Chapter 7+8
June 17, 2024💘Chapter 7
ဝေ့ချန်၏ဒေါသ
ဝေ့ချန်က ဦးတည်ရာကို ကောင်းကောင်းထိန်းချုပ်နိုင်သဖြင့် သူထိုင်ခုံကိုပစ်ပေါက်လိုက်သည့်အခါ ထိုလျှာရှည်သောအမျိုးသမီးများကို အမှန်တကယ် မထိသွားပေ။သို့သော်လည်း ထိုင်ခုံနှင့်ကြမ်းပြင် ရိုက်ခတ်သည့်အသံကျယ်ကျယ်က ဧည့်ခန်းထဲမှတခြားသူများ၏ အာရုံကိုဆွဲဆောင်လိုက်ဆဲဖြစ်လေသည်။
ပြီးလျှင် ခုနလေးကမှ ဝေ့ချန်နှင့် ချန်လီကို ရယ်နေကြသေးသော ထိုလူချမ်းသာအမျိုးသမီးများမှာလည်း ဝေ့ချန်၏ရုတ်တရတ်စိတ်ရူးပေါက်မှုကြောင့် ထိတ်လန့်သွားကြသည်။သူတို့ပြန်ပြီး အသိစိတ်ဝင်လာသောအခါ ဝေ့ချန်ကို ဒေါသတကြီးကြည့်ပြီးပြောကြလေသည်။
"ဝေ့ချန် နင်ရူးနေပြီလား"
ထိုလူချမ်းသာအမျိုးသမီးများထဲမှ တစ်ယောက်၏သားကလည်း ပြေးလာကာ သူ့အမေအတွက်ရပ်တည်ပေးချင်လေသည်။သူက သူ့အမေရှေ့မှာရပ်ပြီး ဝေ့ချန်ကိုစိုက်ကြည့်လိုက်၏။
"ဝေ့ချန် မင်းရူးနေတာတော့မဟုတ်ပါဘူးနော်...အဲဒီအရူးကို လက်ထပ်ရမှာကမင်းကိစ္စလေ...မင်းဘာဖြစ်နေတာလဲ...ဒေါသထွက်ချင်ရင်လည်း အဲဒီအရူးကိုဒေါသထွက်လေ...မင်းဘာလုပ်—"
အစရှိ အရူးဟူသောစကားလုံးရော အဆုံးရှိအရူးဟူသောစကားလုံးကပါ ဝေ့ချန်၏ဒေါသလယ်ဗယ်ကို လုံးလုံးလျားလျားစိန်ခေါ်နေ၏။ထို့အပြင် ဝေ့ချန်က သူ၏ရန်အလိုဆုံးအချိန်ဖြစ်သည့် နောက်ငါးနှစ်အကြာမှ ပြန်လည်မွေးဖွားလာသည်မှာ မကြာသေးပေ။ထိုလူ စကားဆုံးအောင်မပြောရသေးခင်မှာ ဝေ့ချန်က သူ့လက်သီးကိုလွှဲယမ်းပြီး ထိုလူကိုမျက်နှာတည့်တည့်ထိုးပစ်လိုက်သည်။
ထိုလူ မတုံပြန်နိုင်သေးခင်မှာ ဝေ့ချန်က တစ်ခါတည်း သူ့ကော်လာကိုဆုပ်ကိုင်ပြီး အားဖြင့်ဆွဲမလိုက်၏။သူ့မျက်နှာပေါ်ရှိအမူအရာက ယခင်အတိုင်းအတူတူပဲဖြစ်နေပေမဲ့ သူ့မျက်လုံးများက အလွန်တရာအေးစက်နေခဲ့သည်။
YOU ARE READING
အော်တစ်ဇင်ဇနီးလေးအားအလိုလိုက်ခြင်း
RomanceDescription June 17, 2024 Description 💘 TITLE - Sweetest Marriage (OR) Rebirth of the Ultimate Pampering Marriage ဝေ့ချန်က သူ့ဘဝတစ်ခုလုံးကို ဟာသတစ်ခုသဖွယ်သာ ခံစားခဲ့ရသည်။ သူက လူမှားယွင်းချစ်မိပြီး၊ မှားယွင်းယုံကြည်ခဲ့မိကာ နောက်ဆုံးတွင် ဆွေမျိုးအား...