حب مـآبعد آنتقآمـ

بارت اول

بسـمـ آللهہ‏‏

صوتوا مو تنسونن
_____‌‌‌‌‌_____‌‌_____________

ساعه 6:30 بيت ماس وروز

ماس: روز يلا كعدي راح نتاخرررر

طبعا هي كاعده من ال 5

روز: ماا وخري مو كوه الواحد يكعد

ماس: لا كوه لان عدنه دوام شبيج كوميي

روز: ما يلا روحي يعني واحد ميصير يناب بهالمهجوم استغفرالله

ماس: متكعدين مو تمام

ماس جانت واكفه فوك راس روز وتباع بنظره تحدي وفجأه..
ينطش مي فوك راس روز

روز: هئئئئ خرببببب شبيججج روززز هو هذا  شقه ايععع وخرييي

ماس واكفه على صفحه وتضحك بشر
نزلت ماس ولكت اهلها ديتريكون

ماس: صباح الخير

الام والاب:  صباح النور حبيبتي

نزلت روز وهي ضايجه كعدت على الميز

روز:  صباح الخير

الام والاب:  صباح النور

الام:  شبيج من وره خشمج

روز حجت الامها شسوت بيها ماس وماس كاتمه الضحكه

روز:  حتموتين طلعيها الضحكه
حجت هيج وهي تباوع صفح
ماس طكت من الضحك

روز: وجعع

اجه الخط وراحو للمدرسه

اخذو الدروس وبالفرصه كاعدين كل وحده وي شلتها وشله ماس يقرونووحده تسمع للخ
اما شله روز صحك وغنه ونسه

فجأه سمعوا صوت عياط

اجت وحده تعرف ماس

ـــ ماس ماسس الحكي اختج تعاركتت

راحت ماس ولكت اختها تتعارك وي سمر الي هي اكثر ناس متطيق روز ولا روز تطيقها

المديره: هاي شديصير هنااا

مكتب المديره:  انتو صغار وتتعاركن شبيجن

روز:  ست هي بدت اول تحارشت بيه واني جنت كاعده بامان الله

سمر:  لاست اني كلشي مسويت معليه

المديره: خلاصص كل مره تتعاركن امتن زعاطيط يلا تعالن وقعن تعهد
وانتِ روز هذا ثاني تعهد توقعي الثالث تنفصلين

ماس: ها شصار نفصلتي؟

روز:  لا بس وقعت على تعهد بس والله شعور حلو واني اوقع احس نفسي شخص مهم وداوقع اوراق وكذا

ماس:  انتِ صدك تحجين لو شنو؟

روز: طبعا صدك اجذب عليج انتِ متحسين باحساسي دتعاركي وشوفي شلون شعور حلو

ماس هزت ايدها وجرت اختها من ياختها

ماس: امشي كدامي يلاا امشي بس تتعارك

رجعو للبيت

روز:  هفف ملل

ماس:  اي والله ضوجه

ابو ماس:  شنو رايكم نطلع

روز؛ ماس: اييي يلااا

ابو ماس:  يلا روحو تجهزوا

راحو يجهزون واكيد روز لازم تتانق
حست روز بنغزه بگلبها بس تجاهلتها

بالطريق مشغلين اغاني وضحك وسوالف هل راح تدوم هاي الضحكه لو خلص لهنا؟

فجاءة وحسو السياره......
________________________________
يطفئُ الموتُ ما تضيءُ الحياةُ ووراءَ انطفائه ظُلمات

شنو توقعاتكم؟

صوتوا مو تنسون