نهايات سعيدة|
سَواد الليِل يُبقى وتطفَى الألُوان
وأعيد بَذكرياتكَ والمشّاهِد .
♡ _________________♡
|مشاهدة ممتعة|
وتر: اثناء حيرتنه باركان و الخوف علي مرت يومين عله هاي الحاله والتوتر والخوف حتى اكل محد يقبل ياكل وام اركان كل شويه يصعد ضغطها والحاله المرينه بيها هاي اليومين والخوف متنوصف قررو بابا و اخو اركان نبيل يروحون يشوفونه وبلكت يقبلون يطلعونه طبعاً اني بديت اتشافة الحمدلله بس الخوف متملكني على بابا راحو بابا ونبيل يدورون علي اول يوم معرفو مكانه ثاني يوم اجه الشخص الي كاله بابا يدور مكان اركان كال البابا عله مكان اركان وين طبعاً بابا كال الاشخاص هواي حتى يطلعونه وهوا وياهم يساعدهم ابو اركان من سمع ما نتضر احد راح وراح ويا ابن عمي عثمان عمر وبابا ونبيل راحو سوه كاعدين ننتضر مرت ساعه ساعتين محد اجه صارت بليل واحنه ننتضر ساعه بل 1 بليل دخلو كلهم وياهم اركان الي مكتول وجه مايبين من الدم وملابسه مشكك و دم نازل من انفه ويابس حالته تبجي ركضت ام اركان علي
ام اركان :يمه وليدي كسرت ضهري يمه شمسوين بيك مبهذلين حالك
اركان :هلا يمه ما بيه شي
وتر :اي مايلامون بيك كون مربينك
اركان : حجت ام دميعه اسكتي لا اموتج
وتر : كرعان شعندك رافع خشمك باوع شمسوين بيك لا تضل تبيع بطولات براسي على عموم الحمدلله على سلامتك طبعاً اني واركان عبالك اخوه ونشاقه بس مرات توصل بل نعال😂 طبعاً احنه نتعارك وهما يباوعون علينه من كملنه عرك سلمو عليه كالت ميلا: الحمدلله عله سلامتك
باوع عليها وطول نضراتو شويه وكال
اركان: الله يسلمج
وتر: دخلو للاديوان
دخل وهوا حاضن امه كعد بديوان هوا وعمامي يسولفون على صار و شون جانو يضربونه لحد ما حظرولو الحمام سبح وطلع ينشف بشعره وامه راحت اله باسها من راسها وبعدين دار راسه النه ضل يباوع علينا عبالك مفتقد احد دار راسه وكمل طريقه وكال الامه
اركان: يمه جيبيلي العشه على حديقه
راح كعد وامه انطته الصينيه وكعد ياكل اني بهل اثناء دخلت على غرفه
شفت دُر كاعده تلون بدفتر الرسم كعدت بصفها
وتر :اكلج دُر عمري وين ميلا من العصر ماشفتها وهسه ليل وحتى ما تعشت ويانه
دُر:ما ادري والله يمكن بل بلكونه
وتر :تمام عمري رحت امشي وصلت للبلكونه وصدك شفت ميلا كاعده ومنزله راسها مبينه مو عله بعضها وصافنة
وتر : ابتسمت وكتلها وين وصلتي دارت عليه ورجعت تعدلت كالت
ميلا :هلا لحد الأن بمكاني ما وصلت
وتر:شبيج عيوني مو عله بعضج
ميلا:ما بيه شي
وتر :اني اختج الكبيرة تكدرين تحجيلي مو زين عل كلبج لا تكتمين
ميلا : الصراحه مضايقه احس الي صار ويا اركان بسببي
وتر:ابتسمت وكتلها ليش ماتروحين تعتذرين من يمه
ميلا :لا اخاف مايريد يشوفني
وتر :انتِ رحتي
ميلا :لا
وتر:لعد يلا كومي عل سريع مادام كاعد وحده بل حديقه قبل لا يدخل
كامت باوعت علي هيه الحديقه جوا البلكونه رجعت باوعت عليه وكالت
ميلا: خاف يضوج
وتر: عله شنو يضوج يله ولج روحي قبل لا يدخل
اباوع عليها عدلت ملابسها وشعرها ونزلت ركض
