البدر

البارت الاول

"في بداية القصة أود تذكركم أنه هذا الرواية هي
قصة حقيقة لذلك ستجد انها أقرب للواقع
لذلك لاتندم من مررات الواقع عزيزي القارئ"
...
:

شلون انساهِن ايامك
وانه بگد ما مركِز بيك
حافُظ بصمة ابهامك.!
...
.

في إحدى المنازل في العراق
بيت البدر عائلة:
چان البيت الاگثر دفو چان حنين حيل
بيت طبله ترد روحك للدنيا حنيه ومحبه عائلة البدر
عائلة ينضرب بيه المثل بالعوائل الاگثر
قرب لقلوب اطفاله لطالما كان بيتهم من البيوت البسيطه
في حي شعبي تقريبا بيت بسيط يغمره السعاده والأمان

..
_يمه البدر ولله موتتني دطب اقرة
_يمه ولله قريت دعوفيني العب ويه جماعتي
_اي هو شطيح حظك غير جماعتك هذوله ولك طب
_يله ماما حبيبتي ميخالف بس نلعب شويه
بالشارع واطب
_اوف اوف منك قشمرني بهاي سوالفك بس يجي ابوك
اكله
چان البدر يلعب ويه جماعته واجمامعين المنطقة كله
بالشارع امه دائما تتعب وهي تكله يطب يدرس
بس كالعاده البدر مايسمع لااحد يظل يلعب بالشارع
هو وجماعته چانوا دائما يكعدون يم بيت
رجال شايب اسمه "ابو احمد"
صار اليل والبدر بعده ماطب للبيت كاعدين على حايط
بيت ابو احمد يسوالفون
_اكلك البدر مانطب
_يمعود بعدين اي كمل سالفتك
_ولك ولله هذا ابو احمد فد يكرهنه هسه اذا
شافنه كاعدين باب بيته يشحتنه
_يمعود هسه احنا شمسوين قابل شو
كاعدين وساكتين
_اي ولك بس انت تعرفه مايحب احد يكعد بابه
_ولك هسه عبالك البدر يخاف شيريد يسوي قابل
فجأة كاعدين الباب ويسمعون عياط ابو احمد يصيح
_ولكم انبكت واحد طفر على بيتي
اول ماسمعه البدر هجي يكول طفر رأسن لبيتهم
وعلي ماستوعب شي فجأه كمشه من ايده ابو احمد
_ولك علي سرسري شتسوي كاعد باب بيتي
مو كتلك لاتكعد هنا فوكاه تطفر على بيتي
_عمو بس خل افهمك ولله العظيم ماطافر
_انجب ادبسز هسه اخذك للشرطه انعل سلفاك
تطفر على بيتي حيوان
_حباب عمو ولله ماطافر
_هسه اروح لااهلك واني اشوفهم يقبلوه ابنهم يطفر على بيتي
اليوم اسويه محاكم
كمش ابو احمد علي من اذانه وسحل بي الشارع سحل وراح يدك بيتهم حيل البدر يباوع من الباب ويغم بعلي لان ماشرد
ابو احمد:
_ابنكم طفر على بيتي
_عمي ابو احمد شتحجي
_اي هذا ابنكم كم مرة كايله لايكعد بابي فوكاه بايكني
علي:عمو ولله بعد مااكعد
ابو علي:عمي ابو احمد حقك على روسنه وهذا اني اربي
شتريد حاظرين بس لاتوصله للمحاكم
ابو احمد:كلشي ماريد منكم بس ابنكم اذا شفته
مرة ثانيه كاعد باب بيتي اخابر شرطه
...
بيت ابو البدر
..
_يمه البدر شصاير شو طبيت من وكت اليوم
البدر:لايمه مصاير شي بس هذا ابو احمد
ام البدر :شبي
البدر :مابي شي بس يگول مبيوك
وهذا علي خطيه چان كاعد وياي وطاحت بي
ام البدر :سوده بوجهي يمه بله اني مو اگلگم لاتطلعون
وتروحون بابه هسه لو مشتگي عليكم
انتم الاثنين شسوي بروحي اني
البدر :يله يمه مصار شي طاحت بعلي خطيه
ام البدر :ولله إذا بعد شفتك تطلع وتكعد بابهم اگسر رجلك
البدر :هاهيه يمه صايرين
ابو البدر:ها مجتمعين هنا خيرگم
ام البدر:هو يجي من ابنك خير گاعدين باب ناس وهذا ابو احمد تعرفه ماينجرع كايللهم علساس واحد ظافر عليه
