يتبع
الشيخ: رحت عليه ولزمته من ياخته وكتله والله مااعوفك لخليك تندم انته ومرتك ولتسألون على البنيه بعد راح اخذهة يمي تعيش يم امي احسن من هلعذاب اليمكم
شلتهة واخذتهة للسياره وصلنه للمستشفى وخذوهة واني كلش انقهرت عليهة اكو هيج عذاب كال سند
سند: والله خطيه هاي البنيه الله يحرككم انشاءالله اذكر بيها ديمه
الشيخ: اي هيه بكد ديمه مو عم هذا
عمر: تره بشر مو حيوان علمود هيج يسوون
علي/ ميخافون الله من حطت ايدهة بالنار هاي اول مره اشوف هيج
الشيخ: طلعت الدكتوره هاا دكتوره
الدكتوره: مابيهة شي بس كلش تعبانه هاي البنيه اثر التعذيب على جسمهة
الشيخ: شنووو
الدكتوره: اي
سند: هذا جوز حتى ضرب يضربهة
الشيخ: شنو من عم هذا دكتوره هسه شنسوي
الدكتوره: راح اكتبلهة مقويات ودهونات وتستمر عليهن هسه عادي ادخلو شوفوهة
الشيخ: دخلنه عليهة والكاهه نايمه شويه وفزت
ياقوت: ااااني وين بجهنم شنو
الشيخ: اخذناج للمستشفى اغمى عليج
سند: هله خويه شلونج
عمر: الحمدالله على السلامه
علي: الحمدالله على السلامه خويه
ياقوت: الله يسلمكم اخخخ شويه ايدي توجعني
الشيخ: بعد مااخليج يم هذا النذل تجين لبيتنا معززه مكرمه يم امي واختي
ياقوت: لالا مااروح راح يكتلني
الشيخ: علمود افسخ راسه عن جسمه اذا يتقربلج بعد وعد مني اذا ماخليتهم يندمون اني مو اسد
ياقوت: شكرا عموا
سند: خويه واني العب بي طوبه
عمر: واني احطه بالبنكه واخلي يفتر
علي: واني اخنكه واحط ايده الجدر الحسين ع
سند: هههههه هاي وين لكيتهة
الشيخ: ابتسمت اول مره اشوفهة تبتسم
سند: اي هيج اضحكي والله لشلع اعيونهم اليتق ب على اختي بعد
ياقوت: تسلم خويه
سند: انتي شسمج
اسمي ياقوت
الشيخ: ضليت اباوع على سند وعمر وعلي واباوع عليهة
ياقوت: شبيكم
الشيخ : لاماكو شي بس اذكرت بنت خالتي هم اسمهة ياقوت
ياقوت: الله يحفضهة
الشيخ: هيه وين اصلا
ياقوت: وين
الشيخ : ماتت
ياقوت: الله يرحمهة بس شنو السبب
الشيخ: جان عمره 4 سنين وصارت مشكله ابوها كال ماتت بنتي وبعد مادرينه بشي لحد اجانه منهم ولا رحنالهم
ياقوت: اخخخ خطيه
الشيخ : يله نكوم
ياقوت: بس خايفه شويه
سند: لتخافين ابو تكسير يكسره تكسر
ياقوت: سمالله منو هذا
الشيخ: سند انججججب رحنا للسياره وفتحت باب السياره وصعدت والولد هم صعدو اني الاسوق اباوع عليها هيه تباوع من الجامه وتضحك بعدين نزلن دموعهة
الشيخ: ليش تبجين عاد الولد انتبهو واباوعو عليهة
احركه لينزل دموعج بعد
سند: لتبجين يكلبي انتي اختي لتبجين
عمر: يله كافي لتبجين
ياقوت: لامابيه شي بس صار هواي مطالعه وكمت ابجي هيج
الشيخ: يعني شكد مطالعه
ياقوت: من عمري 7اسنين حبسني بس على كد المدرسه اروح واجي
علي: لااله الاالله
الشيخ: الله وكبر شني من عذاب ضكتي
وصلنه للبيت
الشيخ: يمه ياقوت امانه عدكم
ام الشيخ : اللهم صلي على محمد وال محمد يمه احطهة بعيوني
ديمه : نزلت لكيت بنيه تخبل عباره عن ملاك بس مبينه تعبانه هلوو
الشيخ: ديمو هاي امانه يمج بعد
ديمه : يعني راح تعيش يمنا
الشيخ: ايي
ديمه : احطهة بعيوني صدك جذب نزلت ريم وسلمت عليهة وصعدنه فوك
