ميره : انزين متى بناكل يعت
سعيد : عقب شوي
ميره شافت ان يزوي متصله عليها و قالت حق سعيد : ربيعتي تتصل بيلس معاك عقب
سعيد ابتسم : الله وياج
ميره ردت ع يزوي : صبري بسير غرفه ميود
صعدت ميره فوق و راحت غرفه خالها ميود
ميره : ها
يزوي وهي تصيح: ميروه تخيلي رسبت ف الامتحان الباركنق
ميره ضحكت : انزين ليش تصيحين
يزوي : بعيد كلشي من البدايه ترا والله تعببب
ميره : الحمدالله انا خلصت و بسوق عقب شهر
يزوي : لا تقهريني انتي بعد
ميره : انتي اصلا حتى لو خلصتي بتسوقين شهر 8
يزوي : ونتي شهر ثمانيه مابتقدرين تسوقين
ميره :عالاقل قبلج واااك
يزوي : بسكر فويهج والله!
ميره ضحكت : خلاص خلاص
تمو يسولفون و ميره نست موضوع الغدا و نزلت و شافت الخدم يشلون الصحون لانهم خلصو
ميره بصدمه : كيف يعني نسيتوني!! انا شو اكل
اليده : اميه ميره اكو عبدالله بعده ياكل خذي من صحنه
ميره بزله لسان : خسي ! - كلهم طالعوها - ان لا مستحيل اكل بقايا
عبدالله : وابوي عليج انا اقول ،، ترا مردج بتاكلين بقايا ريلج
حمد عطاه نظره لدرجه عبدالله قال : يا كلمه ردي مكانج
سعيد ضحكك : حمد يحسسني ان حبيب ميره وايد يغار عليها
حمد : جبجب - و تم ياكل السويت و متلذذ -
راحت ميره و قعدت و تمت تشوف فونها و بطنها طلع صوت و كل الي فالصاله ضحكو
عبدالله و هو يضحك : عيل قلتيلي ماتبين تاكلين بقايا
ميره : اتم بيوعي ولا اكل وراك
سعيد خذ مفتاح موتره و قال حق ميره : تعالي بوديج تاخدين لج شي
حمد : و بدون بعد ما يستأذن !!
ام حمد : توه يوم ميره و عبدالله تناقعو يا سألني
حمد : عندكم ساعه !! لو تأخرتو بطلع مكانكم و بفجركم
ميره ضحكت : خيبه
ميره : سعيد وين موترك
سعيد : فالقراج
ميره : اي قراج؟
سعيد : الي برع البيت
طلعو و توهم بيفتحون باب البيت شافو عايله واقفه برع و ميره عقدت حياتها لان شافت ويه تعرفه
