بًسِمً آلَلَهّ آلَرحًمًنِ آلَرحًيَمً
يلا نبدي ♥🔥
_________________
أبشع ما يمكن أن يحدث للمرء أن يعيش حياته وهو يتمنى أن يحياها ، وشتان ما بين العيش والحياة.
_________________________________________
: كاعدة وجاي افرك بيدي متوترة حيل وخايفه التوتر جاي ياكلني اكل حتى محد وياي ياواسيني او يهدئني قطع تفكيري صوت السكرتيرة وهيه تنادي اسمي نيركز فلان اجه دورج كمت واني احس صوت نبضات كلبي مسموعة طرقت الباب ودخلت.
الدكتورة: تفضلي ماما اكعدي على هذه السرير علمود افحصج
نيركز: تمدتت على السرير وشفت الدكتورة وكفت تلبس الكفوف علمود تفحصني حطتت مادة على بطني كملت فحص واني كمت من السرير كعدتت على الكرسي منتظرة الدكتورة
الدكتورة: حبيبتي هذي تحاليل اريدهه من عندج اتسوية الي ضروري هذي التحاليل
نيركز: طلعت من غرفة الدكتورة واتجهت كبل للمختبر
نيركز: رحت للمختبر اخذو من عندي دم وكملت كل التحاليل الي طلبتهم الدكتورة واتجهت اله طرقت الباب
الدكتورة:تفضل
ودخلت وكعدت واخذت الدكتورة التحاليل منتظرة الدكتورة تتكلم بفارغ الصبر بس انصدمت من الي سمعته .
نيركز : بخوف : فدوه دكتوره متأكده من التحاليل !
الدكتوره : اي ماما هاي تحاليلج كله كدامي وعدته اكثر من مره انتي ميصير عندج اطفال بصوره طبيعيه اله تسوين عمليه اطفال انابيب بس المشكله جسمج ضعيف وماتتحملين يعني اذا سويتي العمليه اما نفقد الطفل او نفقدج انتي .
نيركز : فتحت عيوني بصدمه واني احاول استوعب الي سمعته معقولة مستحيل اكون ام بيوم من الايام
الدكتورة: حبيبتي اذ راح اتسوين العملية لازم تختارين يا أما انتي تعيشين يا أما الطفل يبقى عايش لازم بهاي العملية نفقد احد من عدكم بس لازم تكون العملية على مسؤليتکم انتي وزوجج
نيركز : هزيت راسي بقبول واحس نفسي مصدومة من الي سمعته تنزل دموعي على خدودي وودعت الدكتوره وطلعت برة واتصلت على زوجي علمود يجي ياخذني.
نيركز:بخوف: الو يامن تكدر تجي تاخذني
يامن: بنبرة باردة: هسه اجي بشري شكالت الدكتورة.
نيركز: هسه تعالي ومن تجي اكولك.
يامن: تمام مسافة طريق واكون يمج.
نيركز: كعدتت انتظر يامن على مايجي تقريباً نص ساعة واتصل عليه
يامن: يلة وصلت وينج.
نيركز: اني بقاعة الانتظار تلكاني.
اجة يامن وسئلني شنو كالتلي الدكتورة عن سالفة الحمل
نيركز: بحزن وخوف: كلتلي الدكتورة مكدر احمل طبيعي اله اسوي طفل انابيب واذ سويته يا اني اموت يا الطفل شفته سكت وجهه صار احمر من العصبية وكال يله امشي كلش تضايقت من أسلوبه هذه الشي مو بيدي ارادة ربي.
نيركز : طلعنه من الدكتوره واني اشوف ملامح يامن تغيرن بس يخوزر بيه وينافخ كل عمري مشايفه يامن بهل شكل يسوق سريع ويتعارك وي كل شخص يشوفه بدربه ضليت ساكته طول الطريق بس دموعي تنزل لمن وصلنه للبيت بعدني صافنه وصاح يامن بعلو صوته
يامن : بغضب: نزلي يله فضينه
نيركز : نزلت واني مدنگه راسي مااعرف شراح يصير وياي
اول مادخلنه تلگتنه عمتي ام يامن
ام يامن: ها شو الوجوه مگلبه طلعتي عاجر يوجه الفگر
نيركز : دخلت للغرفه بدون ما ارد عليه ويامن هم سكت عنه
دخلت بحاله حزن وكأبه النهار كله بس ابچي ومااكل
ضليت بهاي الدوامه فتره طويله واني اتحمل اهانه من عمتي وحمواتي ومن اجه يامن الي مطايقني الي تغير كلش هواي مو نفسه يامن الي اعرفه صح اتزوجنه زواج تقليدي بس معاملته كانت اهون
الي ان اجه اليوم وعرفت شي خلاني اتخذ قراري الي غير حياتي........
_________________________________________
هاي بنات طبعاً هذه اول بارت من الرواية وهاي هم اول رواية اكتبه بحياتي اتجاهلو اذ اكو اخطاء بس اريد منكم تتفاعلون بين الفقرات وبس احبكممم♥🔥

هذه حسابي على الانستا تابعو علمود انشر الكم تحديثات عن الابطال
