بتال:الموضوع مايبي له تفكير لازم تتزوجو وقلت لك فقط على الورق
وفتره مؤقته ولو تبي تطلقها طلقها
فهد يزفر هوى بهدوء وقال:طيب بس بسأل ميرال وارد عليك
بتال:يلاه سلام
قفل منه وهو يلف على ميرال ويشوفها مرجعه الكرسي للخلف ومنسدحه عليها ونايمه ابتسم بخفه على شكلها ولف وهو يجيب فروته ويدفيها فيها بسبت انها ترجف وغطى شعرها بشماغه ل اجل ماتحس بالبرد وتاره يطالع الطريق وتاره يطالع بميرال
وصل للفندق الي حجزه من قبل نزل وهو يشيل ميرال بين احضانه وياخذ مفتاح الشقه ويطلع للشقه حط ميرال على السرير وراح يجيب الاسعافات الاولية خلى ميرال تنام على جهت بطنها وفسخ عنها الفروه ورفع بلوزتها من ناحية ضهرها وبدى يعالج جروحها البليغه وكل ماتطلع ميرال صوت ألم يتألم ويحس بذنب انه ما انقذها ومنتبه لها من بدري بس الحين فات الاوان خلص منها وهو يدفيها ويبوس راسها ويشغل لها المكيف ويطفي المبه ويقفل الباب ويروح لغرفته الثانيه

خلصنا البارت على خير وله الحمد🤎
اسفه اني طولت عليكم ومانزلت بس جاني كسل الله لايوريكم
واتمنى يعجبكم البارت وتصويتكم عشان اتحمس اكثر🙃💙💙باييي