شيخة الفهد

تكملة Part 7

بأسم الله نبدء

الكاتبة __ Luna

يوزر الكاتبه __ maheralnashmy

دائما الجروح و الكسور

تأتي من اقرب شخص اليك

الاهل احيانا ليسوا مرهماً

لجروحنا كما يعتقد الباقي

فأنا اهلي كانوا سبب في حطامي

حبايب ملاحظه /راح يصير التنزيل على حسب التفاعل

وانه متأكده من قلبوشاتي ما راح يفشلوني.

ـــــــــــــــــــــــــــــــــــــــــــــــــــــــــــــــــــــــــــــــــــــ

لواء: توني راجع من الدوام صادفت سياره ابو شاهين بالباب مال بيتنا رحت يمهم حتى اعرف شنو صار على تمام صفيت السياره بالباب ونزلت رحت للبيت گعدت بالاستقبال ورا ما سلمت عليهم كلهم

لواء: فهد شنو صار على سالفه تمام اشو لحد هسه ماكو خبر عن تمام ولا انت راضي تحجي ترى هو اخونا واحنا انطيناك اياه لان احنا نثق بيك فيا اخويا لا تخلي هاي الثقه تنهز

فهد: ورثه الجكاره سحبت نفس منها ورديت عليه: اخوي ثقتكم بمحلها بس الموضوع يراد له شويه اطول بيه مثل ما گال شهاب السالفه مو مال يوم لو يومين الموضوع مطول اقل شيء غير لسنتين ترى يا الله يعوف الادمان مالته ترى اخوك مدمن كرستال تعرف شنو معناته كرستال يعني اخطر انواع المخدرات وجسمه متشبع بيهن

شهاب: انا عندي فكره انه اودي نشمي وياك وهم يوكف خفرات عنك لان انت شغل وتتناوبو اثنيناتكم على استجوابه خوب انت ما تعوف الشغل وتظل گاعد مقابله وگاعد رحم الله والديك بس هم لازم نشمي وياك

نشمي: انا بالنسبه لي ما عندي مانع ابو شاهين اخوي واشلع عيوني والله على الوگفات اللي واگفه لي اياها ما اعرف شلون اردها هذا شيء قليل يمكن يساعد انه ارد لهذا الدين الجميل

فهد: انا اشوف انه هذا الكلام كله ما له داعي بس حاليا عوف هذا الكلام كله مو مهم المهم انه عوائلنا تظل بامان السلام الوضع ترى كلش خطير تدرون ليش لان الاخ مشترك بعصابه كلهم مكونه عن شبكات شبكات خليه نائمه واحنا هسه لازم نحقق بيهم ابو سرحان انا وياك راح نلزم امور التحقيق بيهن وشوف جماعتك كبوس و اعتيوه لازم يحققون بهذا الموضوع وعرفوا لي اياه حتى لو اي ولد كانوا مشتركين بيه يجيبوهم يمي انا اخليهم يحچون باي طريقه كانت بس اهم شيء ما نعرض احد للخطر وهذا كلام مشمول الكل ما اريد واحد بيكم يتصرف بعاطفيه او يتصرف بتهور وتسرع هذا الشيء مو مال سالفه والله عادي هذا موت وانا بالنسبه لي ما عندي مانع تريد تروح للموت برجليك للموت اهلا وسهلا هذا الحچي انا بالنسبه لي