مؤلم أنك مجبر مواجهة الحياه ومصاعبها دون سند دون يدك اليمنى أن يرمي أحدهم لك كلمات وتبقى في صدرك عالقه وتحدث معك اشياء كثيره ويأتي أباك يكمل الامر لا يخففه يعاملك بقسوه تشعر وكأنك أتيت لهذه الحياه عن طريق الخطأ مؤلم أنني لم أكن قادره على اللجوء لك حين تقسو علي ولا يمكنني مشاركتك حزني لانه أتى منك ولا أستطيع مشاركتك فرحتي لعدم وجودك جانبي يبقى الجرح مفتوح وتتظاهر بأنك بخير ومؤلم أنك محطه يأتي أليها ابيك ويفرغ غضبه عليك وسوء الحياه ويغادر على اتساع العالم تشعر أن لا يوجد مكان لك
تنهدت من قراءت آخر السطور الاولى مسكت دمعتها الي كادت ان تنزل اشتاقت لـ امها الي تحت التراب اشتاقت لعالمها السابق ودها بس لو ترجع دقیقه تمنت الارض تاخدها وترتاح من العذاب الي يصير لها رجف قلبها من سمعت صوته يصارخ تحت بـ اعلى صوته بعدت سوسن من حضنها وتوجهت له وهي متعبه ناظرها عاصم بعصبيه من شاف انها بطيئ بحركتها دخلت له وهي جدا مهلوكه من العذاب والتعب تقدم لها وصفعها كف على وجهها من قوته كيانها ارتجف
مسكت خدها ودموعها في محاجرها ناظر فيها بتهديد ونطق : لما أناديك تنزلين بدري فاهمه
هزت راسها بخوف واكمل : والان تروحين ترفعين الغرفه وتكنسيها واروح وارجع الاقيها نظيفه ولو ما نظفتيها بتشوفين شي ماعمرك شفتيه كانت صامته وماعندها رد تقوله لأنه لو قالت كلمه بيضربها حرك من عندها وخرج قفل الباب اول ما لاحظت خروجه ارتمت على الارض واشهقت بالبكاء ما بيدها حيله تسوي شي تعبت من حياتها المأساويه دايم تدعي ان ربها يبعده عنهم ويعيشو حياه سعيده
مسحت دموعها من لاحضت زول سوسن ابتسمت بـ الم وقربت منها ونطقت : مساء الخير ياعيوني
ناظرت فيها سوسن وبعيونها مسكت خدها ونطقت : مين عورك
لين وهي تحاول تخفي دموعها : طحت على خدي بالغلط وتعورت هزت راسها وناظرت بطنها سوسن ونطقت : جوعانه ابتسمت لين ومسكت يدها ونطقت : على المطبخ نسوي اكل هزت راسها سوسن ناظرت لين الغرفه ونطقت : سوسو بس ارفع الغرفه وناكل تمام
سوسن : تمام استناكي
ابتسمت لين وبدأت تنظف وفعلا مهي مده قصيره إلا ومكمله توجهت لين للمطبخ وناظرت اختها الي كانت جالسه فوق الكرسي تقدمت للثلاجه تشوف في اكل ماكان فيه ولا حتى بيض
تنهدت لين ونطقت بتعب : حتى الاكل حارمنا منه جلست تدور على اكل وتدور وماهي قليله إلا ولقت مكرونه بارده ابتسمت سوسن من شافت المكرونه واخذتها لين دخلتها المايكرويف تنتظر يحر لاجل تقدمه لها
بعد دقايق نزلته من المايكرويف وقفلته اخذت الشوكه وقدمته لها ضحكت سوسن من سمعت صوت بطنها ونطقت : الحين نأكلك اسكتي ضحكت لين وبدات سوسن تاكل كانت تناظر فيها بهدوء وتناظر بـ برائتها وكيف كل ذي البراءه يعيش بـ ذي الحياه المؤلمه
عند الجد محفوظ الي كان في مجلس الرجال مع أزواج بناته كل واحد يقول سالفه ومن سالفه لسالفه دخل عليهم عبد العزيز ونطق : السلام علیکم
الكل : وعليكم السلام
تقدم عبد العزيز لـ سيف ونطق : غريبه فين العيال
سيف : رائد نايم وخالد راح السوبر ماركت يشتري المقاضي
هز راسه وناظر جده من نطق : ياولد انت وياه قوم جيب السفره
قام عبد العزيز بضحك ولحقه سيف ونطق : شكلو يحسبنا شغالات
عبد العزيز : شدعوه امشي بس تقدمو للصاله واعطى عبد العزيز صوت للي جالسين ونطق : في احد مزنه وهي متقدمه لهم : اي وش تبون
حك راسه سيف ونطق : جدي يبينا نساعدكم ضحكت مزنه وناظرت عبد العزيز الي كان قامط ونطقت : اي تعالو نبي
احد يقطع الخيار والبصل
ناظرو ببعض ووجهو النظر على خالتهم الي تقدمت قبلهم ضحك سيف ورتب على ظهر عبد العزيز ونطق : تصير وانا ولد خالتك بعد يده وتقدم عبد العزيز ووراه سيف ناظر البنات الي كانو جالسين بالصاله يضبطو الاكل وتقدم علطول للمطبخ