وهذا البدر شارد وطاحتك بعلوگي
ابو البدر:ولله هذا مو خوش سالفه يله بابا بعد لاتكعد بابهم
البدر :صار بويه
ام البدر :هاي مگان متكله بعد لايطلع ويلتهي بدراسته
ابو البدر :ميخالف خليه على راحته هذا فحل البدر خوب ماتدري يظل بس بالبيت خل يطلع يتعلم هذا جبيري
ام البدر:ولله شگلك هو محد انطاه عين غيرك
خل اروح اشوف جهال احسلي
كعد البدر وابو يسوالفون ويسولفله على علي الفاهي شلون مالحك يشرد ونلكف وهو شرد وابو يضحك على سوالفه
البدر حيل متعلق بابو البدر جبير ابو ويحترم ابو ويحبه
واقرب واحد من اهله له
_بويه البدر انت جبير واعي مااريد هل سالفه تتگرر واكعد باب ناس عيب
البدر:صار بويه تأمر
_عفية بالسبع مالتي هجي اريدك وليدي سبع وتسمع كلمه ابوك وامك انت جبيري اريد افتخر بيك
ابو البدر چان دائما سمعه وذكره طيب بين جيرانه وناسه وراد دائما ابنه يكون نفسه ويتذكروا ابنه بي
صح چان البدر وكح وحرك بس چان حيل يسمع نصائح ابو وكلمت ابو ماتصير اثنين وچان يفتخر باابو كدام الناس
ومارد يوم يحجون عن ابو بسببه
_يلة بابه اني استرخصك راح اروح العب ويه لؤي شويه ونام
ابو البدر :اي حبيبي روح العب ويه اخوك واقرة قبل لتنام
_صار بوية
..
ثاني يوم
راح البدر للمدرسه وچان يكله علي اول ماشفته ركض له
_ها علوكي
علي:وخر البدر
_ليش ولك
علي:مو كتلك مانكعد بابهم هذا مكروه اخر شي نعلست اني وانت شردت
البدر:ميخالف عيوني لو ماارد اني چان هسه گال صدك احنا طافرين واني مساعدك يسويني وبعدين اشرتلك تشرد ماردت ميخالف بسطه تهون
علي:ولله ماادري شكلك بس يله شسويلك سوالفك من وراك بعد مانجر نكعد بالشارع ابو احمد كايل للناس كله تدير باله منه
البدر :طوز بي عبالك صدك طافرين على بيته وهو سوا الفلم هذا علمود مانكعد باب بيته
علي:اي ولله بس شنسوي بعد ماتكدر نكعد من ورا
لانو مهدد ابوي يبلغ علينه
البدر :يله ميخالف تهون
مر ايام والبدر على حاله يجي من دوام يطلع للشارع
وبعد مايكعد بيت ابو احمد چان البدر دائما يشكر ربه على ابو لي يدافعله دائما ومامقصر ويا بشي
دخل البدر للبيت راح ركض لاابو
_بابه شجاي تسوي
ابو البدر:جاي اصلي حبيبي تجي تصلي وياي
البدر :يس بابا بعدني ماوصلت لعمر لي يصلون بي
ابو البدر :حبيبي صح هسه عمرك 9 سنوات بس عادي تتعلم بعدين تعلم اخوتك وتصير رجال
البدر:صدك بابه علمني
صار ابو البدر يعلم البدر الصلاه وهو عمره 9 سنوات وچان البدر حيل يسمع كلام ابو وحاول يلتزم بالصلاه وهو بهل عمر الصغير چان البدر حيل حنين على اخوانه واخواته وهو جبيرهم ودائما يعامل اخواته نفس ماابو يعاملهم چان ابو البدر قدوته
ابو البدر انسان بسيط حيل شغله على كد يومه چان يحاول مايقصر عليهم بشي ويربيهم تربيه صالحه رغم امكانيته مجانت قويه وجان بحرب صدام متصوب
رغم هل شي ماقصر وياهم
چان البدر يصلي ويه ابو فجأه ابو البدر لزم صدره :
البدر:شبيك بابا
ابو البدر :مابيه شي يروحي بس شويه صدري اذاني جيبلي مي يروحي
راح البدر ركض يجيب ماي وانطاه لاابو وكعد بحضننه