هايي رجعتلكم مرة لخ بالبارت الاولل
اتمنى يعجبكم
استمتعوااا.
♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥
گعد من النوم على صوت امه الي چانت تصيح عليه
"اشهب اشهببب يلا ماما اگعد خلي نروح ورانا طريق طويل!!"
همهم الها المعني ورجع ينام مرة لخ متجاهل كلام والدته فگامت زهراء ومشت للمطبخ تحضر مي بارد من البراد وثم توجهت لغرفه ابنها تبلله بالمي البارد
"يمه!!!!هاي شبيچ صدگ چذب كتلچ كاعد ليش هيچ تسوين ليش ذبيتي ميي عليه هسه بلگت متت بلكت صار بيه فدشيء من وراچ"
حچة اشهب وهو يشاه‍گ من المي الي چان بارد جدا وهو يعاتب امه الي چانت دائما ما تسوي هاي الحركة بيه كونه ثگيل النوم
"بدال لغوتك هاي گوم تريگ يلا اصلا تأخرنا من وراك وبعدين لوما نومك ثگيل ما جان سويت هيج"
تكلمت وهيه تتنهد من ابنها الي أخر عليهم الوقت بسبب نومه الثگيل بحكم انهم اتفقوا البارحة يطلعون من السبعة وهسه الساعه بالتسعه وهمه بعدهم ما طالعين .
"يلا گمت خلص بس اتحضر ونطلع "
حجة كلامه وهو يكون من مكان نومه وهو يتثاوب بتعب كونه متعود ينام لوقت طويل بالعطلات وهسه من ورة امه اضطر يگعد من وقت مثل ما هو يعتقد
دخل للحمام يغسل وجهه ويفرچ اسنانه وبعدين دخل تحت الدش يغسل جسمه كامل
بعدها طلع وراح يختار ملابس فثبت برأيه على قميص ازرق سماوي وبنطلون ثلچي وجان قماشه خفيف كونهم بنص الصيف والجو حار
بعدها مشط شعره وتركه بدون تسريحة بس هيج نازل على جبهته يغطي حواجبه الي جانوا حيل خفاف كون لونهم ابيض.
نزل بعدها لأمه وشافها متحضرة ف تكلمت وهيه تصيحه
"يلا تريگ بسرعه خل نمشي"
فرد عليها يوضح رغبته بعدم تناول اي شيء كونه دوما ما يتقيء اذا اكل فدشيء وصعد سيارة بعدها
"ما اريد يمه مو تدرين بيه ازوع اذا اكلت شيء"
فحجت الخ بعدم اقتناع من كون ابنها راح يضل بمعدة خالية طول الطريق الي تدري بيه راح يكون طويل
"ميخالف عود اخذلك علاج ميصير تضل بمعدة فارغه الطريق طويل ،خاف تتخربط عليه نوب وين اوديك وكتها "
اقتنع اشهب بكلام امه كون يدري بيها ما راح تبطل تحجي الى ان ياگل ف كعد على طاولة الطعام ياكل شويه وبعدها خلص ينده لامه علمود يطلعون سويه
