أول شيء احب انوه ان هاي اول روايه اني انشرها
لذالك اتمنى تنبهوني على الاغلاط بشكل عام سواء بالمعلومات او بالاملاء
وثاني شيء الروايه مثلية والي يسوي روحه ميعرف ف يعني الروايه حب بين ولد و ولد لذالك اذا متحب هاذا النوع من الروايات اتمنى تخرج بدون ازعاج ونصايح ما الها داعي
ثالث شيء الروايه راح تكون عاميه باللهجة العراقية وراح تكون بتصنيف المستذئبين لذالك هم اذا متحب هذا النوع تفضل للخارج
وهسه نگدر نبلش
«~~~~~~~~~~~~~~~~~~~~~~~~~~~~~~»
چان يركض بسرعة هائلة يحاول يلحگ بالحيوان الي يركض گدامه ف زاد من سرعته وگدر يلحگ بالغزال قافز عليه يعضة عضة مميتة يخليه يفارق الحياة بعدها وخر عن الغزال مسافة قصيرة وضهر فجأة امامه رجل ينطيه قطعة من الملابس الي چانت عبارة عن بنطال ف اخذها قارص عليها بسنونه الحادة وابتعد شوية عن الرجال واتحول الي هيئته البشرية ولبس البنطلون الي حصلة ورجع للمكان الي بيه الغزال وشاله يشمره على كتفه ويتمشى يرجع لقطيعه..
وچان هاذا الالفا ايكائيل الي چان الالفا لقطيع الذئاب السوداء الي چان بعيون صفرة لامعة وانف حاد طويل نسبيا وبشرة سمراء وشعر اسود مثل الفحم
وچان الرجل الي يتمشى بجانبة الي سبق وانطاه البنطلون هو نفسه البيتا مالته الي چان اسمه أبسل الي چان بعيون سودة حالكة وبشرة بيضة وشعر اسود چان الوكت تقريبا ب الخمسة الفجر حيث اعتادوا البيتا والالفا بهيچ وكت الصيد يطلعون برة القطيع ويدورن عن اي حيوان چبير حتى يصيدونه يكون وجبه جيدة للغداء ف كملوا مشيهم وتقريبا ورة ربع ساعه رجعوا للقطيع حيث انهم ما ابتعدوا هواي عنه ودخلوا للقطيع الي جان بنص الغابة عكس باقي القطعان الي چانن دوم قريبات عن المدينه تخطوا الحراس الي جانوا يحرسون القطيع
ودخلوا جوة يشمر ايكائيل الغزال للحراس
"اخذوه لمطبخ القطيع ،خليهم يسوون منه غدة زين " تحدث بلكنه هادئة ورزنة بعدها رجع لبيته يطب للحمام مالته گبل ويتوجه لحتى يغسل من اثار الدم الي چانت على جسمه وبعدها كمل يطلع من الحمام يلف منشفه على خصرة ووحدة خلاها على راسه ينشف بيها شعر وبعدها دخل لغرفه الملابس مالته يختار بنطلون اسود كحلي وتيشريت بنفس اللون نص ردن بحكم ان الجو حار لانهم بفصل الصيف ويخرج بعدها من بيته يتجه لمكان التدريب الخاص بالقطيع يشرف على افراد القطيع الرجال ويعلمهم اشياء جديدة بحيث يگدرون يدافعون عن القطيع بحال صار هجوم عليهم او اذا جانوا يردون يصيدون شيء او اي من الامور الي ممكن تحصل الهم او للقطيع
بعدما كمل اشراف عليهم رجع لبيته مرة ثانيه ياخذ شاور ثاني لليوم بسبب الحر الي اصابه والعرق الي حصله نتيجة اشرافه وتعليمه لافراد قطيعه يدخل بعدها لغرفه ملابسه يختار بنطلون بيجي اللون وتيشيرت زيتوني يخرج بعدها لبيت اهله حتى يتغدة يمهم بحكم انه ميعرف يطبخ وبعده مملتقي برفيقته
يطرق الباب وينفتح له من قبل امه الي استقبلته بحضن دافئ بعدها دخل للبيت يلگى ميز الطعام مليان اكل يگعد بعدها على احد الكراسي ينتضر البقية يجون لحتى يبدا ياكل لان هاذي هيه احد قوانين الاكل يمهم
