اليوم الثاني قامت ميره الساعه 10 لان تبا تذاكر حق الفاينل لان خلاص ماشي وقت و هي تبا تشد حيلها
سوت لها ماتشا و تمت تذاكر لين ساعه وحده و قررت تاخذ بريك لان تعبت ،، نزلت تحت و شافت حمد
حمد : ميروه صح تجهزي بنسير بيت يدي
ميره : انزين نحن امس سايرين
حمد : ظنتي عشان خالي
ميره : يعني انا خميس الياي امتحاناتي لازم اشد حيلي
حمد : ماعليه نتي ذاكري الحين و عقب تجهزي
صعدت ميره و تمت تذاكر بس في درس مافهمته و سوت له سكب
اتصل فيها حمد
ميره : هلا
حمد : يلا ميروه لان بنسير عالغدا
ميره : زين
-
سكرت ميره و طلعت لها مخور و اكسسوارات فضيه و خذت نعال herms الازرق و و خلت شعرها ستريت و حطت لها ميكب خفيف بس كثرت مسكرا و تدخنت و تعطرت و لبست عباتها و نزلت
حمد : كملتي ربع ساعه ترا
ميره : حمد بليز صبر بس بييب الكتاب لان بذاكر فبيت يدي
حمد : ميره بسرعه
صعدت ميره و يابت الدفتر و الكتاب و لابتوبها وكلشي تحتاجه و نزلت
و ركبو الموتر و حركو و تمت تذاكر فالموتر
حمد : ميره بلاج بسم الله خذي بريك
ميره : حمد هاي اخر سنه لازم اشد حيلي
حمد مسك ايدها : الله يوفقج ياروح اخوج انتي
ميره شدت على ايده : آمين يارب
—
وصلو بيت اليد و ميره حطت اغراضها فالميلس و راحت الصاله تسلم ع الكباريه
ام زايد : شحالج،، نتي منو ماعرفتج
ام حمد : هاي بنتي
ام زايد : ماشاءالله عليها حلوه
ميره استحت : عيونج الحلوه خالو
ام زايد ابتسمت و يلست ميره صوب ماريه و فتحت فونها و تمت تشوف الملخص
ماريه : تذاكرين؟
ميره : اراجع لان شي درس مب فاهمتنه فالفيزيا
ماريه : اسالي ذياب لان شاطر فالفيزيا
ميره : انزين شرايج تخبرينه
ماريه : عقب الغدا بخبره الحين لا
ميره : زين زين
عقب اليده زقرتهم عشان يتغدون و تغدو و خلصو و شبعو و سارو يلسو فالصاله
سارت ميره الميلس لان ماكان فيه حد و بدت تذاكر
دش ذياب لان كان يبا يريح بس شافها : اوه السلام عليكم
ميره نقزت لان ماحست فيه يوم دش : بسسم الله !! سوري والله ماكنت منتبهه يوم دشيت لان ياس اذاكر
ذياب : اي ماده؟
ميره : فيزيا لان خميس الياي امتحاناتنا
ذياب : هيه نحن بعد ، في درس مب فاهمتنه عادي بشرحلج لاني شاطر فالفيزيا
ميره : الصراحه هو في درس انا مب فاهمتنه
ذياب قعد صوبها: اي درس؟
ميره راوته و بدا يشرح عقب يو الاحفاد لان الكباريه طردوهم 🌷🌷
عقب ذياب قال حق ميره تحل مسأله عشان يتأكد لو فهمت ولا لا
بدت ميره تحل ف ذياب طالعها و بدا يشوف ملامحها الحاده و نفس الوقت تجذب الشخص و شفايفها المليانه و خشمها السيف و جنه هي مختاره ملامحها من كثر ما هي حلوه
صدت ميره عليه و توترت من القرب الي بينهم و ذياب قام و قال
ذياب : فهمتي الدرس؟
ميره بتوتر : هيه
ذياب طلع من الميلس و قلبه شوي و بيطير من الموقف الي استوا
ميود طلع برع : اقلك خنسير البيت الثاني
ذياب : اي بيت؟
ميود : اوه الله يسلمك البيت الي ورا بيتنا هو بيت ام ميره ف نحن خليناه بيت الاحفاد و في مثل ممر صغير و نروح هذاك البيت
ذياب: توني ادري
ميود : صبر بزقرهم و بنسير
