في ثغره الذئب

بسم الله الرحمان الرحيم

اللهم صلى على مُحمد وآل مُحمد

اوجه لگم تحياتي المعطره
وعضم الله لنا ولكم الاجر والثواب بمصاب
ابِ الاحرار الامام الحُسين (عليه السلام)

معكم احبتي الكرام الگاتبة سيرين

سيلين " رديت لصاله عمه وعلي كاعدين يحجون

وبجيتي قاطتعهم بيدي الصنيه ............

ام علي " هلا ببنيتي تعاي اكعدي يمه جيبي عنج

سيلين " ببتسامه تسلمين عمه حياتي بل المهلي

كعدت يمها وخليت الصينيه وكمت اصب بل الچاي
وانطيت لعمتي وعلي وكمت جبت كيك وحلويات جان اكو بثلاجه خليت كدامهم بقيت كاعده يمهم وناكل وعمتي كامت تسلوف

ام علي " يمه عاشت ايدج على الچاي

سيلين " تسلمين عمه وانتي العايشه كمنه نشرب بچاي وجنت جايبه كيك وحلويات ناكل كملنه وشلت الصينيه وغسلت المواعين كملت جيت شو عمه تحضر نفسها كلت وين ترحين باتي يمنه

ام علي " لا يمه مااكدر اكثر من هيج خل اروح ارجع للبيت هسه عمج والويلاد منتضريني لأن ماكلت جايه عند ذيب ويمه انتبهي لنفسج وعلى زوجج وبيتج يمه

سيلين " ودعتنه عمه وراحت دمعت عيوني وراها حبيتها كلش وعلي راد يوصلها ماقبلت مااعرف ليش لحد هسه مااعرف شنو سبب انو علي لا يوم جاب طاري اهله كدامي ولا سمعت منه راح الهم بقيت افكر جنت سارحه واجاني صوت فزيت رفعت راسي علي

علي " ها وين صافنه خيرج

سيلين " رمشت بهدوء ها ماادري وكمت من يمه

علي " وين رايحه تعاي

سيلين " اروح اسبح تريد شي مني

علي " ها لا مااريد شي روحي

سيلين " رحت للغرفه وطلعت هدومي وطلعت من الغرفه شفته كاعد ع القنفه شفته يباوعلي ماهتميت رحت كملت طريقي بس دوخه بيه مو طبيعي كل شوي ادوخ اريد اكع بس الزم روحي
وصلت للحمام بعد مااستحملت استفرغت دخت كلش ماكدرت اسبح حتى رديت غسلت الحمام وطلعت بعد مااكدر جنت امشي طلعت من الحمام رفعت راسي علي يباوعلي بستغراب درت وجهي ودنيا مفتره بيها كام اجه بتجاهي

علي " انتي بخير سيلين ؟؟

سيلين " ماحجيت شي ولازمه راسي دايخه وعيوني مغوشه كدامي كمت امشي ببطء خايفه اكع لزم ايدي يمشي وياي مااهتميت اله بقينه نمشي وهوه يباوع على وجهي مستغرب عليه علامه ؟؟ وصلت لفراشي وعلي وياي تمددت غطاني وطفه الضو وطلع برا بقيت متمدده ع المنام عيوني دمعن مدري ليش كمت افكر بذيج ليله وبقت الافكار تجي براسي وصلت تفكيري من جنت يم اهلي والكل يمي وبقيت اذكر كل تفاصيلي ويه اهلي وصلت مرحله اذكرت من ابتهال حبلت اول مره ببنتها شنو جانت تمر بي اي صح جانت تكول ادوخ واستفرغ يا صدك شنو اي صح هيج جانت تكول بجيت اذكرت نفسي يعني شنو هل التفكير صدك اني رح يصير بيه نفس ابتهال اكون
خليت ايدي على بطني لالا مستحيل شنو هل التفكير يارب ساعدني مااريد اشيل ذنب هل الطفل ربي زيله مااريده يارب اذا جان صدك حسيت حرارتي ارتفع وين اروح شسوي بقيت افكر وتقلصات ببطني يجي موتني كمت من مكاني دايخه اريد اطلع برا الغرفه وصلت يم الباب ولزمته بقوه فتحت الباب وجع ببطني زاد كلت اخ وكعت