بسم الله الرحمن الرحيم
_________________♡
تِلْكَ التي بَلَغَتْ جَمَالاً فائِقًا
لٰكِنَّها عن حُسْنِها لا تَعْلَمُ
_______________♡
وهج: مانمنه من وره القصف ثاني يوم اجوي عمامي
التمينه بقو بيت عمي ابو سيف جانو طالعين من المنطقه العمامي بيها انخابر مايردون بقينه حايرين مانعرف شون نوصلهم بيت عمامي صار بي النسوان والبيت الثاني بيت عمي بقو بي ولد عمي ولد عمتي والديوان الخارجي بي عمامي مر سبوع مانعرف شي عن بيت عمي كاعدين وندك الباب ضلينه حايرين نفتح لو لا وكفو عمامي يم الباب سئلو من بل باب محد جاوب سئلو مره ثاني جاوب طلعو بيت عمي شصاير بيهم رجلينهم مليانات دم ملابسهم تراب فوتناهم وخليناهم يغير ملابسهم واكلو وشربو مي سئلناهم وين جانو جاوبت زوجة عمي
ام سيف: جنه بيت اختي رحنه نتونس يمها وصار القصف بقينه كاعدين يمها اول يوم ماكو شي وثاني يوم هم ثالث يوم دخل علينه انتحاري دخل يدور ل ابو سيف والزوج اختي بس احنه من اندك الباب دخلناهم بل سرداب ماقبل يطلع بل كوا طلعنه من شفنه الوضع هيج وصار القصف كلش يمنه طلعنا ضلينه اندور سيارات بس ماكو اجينه نركض احنه واختي راحت الاهلي
ام وهج: بس شون ماشافوكم د١١عش
ام سيف: شافونا بس ماسوو شي شافونا نركض وملابسين احذيه ويانا اطفال فا ماحجو
وهج: اخذت سديم وياي ونطيتها من ملابسي نامت وبقيت كاعده يمها بس كل شويه تفز دخلت فيروز
فيروز: وهج تعالي نلعب
وهج: ماريد
فيروز: شبيج كومي ويانا جاي نحجي اني وحيدر وكيان ومريم ومروه
وهج: ماريد بس تكعد سديم نجي سوه
فيروز: تمام
وهج: شويه وكعدت سديم اخذت ورحنه نحجي معاهم مر اسبوع عمي راح البيته لئن بنفس حوش عمامي فا ابن عمي واكف يم الجام شافه القناص وضربه طلقع شخطت ايده فا جابو العمامي ابن عمي ممرض فا ضمد ايده مرة الايام هيج والقصف يزيد فا بيوم من الايام صار قصف كلش قويه وامي وزوجة عمي جاي يخبزن بيت عمي يمنه بس مو كامل البيت زاد القصف كلش. والطياره فوك البيت والطلق
ام وهج: اباوع اني وزوجة حماي شون القصف والولد واكفين يم الباب مايكدرون يعبرون ليمنا لئن اكو قناص واحنه هم مانكدر نطلع بقينه حايرين وننتضر بلكت يخف بس العكس زاد وطفالي بعدهم صغار هسه يدورولي شون كمت طلعت ركض وبقت زوجة حماي جوه ركضت واجت طلقه بصفي اباوع حماي يصيح تا ماجي وصلتهم رزلوني فتت وبقت زوجة حماي شويه وقل القصف وطلعوها
في مكان اخر
وتر
اول ما دخلنه نينوى وصلنه البيت عمي علي طبعاً عمي علي الكبير بين اخوان بابا وجده عايشه عنده و يمه عمي عثمان الي مريض مرض قوي برجله و يعاني من هذا المرض من 14 سنه هم جان موجود هوا ولده عمر و حمزه و حيدر وخالد و بناته دلال وديار و مرته لان بيتهم قريب على بيت عمي علي مر اسبوع عادي كأن جايين زياره بس بعدين بدت الصعوبات وشتياقي لصلاح الدين ويوميه صرت ابجي عليها لان صعبه العيشه ب نينوئ وخصوصاً اذا بيت مليان عالم هوست العالم والاصوات العاليه اني ما حب هيج اجواء
جنت ابجي مره بل حديقه ومن كل كلبي بجيت اجه ابن عمي علي ياسر شافني وراح على بابا كله بنتك وتر جاي تبجي
اجه بابا
ابو ميلا: شبيج بابا وتر ليش هيج تبجين شكو احد مضايقج
وتر:لا بابا بس تعبتني العيشه هنا رجعني على صلاح دين الله يخليك حضني وكال
ابو ميلا : لا تبجين والله لو بيدي اله ارجعكم بس انتِ تدرين هذولاك الي ميخافون الله هجرونه
وتر:بس بابا تعبت هنا لا مي اكو لا اكل لا طلعه والعالم كثيره بنفس البيت ما تحمل هاي الاجواء اني
ابو ميلا : يا عيون ابوج انتِ الله كريم بلكت الكه بيت نطلع نعيش بوحدنا
وتر: بابا سؤال
ابو ميلا :جواب عيون ابوج
وتر: انتَ هم مشتاق لبيتنه و لمتنه على سفره وحده وطلعاتنه سوه
ابو ميلا: اي والله مشتاك للكعدات مالتنه والهدوء انه هم تعبان والله شاهد جاي احاول اوفر الكم الراحه
وتر: ابتسمت وكتله الله كريم حبيبي عيوني انتَ الحمدلله انتَ يمنه مانريد شي بعد انتَ الراحه والامان الله يخليك اليه
