بسنة 2023 قبل المدرسه بيوم واحد جنت نايمه گعدت گبل توجهت لموبايلي راسلت صديقتي ساره
رقيه:صباح الخير هلو ساره شلونج شخبارج
ساره:هلو حبيبتي رقيه زينه الحمدلله اني
رقيه:باچر مدرسه فرحانه حيل😂
ساره: والله اني اكثر احس هاي السنه كلش مختلفه
رقيه: أن شاء الله خير
رقيه:رجعت نمت نومه عميقه گعدت ساعه 10 فركت عيوني وگمت غسلت وجهي وتريگت وشلت الاكل ورحت غسلت وانتضرت تصير الساعه 11 علمود اگوم ابدل شفت ماما
رقيه:صباح الخير يمه
نور:صباح النور حبيبتي اليوم مدرستج هلا هلا 😂
رقيه:اي ماما متحمسه حيل
نور:يلا گومي بدلي ساعه 11
رقيه:تمام ماما.رحت سبحت وبدلت ولبست شالي ورشيت عطر وطلعت للمدرسه وصلت دخلت للمحل اشتري شفت ولد ما هتميت الهم شتريت وطلعت توجهت للمدرسه شفت صديقاتي سلمت عليهم حضنتهن وچنه كلش فرحانين
رقيه:هلو بنات والله كلش مشتاقتلجن حوراء ليش متراسليني شو مختفيه
حوراء: والله اني اكثر وماعندي رقمچن حرت والله
رقيه:اشش اجت المدرسه
علياء:هلو بناتي شلونكم شخباركم اليوم اول يوم الچن فرحانات مو
زينب:اي والله ست فرحانه اني
حوراء:اوكي يعني اكيد فرحانين شنو هذا السؤال باعي زينب بدت لواگه مالتها
رقيه:اش ولج لا تسمعج المدرسه هههههه.المهم كملنه يومنه ورجعنه للبيت وبعد كم شهر گعدت صبح جان اول يوم امتحانات لنصف السنه كالعاده رحت للمدرسه ودخلت امتحنت وطلعت رحت للمحل اني وصديقتي شفت ولد حلو اسمر اسمه احمد بس اصدقائه يصيحوله حمودي.تكرر هذا الشي كل ما اكمل امتحاني اروح اشتري واشوفه بس شفت بنات يتنوصون گدام الولد ويتمايعن خوزرتهن وحجينه اني وصديقتي اله شويه واروح انتفها من شعرها
خلصت الامتحانات وعطلنه واني نجحت مرن 17 يوم عطله ورحنه لبيت خالتي من غير محافظه من نجف واحنه من ذي قار.كملنه عطلتنه ورجعنه دخلته للبيت سلمت على بابا ورحت نمت وحلمت بالولد الأسمر ف گعدت حسيت راح ابجي ما هتميت رحت بدلت ورحت للمدرسه دخلت للمحل شفت ولد طويل وجهه صغيرون ف عيبنه علي ااني وصديقتي وطلعنه لأن ماشفنه الاسمر ف رحت للمدرسه سلمت على بقية صديقاتي ورحت گعدت بمكاني اجت مدرسه غيرت مكاني گعدتني يم بنيه اسمها تبارك
رقيه:هلو داده شنو اسمج من الاخير
تبارك:شبيج ضايجه اني اسمي تبارك
رقيه:ماشفتيها اجت رافعه خشمها وغيرت مكاني من يم صديقتي.اي عاشت الاسامي عيني اني اسمي رقيه
