احبك في حزني

الحلقة 13

حلقة ليوم غير رينام 

ديرو متابعة وشجعوني باه نكملها  

راه شغف يروح لي كي نشوف مش متفاعلين معاها  وهكا نطول باه نكتب

حلقة راه طويلة اسمحولي ادا فيها اخطاء

________s__________

  فتحت عينيا   شفت ساعة لقيتها 122 نخلعت نضت طايرة راح لحال مش موالفة نرقد لدكا وقفت  بزربة حسيت بسطر خفيف من تحت خلاني نسنرجع ذكريات تاع بارح ستغفرت ومشيت غسلت وجهي وهبطت هوكان مكانش باين راح درت شغلي  بصح مطيبتش هو علبالي مايجيش  لليل وانا كاين تاع بارح  مسحت لرض  وفتحت تواقي تدحل شمس  وبدلت لفراش  ومسحت شوي غبرت  خلصت لقيتها ولات 3 تقريبا  درت دوش نحي بيه تعب فتحت باب تاع دوش لقيتو متكسل في فراش وحط  يديه على عينيه  فوتو ديراكت محكيتش معاه قعدت  في فوتاي وقعدت ندير في مرطب لرجليا ويديا  طلعت راسي ليه لقيتو في نفس بوزسيو  غاضني غيلفراش  باسك داخل بصباطو ليه ايه باسك لقاي لي تخدم وراه تخنزرت فيه وجبدت تلفوني وقعدت نتفرج  شوي وناض داخل لدوش قالي نشفي شعرك كي سمعت باب تخبط قتلو "ماكان مقودك" سخلي دخل  نلقاه طاير ليا حكمني من شعري ويهدر بلعياط"واش قلتييي" قتلو "نحي يدك من شعري" طلعلي راسي  باه نقابلو  "زيدي  حليفمك مانتفهمش مع  قسامك" قتلو " خلاص عطيك صحا لي راك تخمم فيا اخطيني برك ومزيدش تهز يدك عليا "شاف فيا مليح وخبطني لفمي "زيدي امريني منفهمش مع ر.." طلقلي  شعري شفت فيه واستغفرت يعرف غير يطيح  ويضرب معدهش لحنانة قاع مفهمتش كيفاه طحت فيه  مسح على وجهو وشاف فيا وهز صبعو يهدر "غلطاتك راهم يتمركو ولحساب راه غير يكبر" سمطتو  مرديتلوش ولا شاف فيا وعيط "نوض نشفيي شعرك" نضت طايرة خلعني قتلو "علاه راك تعيط برك " شاف فيا  بتشناف عرفت لوكان يزيد معايا لهدرة  يعطني طريحة  راح هو لدوش وانا  نشفت شعري  سمعت صوت ماء  عرفتو راح يدوش هبطت نشوف شا نديرلو ياكل   ماكش حاجة توجد في5دقايق وليت قعدت دبر راسو اصلا منضت بكري  كنت متكسلة حسيت بيه هابط مديتهاش فيه  جا وقف عند  راسي  قالي كشما تحتاجي قتلو والو بلا مانشوف فيه باسك  فهمت لعبتو بغى يرجعني نحكي معاه عادي بعد لي دارو والله ماطيرلك    بقى واقف مدة  ومن بعد خرج قتلو في قلبي طريق سد  نضت غلقت تواقي ودرت  يوتيوب في تلفيزيون وطلقت غنا شوي  بعد قلبتها عراسي  ونضت نفوجي على قلبي شطحت لكرهت هداك نهار لغمة لي في قلبي خرجتها في شطيح لطحت ننهج  باش قعدت  طلعت دوش ورجعت رقدت كون قالولي راح تعقبي زواجك ونتي راقدة كونمزوجت ماتعبت روحي