بعد ما حجيت هيج ويه حسيت وجع بعيوني ما نطيت اهميه رحت نمت اريد اخلص من التفكير الي بالي على عيشه وشراح يصير نمت ثاني يوم ما اكدر افتح عيوني مورمين لئن اني اسبوع واني ابجي طلعت لماما وبابا شوفتهم عيوني قررو ياخذوني لدكتور عيون طبعاً جانت الاوضاع مو زينه ب نينوئ د١١عش بكل ركن وبكل جها منتشرين رحت غيرت ملابسي ب فستان بسيط وطلعت اني ومغمضه ما اكدر افتح عيوني خواتي وماما ساعدوني اغير ملابسي طلعني بابا للسياره رحنه بعد مرور نص ساعه تقريباً وصلنه الدكتور اخذت فحص لعيوني طلع ما بيهم شي الحمدلله بس التهاب ومن كثرة البجي اذا زادت ممكن انعمي كتبلي علاجات و طلعنه اخذنا العلاج واخذت منشفه خاصه لعيوني لئن ممكن اعدي احد وصلنه البيت غيرت ملابسي وخليت علاج لعيوني و تمددت طبعاً شكد سمعت حجي من زوجات عمامي يكولن اجذب وتدلع ماعاجبتها العيشه واني مغلسه
ميلا: طبعاً اني حايره ب وتر ومرضها احتاجينه
غراض وملابس وكلت لماما
ام ميلا:ماكدر اطلع اني كاعده يم اختج
ميلا: لعد اني اروح ما قبلت بل بدايه
بقيت احجي معاها اروح ويا بنت عمي و اراكان يوصلنه قبلت ورحت وياهم على سوك جاي اباوع على تراكات اجه د١١عشي
الد١١عشي: انتِ هيي ليش مالابسه نقاب وحجاب
ميلا: بلا متروح انتَ شعليك
الد١١عشي: تعالو اخذوها اجه أركان من ورا كاله
اركان: هيو هيو تاخذ منو ومنو سمحلك تحجي وياها اذا انتَ رجال تعال احجي وياي مو وياها
الد١١عشي :ولك اشو تطاول اهلك ماعلموك الاحترام تعالو اخذو اني اعلمك الاحترام
أركان: لا حيل محترم انتَ اسلوبك جاي يعكس هذا الشي هوا انتَ منيلك الاحترام تا تعلمنيا عوفوني اوصلهم واجي وياك
دااعشي :ماشي يلا كدامي امشي واني وراك اذا فكرت تهرب اعتبر حياتك انتهت احسبلها يومين لا أكثر ولا أقل وانتَ تصير من السابقون فاهم
اركان: عكد حواجبه وباوع عليه ورجع باوع عليه كال يلا امشي كدامي مشيت وهوا وراي يدردم ويسب ويغلط وصلني للبيت كلي كولي لعمامي خلي يطلعون دخلت اركض كلتلهم طلعو واني دخلت اناشغ وابجي للغرفه ورايه امي وأم اركان واخواتي يسئلن
ام ميلا:شكو ولج شصاير
ميلا :اخذو أركان واني اشهك
لطمت على صدرها ام أركان : يمه ابني ليش اخذو
ميلا: سولفتلهم السالفه كلها
ام أركان :يا يمه وليدي راح يروح بيد الضلام يمه
ام ميلا:اذكري الله ام أركان ماكو شي ان شاء الله
في مكان اخر
ريڤان:كعدنه نتعشه وراها اني رحت على بيت اهل وتين وبنات عمها وابوي راح عله بيت عمته هوه وعمي وابن عمهم ضلينه نحجي ورجعنه علا بيت نمنا كعدنه ثاني يوم تريكنه ضلينه بالبيت علا مود القصف زاد كلش جتت ضايجه كلش رحت اكعد يمان اباوع نايم رحت اكعدو مايقبل يمان اكعد حباب
يمان: ريڤان ولي عني اريد انام
ريڤان: اكعد حباب اباوع رجع نام باوعت بصفو لكيت بطل مي بصف راسه اخذته وكتله كوم ماقبل كبيت المي بوجها وطفرت يم ابوي
ابو ريڤان: شبيج بابا جاي يحجي ودخل يمان صرت وره ابوي
ابو ريڤان: شبيك بابا يمان اشو كلك مي
يمان: بنتك نكعتني بل مي نطيني ياها
ابو ريڤان: باوعي عليه وكال ليش ولج خطيه اخوج
ريڤان: بابا ضايجه وكعدته يلعب وياي وماقبل
ابو ريڤان: ليش ماكمت لعبت وياها
ريڤان: تايحجي يمان وندك الباب كام ابوي وعمي وكفو وره الباب يسئلون محد يجاوب وراها جاوب شخص
الد١١عشي: خويه حباب افتحلي الباب اني من الجيش العراقي ومصاوب
ريڤان: عمي تايفتح الباب بس ابوي ماقبل جاب الاسلاح وكف يم الباب فتح الباب عمي
_________________♡
يتبع تريدون بارت تعريفي لو لا
﴿وَذَكِّرْ فَإِنَّ الذِّكْرَىٰ تَنفَعُ الْمُؤْمِنِينَ﴾
- سُبحَان الله .
- الحَمدُلله .
- لَا إِله إِلّا الله .
- اللهُ أكبر .
- أَستغفِرُ الله العَظيم وأََتوبُ إِليه .
- لَا حَول وَ لاَ قُوة إِلّا بِالله .
- سُبحَان الله و بِحَمدِه .
- سُبحَان الله العَظيم .
- اللهُمَّ صلِّ وَ سَلِّم عَلىٰ نبينا مُحمَّد وآل مُحمَّد .
