في ثغره الذئب

                  بسم الله الرحمان الرحيم

             اللهم صلى على مُحمد وآل مُحمد

اوجه لكم تحياتي المعطره معكم الگاتبه سيرين محمد
شلونكم ورداتي شخباركم مشتاقتلكم كومه كومه
اليوم رح اكتب هل البارت اتمنى تعاونوني حتى
اكمل القصه وابدي وياكم بقصه جديدة
واحبكم كوميات وشكرا لكل شخص يشجعني
بتصويت وتعليق حلو حب جبير الكم

سلين :- مر شهرين على حملي واني لعبانه نفسي من كلشي حتى اكلي تخربط مرات اكل خمس وجبات ومرا وجبتين وعلي راح على دوامه لأن بقه شهر وياي وماكلكم بهل الشهر والله خلاني شوي احبه لأن داراني مثل الطفل مثل بنته بيوم كعدت الصبح كمت غسلت وجهي ضايجه كلش من ورا حملي طلعت من الحمام رحت للمطبخ مااشتهي اكل شي جنت واكفه يم الثلاجه حسيت بدكه الباب مالت الحوش رفعت راسي بحركه سريعه ومشيت يم باب المطبخ فتحت باب المطبخ صحت منو جاني صوت

ام احمد :- يمه سيلين فتحي الباب هاي اني _سيلين مشيت بسرعه وعيوني ملن دموع صدك هاي خاله وفتحت الها الباب بس فتحت كبل رحت لحضنها ونزلن دموعي وهيه بعد تبوس بيه وتكلي ليش هل البجي يمه بقيت شوي بحضنها وكلت تعاي خاله فوتي ودخلنه جوا مجاي اصدك ردت رجعت أليه

سيلين :- جينه كعدنه بصاله وكمنه نحجي اي خاله شونج شخبارج شهل الكطعه بيه ماتجين ماترحين ماتكولين بنتي شصار بيها ردت وكالت ......ام احمد يمه اعذريني والله ماجنت بل البيت صارلي خمس اشهر بيت بنتي خطيه وكعت من الدرج على ضهرها وكالو لازم اسوي عمليه وهيه ماعدها احد يداريها رحت الها وجهالها بعدهم صغار يمه اعذريني حبيبه

سيلين :- يا سلامتها يارب وهسه شونها شون صحتها
ردت وكالت ..........ام احمد :- الحمدلله يمه الحمدلله جا ابن ادم شلونه يمه بهاي الدنيا اي يمه كليلي انتِ شونج شخبارج وعلي لا تضنين ناسيتج بس تدرين يمه كلمن اله ضرفه وعلي بيت بنتي اجي وروح احجيلها عنج ومرات ابجي اكول شحالها هسه بس الحمدلله جيت وشفتج واطمنت عليج يمه والله البارحه بليل رديت من بيت بنتي بس كلت زحمه هسه اروح الهم خل تصير الصبح وامر عليها اي يمه احجيلي شنو سويتي بهل الايام الكضت خوب ماضجتي وانزعجتي

سيلين :- والله يخاله طلعت روحي لين كضت هل الايام بس الحمدلله على كولتج هاذه حال ابن ادام
ردت عليه وكالت ........ام احمد :- يستاهل الحمد يمه شلونه صحتج يمه شو اشوف وجهج مصفر بيج شي احجيلي يبعد امج ......سيلين :- والله يخاله شكلج تدرين صار وياي شغله وماردتها بس شسوي هاذه بعد أمر رب العالمين ولازم اعترض عليه

ام احمد :- خيرج يمه شصاير قلقتيني بيج شي يمه احجي وانا امج رديت عليها .......سيلين :- والله يخاله انا حامل وهاي بشهري الثاني ونزلت راسي واختنكت ماحس غير هلهلت وتباركلي رقعت راسي واني مخذوله احس هموم الدنيا عليه صغرت عيوني ودموع بيها وكلت ببحه حزن خاله ماريده ماريده