الضبع

part 2

- كيف أتخلص من عادة انتظارك، ‏كيف أقنع قلبي بأنك لم تعد تنتظرني، ‏و بأني آخر الأشياء بعد أن كنتُ أولها.

قـرائـه ممـتعـه
_____________________________

_فتحت الرساله وشفت شي وگف عقلي وخله گلبي ينبض بقوة رجفت ايدي واني اقره المكتوب بيها..

" بدا العد التنازلي "

طفيت الموبايل وخليته ؏ جنب باوعت من الشباك بس ما شفت صاحب الدراجة وين اختفى بهل سرعه غمضت عيوني بخوف واني اهدي روحي بس ماكدر لحد هسه افكر بالرساله وشقصده بدا العد التنازلي اخذت نفس عميق اخفف من توتري وخوفي فكرت اروح اگول لـ حسن بس تراجعت لأن يمكن كل شي صدفه وان هل رساله ما مرتبطه بصاحب الدراجة نفضت راسي من الأفكار وقررت اروح انام احسن اليه كعدت الصبح شفت الساعه 9:00

"اليـوم جَـمعه والـصلاة ؏ـلى النَـبي"

نزلت جوه البيت هدوء ماما وحسن نايمين
رحت سويت ريوك
رحت ؏ غرفه حسن دفرت الباب وطبيت
_ريهان: صباحححح الخيررر

فز فزه ووگع من الجربايه

_ريهان:اهخخ يممهه بطننييي

_حسن:وجع اكو واحد هيج يكعد الأوادم

_ريهان: هههههه عادي تكبر وتنسه

_حسن: الله يثبت علينه العقل والدين

_ريهان: امين

_حسن: زقجه مخبله

_گلبت عيوني بملل واني اباوعله بطرف عيني

_ريهان: ديلا بدون حجي گوم ؏ـمود تتريك

_حسن: خوش

_رحت ؏ غرفة ماما دكيت الباب وفتت كعدت

_ريـهان: صباح الخير يوجه الخير

_سناء: صباح النور يمه

_ريـهان: يله ماما كومي غسلي وتعالي
تريكي سويت ريوك

_سناء: منج من الشيطان

_ريـهان: يااا ماما يله اني نازله عود الحكيني

_سناء: جايه يمه

_ريـهان:

نزلت كعدت انتضرهم شويه واجه حسن وراه ماما تريكنه وحسن راح للشغل وماما راحت تقرأ قرآن وكمت غسلت الاماعين ونضفت البيت وصعدت لغرفتي نضفتها وكملت وكعدت ادرس...بعد ما خلصت دراسه
رحت حجيت ويه اسيل شويه ونزلت ساعدت ماما بلغده اذن رحت توضيت وصليت وبعدها حضرت السفره وجا حسن تغدينه وخلصنه
وغسلت الاماعين صعدت لغرفتي ونمت
كعدت العصر توضيت وصليت ونزلت جوه
شفت ماما كاعده تسبح بست راسها وفتت
عل مطبخ سويت جاي وطلعت كعك وكعدت بل حديقه واني اتأمل منضر الورد ونسمات الهوه البارده اذن مغرب وفتت جوه صليت
وسويت عشه وتعشينه ورحت لغرفة حسن
دكيت الباب وفتت..