داخل المطبخ
دخل عبد العزيز وناظر فيهم من كانو يسوون الرز في صحون اخذت امل الصحن ومدته لـ سيف ونطقت : يلا شيلو
هز راسه عبد العزيز واخذ من خالته الصحن الثاني وقدمه للرجال ورجع اخذ السلطه ونطق : في كمان شي
هزت راسها بالنفي وطلع دخلت عليهم ساره وهي معها صحن التوزيع ونطقت : خاله ورد يبون مويا
ورد : مو عطيناهم قوارير
رفعت أكتافها ونطقت : مدري توه دخل سيف يقول يبون مويا اخذت ورد القوارير الباقيه ومدته لها ونطقت : اسالي رائد لو باقي يبون شي ولا لا
تمتمت ساره وناظرت فيهم ورد من شافتهم خلاص مخلصين اخذت الصحون ونطقت : الله يسعدك يا مزنه جيبي معك الكاسات اخذت الملاعق وتوجهت للصاله من شافت البنات جالسين يصورون
السفره ضحكت امل من منظرهم ونطقت : بيعطونا عين وقفو تصوير
جواهر وهي مكمله : شدعوه عين مرا وحده
ریهام : قصدك بيعطونا سم مب عين
امل : الي هو المهم يلا افرشو كويس
اخدت ريهام السفره وعدلتها وكلهم جلسو على سفره وبدوا يأكلو
____
كان الكل متقسم الي بمجلس الرجال والي بمجلس الحريم كانو البنات جالسين بغرفه دخلت عليهم جواهر وبيدها مقرمشات واشياء حلوه انبسطو البنات وتقدمت لهم وحطته على الارض , اخذت جوالها وبدات تصور وناظرت البنات ونطقت : شرايكم
ساره : والله حبيت دلع وحركات
جواهر : تشوفين
ريهام وهي تطقطق على الجوال : بنات شرايكم نلعب
اعتدلت بجلستها جواهر ونطقت : وش نلعب
ریهام : همم جکارو
ضحکت ساره ونطقت : تبين تنهين علاقتنا صح
تكت ظهرها جواهر على الكنب ونطقت : يبنات ثلاثه بيكون ملل الصدق
ساره : اجل خلاص بكلم العيال يجوون يلعبون معنا
توسعت عيون جواهر وضحكت بصدمه : تستهبلين صح وش بيجيبهم عندنا
قامت ريهام من مكانها وفصلت جوالها من الشاحن واتصلت على عبد
العزيز ونطقت : يجوون وش ورانا
عند الرجال الي كانو العيال في زاويه والرجال بزاويه كان البعض يطقطق على جواله والبعض يتكلم مع الجد محفوظ وفي نص السوالف
نطق احمد : ياعم ما تعرف شقه كذا قريبه من عندكم
الجد : وليه تدور شقه وانت عندي جالس
احمد : حسينا نفسنا ثقيلين علي... قاطعه الجد ونطق : لا ثقيلين ولا شي
كلكم زي عيالي والبيت بيتكم
مصعب : ما قصرت والله
عاصم وهو يشرب الشاهي : الشاهي حالي مين سواه ليكون رائد
ناظر فيه رائد بصدمه واشر على نفسه ونطق : أنا اسوي شاهي
ضحك سيف ونطق عاصم : نمزح معك لاتبكي
ضحك الكل وناظر عبد العزيز جواله من كان يدق اخذه ورد : ياهلا
ريهام وهي ترتب اللعبه : اسمع نبيك تجي انت والعيال نلعب جكارو
عبد العزيز : أنا والعيال
ريهام : اي وناسه عادي تعالو بس كلم خالاتي
ناظره سيف فيه ونطق : وش يبون
عبد العزيز بهمس : يبون نلعب جكارو
سمع خالد اسم جكارو ونط لعند عبد العزيز لدرجه الرجال طالعو فيه
ونطق الجد : اهبل عمرك ما بتعقل
ضحك احمد ضحك الكل وناظر فيهم بـ زعل ونطق : شسويت
ونطق : الشكل شكل كبير والعقل عقل حمار
ضحك الجد وايضاً احمد ناظر خالد في عبد العزيز ونطق بهمس : قول تم
عبد العزيز وهو يرجع الجوال بـ أذنه : يلا جايين
هزت راسها ريهام وقفلت منه وناظرت البنات ونطقت : جايين
مسكت قلبها جواهر ونطقت : يوتر وش بيجيبهم
ناظرت فيها ساره بشك ونطقت : شكلو في واحد منهم ماخد عقلك
بلعت ريقها جواهر ونطقت : لا محد بس يعني مدري
تقدمت لها ريهام بضحك وبعدت جواهر ونطقت : ترا راعي الهواء مفضوح
ضحكت جواهر بتوتر ونطقت : ياخي ابعدو خلاص
ضحكو البنات وناظرو الباب من دخلو كلهم ورا بعض تقدم لهم خالد
بضحك ونطق : تخيلو خالاتي مسكونا قالو شعندكم رايحين عندهم
ضحكت ريهام ونطقت : وش قلتو
