الضبع

part 1

ثـم يࢪمي الله علـى جࢪحڪ ورده على هيئه أنسان يࢪسم لڪ في وسط الحزن ضحڪه.
قرائه ممتعه
_____________________________

_كاعده گبال شباك غرفتي وصافنه اتأمل  قطرات المطر مع ابتسامه خفيفه ؏ ثغري
شگد احب اجواء المطر والشته
فززني من صفنتي صوت ماما وهيا تناديني
وكفت؏ حيلي وقبل لا اروح لفت انتباهي
صوت دراجة ناريه وانتبهت لـ شخص لابس خوذه سوده خفف سرعة الدراجة وهوه يباوع ؏ بيتنا بطريقة غريبه رفعت حاجبي بأستغراب لمن لاحظت انه يباوع ؏ شباك غرفتي تراجعت ليوره شويه واني اشوفه رجع سرع الدراجة وراح ضليت صافنه لمكان الي جان بي وراودني شعور غريب ما اهتميت اله ونزلت بعد ما سمعت صوت ماما تناديني لـ لمره الثانيه مطلعتني من شرودي نزلت الها

_ ها يوم

_صار ساعه اناديج ليش متردين

_ هيه مرتين..

سكتت لمن خزرتني..
_ شبيج نبع الحنان اشاقيج

_بطلي سوالفج وتعالي ساعديني بالعشه
اخوج شويه ويجي

تأفأفت بملل وتقدمت الها وبديت اساعدها
بعد شويه وجه حسن فرشت السفره وگعدنه تعشينا بعد ما خلصنا نضفت المطبخ وغسلت المواعين وصعدت ركض لغرفتي أفر من طلباتهم الي ما تخلص گعدت ادرس
وشردت افكر بذاك الشخص الغريب ابو الدراجة النارية وشون جان يباوع لبيتنا وتحديداً شباك غرفتي نفيت افكاري السلبيه ورجعت كملت دراسه ورحت نطيت ؏ جربايتي ونمت بتعب..

گعدت الصبح ؏ صوت المنبه وگمت سبحت وبدلت ونزلت

_صباح الخير

_هله يمه تعالي تريگي

ماحسيت الا ضربه ؏ راسي..

_حسن : صباح الخير زقجه

باوعتله واني أگلب عيوني بأنزعاج من القب الي ناداني بيه وگتله...

_ لا تناديني زقجه اني مو زقجه ترا

ضحك وگعد يمي وگلي..

_حسن : نتشاقه يابه

گلبت عيومي بملل واني اباوعله بصمت وتريگنا ووصلني للجامعه وراح واول موصلت جتني الخبله...

_اسيل: صبااحح الخيررر

_وجع لهل صوت زرفتي اذني

_اسيل: كبر مافوك اصبح عليج

_اووي فدوه للي يصبح عليه

_اسيل: اويي استوحي

_ههههههه يله امشي تأخرنا ؏ محاضره

_اسيل: اي يله امشي لا ست هناء تطردنه

_اووف لاذكريني مدري شبيها شاده ويا الكل
اليسمعها ماجلين حلال ابوها

_اسيل: اي والله

رحنه ولكينا الباب مسدود...

_اسيل: عزه الباب مسدود يعني ست هناء فاتت گبلنه هسه اكيد تطردنه