بْسم آلُلُہ آلُرحٍمنْ آلُرحٍيَم
يلا نبدي ♥🔥
_________________________________________
عليك اغار واكتم هالشعور
اخاف غيرتي بالحيل تزعلك.
_________________________________________
ثاني يوم .....
نيركز : كعدت من نوم واني شايله اطنان هم بداخلي هم وخيبه وضعف حزن خذلان انكسار كله شايلته بس اكو نقطه بيضه بگلبي عندي ثقه وامل برب العالمين ان راح يساعدني
كعدت وكملت اعمالي اليوميه مثل كل يوم بعده اتصلت بدكتورتي حته احجز للعمليه
نيركز : الو شلونج دكتوره
الدكتوره : هلا حبيبتي انتي شلونج خير صاير وياج شي متخربطه ؟
نيركز : هلا بيج دكتوره الحمد لله ماكو شي بس اريد احجز عندج حته اسوي العمليه .
سمعت الدكتوره شهكت وسدت حلكه وكالت
الدكتوره : بس مخاطرة هاي ماما مثل ماكتلج العمليه خطره متأكده من قرارج؟
نيركز : اي دكتوره متأكده والي كاتبه الله يصير. حجزي وقت للعمليه
الدكتوره: تمام حبيبتي حجزت الج وان شاء الله خير
نيركز : غلقت الاتصال وي الدكتوره بعد ماسلمت عليه واني كلي حيره وقلق هل هذا القرار الي اتخذته صح ؟
توكلت على الله واني ماادري الايام الجايه شضامه الي
نيركز: مرت الايام بسرعه واجه وقت العمليه جهزت كل اوراقي والاشياء الي احتاجه وتوجهت اني ويامن للمستشفى
بس الغريب من شفت يامن فرحان عكسي الي ماليني القلق والخوف
دخلت لغرفه العمليات واخذو من يامن النطف وزرعوه داخل جسمي
وهنا بدت مرحله جديده من حياتي
مرت ايام وره العمليه وبدت اعراض الحمل تبين عندي
ونساوتي كلش صعبه جانت ويامن صعبه اكثر عليه كل مااكوله مشتهيه اكله يكلي المن خابصه نفسج ومصدگه اول وتالي راح يموت الطفل
جانت تأذيني كلش كلماته واسلوبه الي جاي يتغير للاسوء يوم بعد يوم
مرت ال9 اشهر بطلاع الروح يوميه اوصل الموت وارجع للحياه جان حملي كلش صعب لان مو حمل طبيعي
نيركز: جنت كاعده بلغرفه لابس محرم الصلاة وجاي اسبح بس حسيت بوجع غريب وقوي تجاهلت الالم حاولت اتجاهله بس الوجع صار اقوى ومتحملت صرخت بصوت عالي يامننننن الحكني
دخل يامن مفزوع
يامن: شكوو شبيج ليش هل الصوت العاليييي
نيركز:بوجع ودموع: يامننن وجع قوي اتوقع حولد
يامن: بس هذه مو وقت ولادتج الدكتورة كالت اسبوع يله تولدين
نيركز: يامننن جاي اكلك وجععع قويي وانته كاعد تستفسر بسرعه وديني للمستشفى
يامن: كافي دلع هذه مو وقت ولادتج اني حروح
نيركز: يامن انته صاحي جاي اكولك وجعععع مال ولادة دكولي مو وقت ولادتجج ماهتم الكلامي وطلع من الغرفه واني ضليت بلغرفه ألوب من الوجعع واحاول اصبر نفسي بس ماكدرت اسكت من شفت دم جاي ينزل مني اني جاي انزف صحت بصوت عالي
دخلت عليه ريم اخت زوجي هيه الوحيدة الي تخاف الله بيه وتعاملني احسن معامله
ريم: اسم الله شبيج جاي اتصيحين وشنو هل دم
نيركز: لحكي عليه جاي انزف وديني للمستشفى بسرعهههه ماكدر اتحمل الوجع احجي هذه الكلام وجهي كله دموعييي
ريم: يمههه انتضري البس عباتي واني اخذج للمستشفى
رحت ركض للغرفه علمود البس عباتي كملت طلعت جاب اصعد الغرفه نيركز
وكفتني امي
ام يامن: شكو شبيج تركضين شصاير
رديت عليه واني اصعد. للغرفه
ريم: يمهه نيركز جاي تنزف اتوقع حتولد واني راح اخذه للمستشفى
ام يامن: يا انتضري اورح وياچن
مارديت عليه واتجهت الغرفه نيركز لكيته كاعد بلكاع وملابسه كله دم ماعندي وقت ابدل اله بس لبسته عبايته ونزلنه لكيت اني منتظرتنه برة طلعنه وركبنه بلتكسي
نيركز: بهذه اليوم عشت رعب حقيقي خوفي اني اخسر طفلي الي تعبت ودعيت لليالي علمود احمل بس بيه وخايفه من المستقبل وتعامل يامن وهل راح يعامل بنتي بنفس معاملتي لو راح يطغي حب الابوبة على كرهه الي ويحبه فقت من شرودي على صوت ريم وهيه ادكلي
ريم: يله نزلي بسرعه
نزلنه دخلنه للمستشفى وبس الدكتورة شافت حالت نيركز ضلت اترزل بينه
الدكتورة: انتو شلون تخلوهه هذه الوقت كله تنزف هذه حيشكل خطر على حياته وعلي حياة الجنين لازم هسه تتدخل عمليات
ريم: سكتت ما اعرف ارد ودخلت تيرمز للعمليات كعدنه اني وامي بصالة الانتظار كاعده وكلي قلق على نيركز هيه اقرب الي من خوات وخايفه يصير بيه شي او بالطفل ذكرت يامن ماتتصلت عليه
طلعت موبايل واتصلت على يامن
يامن: كاعد بلكهوة وشفت موبايل جاي يرن فتحت الخط
ريم: الو يامن وينك صالي ساعه اتصل بيك ومترد
يامن: والله مانتبهت على الموبايل ليش اتصلتي صاير شي
ريم: احنه بلمستشفى نيركز صارت عدهه والادة
يامن: تفاجأة: شنو صار عدهه ولادة انتو بيا مستشفى
ريم: مستشفى ال#
يامن: مسافة طريق واكون يمكم
طلعت من الکهوة بسرعه مادري بس اجاني شعور غريب بين الحزن والفرح ركبت سيارتي واتجهت للمستشفى وصلت ركضت على صالة الانتضار لكيت امي وريم كاعدات
يمه طلعو نيركز من العملية
ام يامن: لا يمة بعدهه
كعدت يمهن واني قلق هل راح يتحقق حلمي وتموت. وازوج ازهار لو راح اتعيش وضل وجه الشؤم مالتي عايشة ويايه مرت ساعتين واحنه بقاعة الانتظار فجأة انفتحت غرفة العمليات واجت الدكتورة
الدكتورة: انته زوجه المريضة نيركز
يامن: نعم تفضلي صاير شي
الدكتورة: عندي خبر الك
يامن: فرحان بداخلي بس مبينت هذه الشي: تفضلي دكتورة كولي الخبر بس انصدمت ن سمعت كلام الدكتورة
_________________________________________
بنات اتمنى عجبكم البارت
وتتوقعون شنو الخبر الي خله يامن ينصدم
وهل نيركز راح اتعيش لو لا ويامن راح يفرح بلطفل الي راح يجيه؟ هذه كله حتعرفو بلبارت الجاي
وتفاعلو بين الفقرات وبس احبكم هواييييي يا قمراتي 🔥♥💋
_________________________________________