وحد فيد  راني حاسة بيه  ضل مقابلة لحيوط كي كان هومعايا كنت شوي منحسش دكا عد هونهار كل برا  انا كرهتنقدرش نحمل  رقدت شوي وليت نضت درت نشوف واش ندير لعشا انا لاتيا  مع لعشا لقيت تلفون يصوني  بنمرو جديد  مهزيتش   بعد وليت هزيت قلت كاش متعود وحدة من لبنات  ولا كي هزيت لقيتها عجوزتي فرحتت قعدت تسقسيا فيا على حولي وعلى بنها قعدت نجاوب فيها بعد سكتت وقاتلي "شنو حوالك نتي وسيم  متفاهمين "سكت ملقيت مانجاوب اول مرة واحد يسقسيني على علاقتنا حتى  ماما نرمين متسقسنيش منيش نلوم علبالي راها في مشاكل بصح شغل جاتني غريبة قتلها "لباس متفهمين" كذبت واش راح نديرهي امو باينة راح تجي معاه في لخربصح حسيتها حست بيا بلي نكذب قاتلي "يابنتي  واش نقلك راه راجلك هداك حولي تكسبيه وتخليه يحبك علبالي راح تكون صعيبة  بصح هو والله حنين صح واعر وقلايقي  بصح بلكلمة لحلوة تكسبيه ليك   وعرفي بلي مشاكل كاين في كل دار  اما انتي لي راح تخليها تختلف اذا عرفتي تحليها وكيما قالوناس زمان الي يزرع الريح يحصد غبارو ومايبقى فالواد غير حجاروفهمتيني بنيتي" تنهدت  وقتلها ايه خالتي  كملت هدرت معها شوي وكبيت بانتلي كاينة حاجة  مخبية ومعرف كملت شغلي طيبت وقعدت  شفت ساعة 8:30 هداك هو كملت  قعدت حتى نسمع في باب يطبطب هيا شكون تاني جاي درت كي مرة لي فاتت وقفت نسمع  من صوتو عرفتو نفس راجل تاع مرة لي فاتت  مديتهاش فيه طلعت ندوش نحي بيه رحت طياب مني فمفم خرجت وليت هبطت وقعدت نتفرج شوي هكا وددخل  وفي يديه ساشيات  شفت معاه بعد رجعت عينيا لتلفون  حطهم في بوطاجي   وقالي فرزيهم  شغل يامر فيا تخنزرت فيه ونضت بلا منشوف معاه  لقيتو قضا من كلش خضرة فاكية سقايط وووو  حطيت كل حاجة في بلصتها   حطيت في طابلة باه ناكلو شوي هكا هبط  وطبعا لازم نقعدو في زوج على طابلة قعدت انا كليت شوي وحطيت شبعانة  تغميت من ريحت ماكلة وانا نطيب  قعدت نشوف في مغرف ونلعب بيها كان سكات طاغي  كرهت هذا ساكت لي بيناتنا ولبرود  نهدرو غي في لازم حسيت علاقتنا باه ترجع لزيرو  مورا ماتبدل راح ترجع  حط مغرف وناض وقال بصحتك  عطيك صحة  جات بنيبنا ماكلة  ومشا غمضت عينيا لا ارديا وتبسمت  وقتلو يسلمك قتلكم حنانتو لي قليل وين نشوفها تاثر عليا  وليت نضت  لماعن وغسلتهم وفرزت حالة كي كملت لقيتو هابط ومتانق للخر وريحت ريحة لحقتني من بعيد باين دوش بيها  بقيت نشوف معاه  جا يهبل   زدت ترنكت في مخي قلت هدا باين يمشي ويكحلو عليه  كان خارج  وانا نشوف فيه مدهاش فيا دكا كنت انا لي مشنفا عليه ولا هو شنف عليا  درت  يديا  جنابي وقتلو"وين رايح"  دار شاف فيا  وتنهد قالي "رايح  وصاي " دار يلبس في سباطو عطيني بظهر  ترنكت في مخي هو خارج وداخل واقت لي حب وانا حبسني هنا  خرج وخلاني نغلي دخلت قعدت في فوتاي حكمتني بكية  انا قنطت من دار  وهو خارج كيما يحب  تخلطتلي بين اني غايرة عليه  وغايرة منو تخلطولي لخيوط  قعدت نشوف في لحيط  شوي ونضت طلغت نرقد هدا واش ولات خدمتي كان رقاد كرهت روتيني  لحت روحي في فراش وقعدت نتقلب لداني نوم