وبعد دقايق قليلة تجمعوا كل العائلة الي جانت متكونه من الزوجين واطفالهم الخمسة حيث انهم انجبوا ولدين وثلث بنات وبعد ما بلشوو الاكل حجت امه بلهجة فرحه "بعد اسبوع راح يجي علينا زيارة خالتكم زهراء وابنها علمود هيج ما اريد اي تعامل سيء وياهم خوش؟" ف تعالت الردود عليها حيث برز حجي ابنها الچبير "من شوكت واحنا عدنا خالة اشو اني ما ادري" فردت عليه الثانيه بهدوء "يجوز ممتذكر جان عمرك صغير وهيه تزورنا ،خالتكم زهرة تصير اختي الوحيدة والجبيرة وبطلت تزورنا من ابنها صار چبير تخاف عليه من ولد القطيع لان هما بدون قطيع" تكلمت امهم توضح الهم حيث ان اختها جانت تعيش بمفردها بدون قطيع وافراد القطيع جانوا يخافون منها ومن انها ممكن تكون اذى عليهم
"زين هيه ليش ما انضمت لقطيعنا وفضتها"تكلم ابنها الثاني "لان ابنها جان يدرس وهيه متريد تخليه وحده هناك يدرس ف ضلت وياه وهيه هسه جايه لحتى تشوف الاوضاع هنايه وممكن تستقر همين" تكلمت الام بتوضيح لحياة اختها الي مجانت تريد تخلي ابنها وحده بمكان مغاير وهو قاصر
"وشون ندري انها مراح تضر القطيع" تكلم ابنها الاكبر ايكائيل بحكم انه الالفا ولازم يستفسر حول الافراد الي ممكن ينضمون لقطيعه"اختي زهراء مستحيل تسوي هيج شيء هيه انتضرت هاي السنين كلها لما كمل ابنها دراسته علمود تجي هنايه وما عدها اي دافع حتى تضر بالقطيع" ردت الام توضح اختها كدام ابنها البكر الي رد عليها بهدوء "تمام يصير خير " تكلم ايكائيل وجانوا اخوته فقط يسمعون بدون ميتكلمون .
~~~~~~~~~~~~~~~♥~~~~~~~~~~~~~~~~
بمكان ثاني مختلف تماما حيث جان المكان مملوء بالبنايات العالية والمحلات التجارية والسيارات والمطاعم وغيرها چان هناك ببيتهم الي چان عبارة عن شقه يحجي ويه امه يحاول يقنعها
"يمه ترة عمري صار 25 سنه اني صرت حرفيا فوگ السن القانوني مو صغير اكدر ابقى وحدي بالبيت "
سكتت امه تهز راسها حيث انها داخت حيل وهيه تناقش ابنها العنيد فردت عليه "اشهب ماما افتهم اني مو لانك صغير راح اخذك وياي لا اني بس اريدك تشوف خالتك يعني ما اشتقتلها؟؟" تكلمت وابنها ردت عليها بسرعه "يمه رحمه لربچ اني اعرفها اصلا علمود اشتاقلها " تكلم ابنها يضحك باستغراب من امه "ابني انت جنت صغير من اخير مرة رحنا بس اكيد راح تحب خالتك خلينه نروح هناك وتعرف عليها هاا شگلت يالله بس هلمرة " تكلمت زهراء تحاول تقنع ابنها العنيد الي جان لاطش بالبيت وميرضى يطلع ابد "تمام ، اخيرر مرة" تكلم ابنها بتنهد من عناد امه مثل ميشوف هو فضحكت امه بفرحح چبير وهيه تشوف ابنها وافق عليها اخيرا
"عود حضر روحك وجنطتك خلي بيها ملابسك اسبوع الجاي نروح هناك خوش "تكلمت امه تنبهه على الموعد مالتهم ف تكلم هو يرد عليها
"عود ذكريني قبل الموعد احضرهم خما من هسه " حجة يرد على وهو يقلص عيونه البنفسجية عليها وشعره الابيض نازل على حواجبة الي جانوا همين يطابقون لون شعره ويه لون بشرته البيضه يتذمر منها ومن عوايدها وشكد تحب تتحضر قبل مواعيدها بايام حيث انها عادة عندها ومستحيل تتخلى عنها فردت عليه الام بحماس "تمام"
~~~~~~~~~~~~~~~♥~~~~~~~~~~~~~~~~
وهيج نكون خلصنا المقدمة
انطوني ارائكم بيها ؟؟
طبعا ما عندي اي شروط معينه بس تفاعلوا ويها علمود اتحمس واكتبلكم بارت الجاي بسرعه خوش؟؟.
وهمين انطوني انتقاداتگم اتقبلها عادي
وبس بايي..
