حب مـآبعد آنتقآمـ

بارت تاسع

بسم الله الرحمن الرحيم

صوتو حبايب

اكتبو رائيكم بالتعليقات

احبكمممم
_________________________________

ماس
وره مطلعو محمد وغيث وافكر باختي شنو حالها يارب الطف بحالها يارببب

صار وكت الغده وتجمعنه وقرروا بعد باجر  يروحون للبيت وكعدوا يخططون للمهمه واني صافنه وحاطه ايدي على خدي لحد ما خلصو

ماس: احمم اريد اروح للسوك باجر

محمد: بعيني

غيث: اي صح لازم احنه هم نشتري اغراض وملابس للمهمه

محمد: تمام لعد باحر نروح
قررنه نروح باجر عمود هم من يروحون للبيت يكون كلشي موجود يمي

________________________________
روز
كاعده بالتكسي وصافنه معقول مراح الكه اختي بعد ولا راح اشوفها دمعت عيني بمجرد ما اجت هيج فكره براسي

السايق: عمي وصلنه للبيت

روز: ها اي عمو شكرا
داطلع فلوس انطي

السايق: لا عمو عمج حاسبني

روز: تمام عمو باي
دكيت الباب ضليت بالعشر دقايق ادك وماكو انسمطت بالحر

روز: با اهل الدارر
انفتحت الباب

- اهلا تفضلي منو حضرتج؟

روز: هذا مو بيت وليد ****

- اي نعم منو انتِ

روز: اني روز بنت اخو وبعدين راح تخليني هناااا تره صار عشر دقايق منسمطه شووو وخرييي
دفعتها وفتت كعدت بالصاله فحطانه

- هاج هذا مي

روز: انتِ منو شغاله؟

- احترمي شغاله شنو اني مرة عمج فريال

روز: هاا العفو خاله

فريال بضوجه: شعجب جايه

روز وهي تحط رجل على رجل وترفع تك حاجب: والله بيت عمي وبكيفي شوكت ميعجنبي اجي اجي لو عندج مانع؟ ياا مرت عمي

فريال: هاا لا الييت بيتج حبيبتي

طبعا خلي نعرفكم على عائله وليد
وليد هو الصغير بين اخوانه عمره 49
روزجته فريال
وبنته مريم عمرها  7
وابنه سامر عمره 22

روز: لعد وين عمي

فريال: فوك بغرفته

روز: تمام اصعد اسلم عليه

فريال: ثاني غرفه عاليمنه

صعدت روز راحت تمشي تجاه غرفه وليد
فجاءه تصنمت من الي سمعته

__________________________________

ماس

طبعا مر اليوم عادي واتفقنه نطلع للسوك باجر وره اذان المغرب  وطبعا يومنه ميخلص من تفاهه ليث وعصبيه محمد الي سببها ليثث

طلعنه للسوك تسوكنه غراض واخذنه ريست نتعشى

ليث: ايي يابه منو كدج الضابط  ليث بشحمه ولحمه عازمج وكاعد كدامج همم

ماس: ايعع بطل هالغرور الي يخليني اتقيئ

محمد: صح لسانج ماس بطل هاللواكه ليث

ليث بنظرات كلها خباثه: صح لسانج وكذا شعندك محمد

محمد: انجب غيث بطل سرس**

ماس تباوع عليهم مضيقه عيونها: شنو ديصير من ورايه

ليث: ولا شي ولاشي بس، شكله اخونه واكعع چفي على وجهها

محمد: غيث تنجب لا ازوعك الاكل الاكلته

ليث: لا سكتت سكتت الا الاكل

كملنه اكل وطلعنه نكمل مسواك 

جان اشوف.........

______________________________ 

تتوقعون شنو سمعت روز؟
وهل راح تسكت عن السمعته؟

ومنو شافت ماس؟

وشنو راح تعرف بعد روز  من اسرار؟

صوتوا حبايب

واكتبوا توقعاتكم

احبكمممممم

هم صارت خربطه اسفه كلشششش بس هالايام دايخه ودوختكم ويايه اسفه كلششش

وهم اسفه لان بارت قصير بس تعبانه ودايخه وصارت خربطه كلش هواي هالاسبوعين ارجع اعتذر