ناظرت جواهر في رائد الي كان ماسك جواله وجمبه عبد العزيز عضت شفايفها ونطقت بينها وبين نفسها : الاثنين حلوين اخ
ضحك خالد من شاف حماسها ونطق : قلت لهم بنلعب معهم جكارو ونضحك مع بعض جت قالت خالتي امل غنم غنم
ضحكو البنات واكمل : وعاد جدي ماقلت له اننا بنلعب معك قلت له بنطلع الغرفه ووافق
ريهام وهي تضحك : اي زين ماسويتو المهم يلا
رفع ثوبه رائد وجلس جمب عبد العزيز الي ما يقدر بدونه وكانهم روحين بجسد واحد وايضا خالد جلس جمب ريهام لاكن بعيد شوي وكانت
جواهر جالسه قدام رائد بالضبط
قعدو يوزعو أوراق ونطقت ساره : تعرفون اللعبه ما يحتاج اقول
رائد : اي بس وش تسوي الجد
سيف : ياغبي ذي تخليك تنزل ويمديك تمشي ۱۳ وتطلع كل الي قدامك
ساره : بالضبط
عبد العزيز وهو يكشن الورق ويوزعها عليهم وفعلا بدأ اللعب وكل واحد
متوتر ويلعب كانت ريهام تبي تفوز ناظر فيها سيف ونطق : تبين تفوزين ها وحط ورقه التبديل وبدل بينها وبينه توسعت عيونها بغضب ونطقت
بصراخ : تستهبل انت كان باقي شوي وأفوز
رفع أكتافه وضحك ناظرت فيه بـ استفزاز وحطت الورقه بعنف وكملت تلعب وعلى النهايه حط اوراقه عبد العزيز الاخيره ودخل الرابع ناظرو فيه
ب انبهار ونطق : أنا الي ماكنت أتوقع أفوز فزت
هزه رائد بيده وحط ورقته الثانيه ونطق بضحك : وانا سبقت عبد العزيز
ناظرت فيهم ريهام بشك ونطقت : ماتغشون صح
هز رأسه بالنفي وكان باقي ساره وجواهر وسيف وخالد وريهام
وبعد مده من اللعب فاز الكل معد جواهر تأففت بزعل وحطت اوراقها
ونطقت : بقوم اجيب مويا
هزو راسهم وناظر رائد فيها وعرف انها زعلت لان متعود عليها من يوم ما يلعبو كلهم هي تخسر ولو خسرت تقلب ملامحها بعد كم دقيقه قام رائد من مكانه ونطق : ابوي يبيني صبر هزو راسهم وناظرت ساره ريهام ونطقت : وش ذا الكل قام
خالد وهو يلعب بالكور : شغلو اغاني
سيف : اي بالله عليكم شغلو اغاني شي كذا نخلي الجو يلعب شوي ضحكت ريهام وشغلت السماعه وشبكت البلوتوث ونطقت : وش تبي من اغاني
خالد بتفكير : همم حطي عم الجمال كلهم
ساره بضحك : مصري
هز راسه وحطت ريهام الاغنيه وبدوا يغنو وفجاء قام خالد يدور طرحه ناظرو البنات بعض بـ استغراب وضحكو من شافو بيده الطرحه وحطها على خصره وبدا يتمايل بـ استهبال ضحكو البنات بـ اعلى صوتهم عليه وناظرهم سيف وضحك معهم اخذت جوالها ريهام وبدات تصور بضحك
وبلحضه صمتو الكل من شافو ام خالد عند الباب تناظر ولدها الي يرقص بضحك, شاف نظرهم كله متجهه للباب استغرب وناظر وراه وجمد مكانه من شاف امه ضحك ضحكت الهستيريه ونطقت : عشتو ياولد احمد
حك راسه بـ احراج والتفت لهم واشر لهم بملامح وجه : ليه ماقلتو لي
ضحكو عليه ونطقت ريهام : فعاليه يا خاله
مزنه بضحك : اي واضح ماشاء الله خرجت وقفلت الباب شال خالد الطرحه من على خصره ورماها على الارض ونطق : ليه ماقلتو لي خليتوني اتفشل قدام امي وش تقول دحين لهم ولدي كان يرقص قدام البنات
ضحكو على كلامه السريع ونطق سيف : خذ نفس طيب
ساره بضحك : صدق ياخوي خذ نفس وراك كلامك ورا بعض
جلس معهم وضحك : نرفزتوني
ضحكو عليه واخذ الشبس وبدا ياكل ينسى الفشله الي صارت قبل شوي