ديمه: شنواسمج يحلوه
اسمي ياقوت
ريم : عاشت الاسامي والله
ياقوت : شكراً
ديمه : نزلت ولكيتهم جاي يحجون بخصوص ياقوت
سمعت بان عمهة معذبهة ويكتلهة وهاي وشافني الثور الهايج علي
علي: هاي شسوين هنا
ديمه: معليك انته نزلت اجيب ميي للبنيه
الشيخ: ديربالج عليهة ديمو
ديمه : انشاءالله صعدت ولكيتهة تبجي شبيج يروحي ليش تبجين
ريم صار ساعه تبجي
ياقوت: مشتاقه الامي
ديمه : يروحي انتي يكلبي رحت حضنتهة وكتلهة ميخالف نروح نزور امج ميخالف
ياقوت: صدك والله
ريم : اي حبيبتي ليش لاء
الشيخ: حجينه كلشي الامي
ام الشيخ: يمه خطيه شنو ذنبهة بعدها طفله
الشيخ : اي والله يمه
سند: ماخاف الله من حطت ايدهة بالجدر
ام الشيخ: يمه شراح تسوون
الشيخ : يصير خير انشاءالله
عمر: سند اطلبك مندي
سند: خاب والله خبلتني جبتك وناسيك اني شنو مره ريزوا ومره مندي اصفيلك على راي
عمر: اريد ريزوا
سند: شنو اكلك مفطوم على الريزوا انته
الشيخ: كافي احنه وين وسند وعمر وين
عمر: يم الريزوا
الشيخ: خاب كممممممممممم حتى لعبت نفسي واحد هم يمل من اكله
الشيخ: الكل راح نام وعمر وعلي راحو واني رحت للصاله انجطل واجتي نسرين
نسرين: منو هاي الجبتهة
الشيخ: معليج
نسرين : شنو معليي
الشيخ: وشنو هامج اني حتى ممعبرتني تمنيت عندي مره مثل النسوان
نسرين: ليش عيني وشبيه اني
الشيخ: اطلعي بره مالي خلكج تره
نسرين: منو هاي الجبتهة
الشيخ: امهة وابوهة ميتين وعمهة يعذبهة جبتهة يمنا
نسرين : وحنه شعلينه هاا
الشيخ: السانج لااكصه
نسرين: خوش خلي اصعد احسلي
الشيخ: اصعدي ولي ماريد اشوف شكلج بعد
صعدت واني روحي لايبه على ياقوت شلون صارت بس لاتأذت
ياقوت: ديمو
ديمه: هاا ياقوتي
ياقوت: امي وابويه عافوني وراحو عود امنو عمي موجود شوفي حتى ايدي حركوهة
ديمه: الله يحرك ايده انشالله لتخافين الله موجود
ياقوت: ونعم بالله
بس ايدي دتأذيني كولش
ديمه: ماعندج دهن مال حروق
ياقوت: لاءء
ديمه : ضلي هنا راح اجيب من اسد واجي
ياقوت: تمام
ديمه : نزلت دورت مالكيته بس الصاله دكيت الباب وكال ادخل من شافني فز
الشيخ: شكو شبيج بيها شي ياقوت
ديمه: يمه سمالله نام حبيبي نام ماكو بس اجيت اخذ العصاره مال حروق
الشيخ: ايدهة توجعهة
ديمه: ايي
الشيخ: كسر بيدهم رحت انطيتهة العصاره مال حروق
ديمو اي شي يصير بس دكي علي مراح اقفل التليفون تمام
ديمه: تمام ؛ صعدت ولكيتهة نايمه خطيه والله متعذبه عذاب والله بعدها صغيره مومال عذاب حطيتلهة دهن هيه ونايمه رحت حضنتهة ونمت شعرهة كلش حلو جوزي على حمار
الشيخ: صبح الصبح ورحت كعدت
هلا يمه صباح الخير
ام الشيخ: هلا يمه صباح الخير
الشيخ: شفت ديمه وياقوت نزلن
ياقوت: السلام عليكم
الكل : وعليكم السلام
ام الشيخ: يمه هلا يمه شلونج اليوم
ياقوت: اني من كالت يمه حسيت بأمان كلش حلو زينه الحمدالله خاله
سند: هاي انتلت فوك ليش متنزل
فهد: خويه شلونج احسبيني مثل اخوج
ياقوت : صفنت على سند يعني اكو وحده فوك اجاني صوت فهد زينه الحمدالله اليه الشرف
سند: يلا اني اروح للجامعه
الشيخ : الله وياك سلملي على عمر
سند: يوصل
ديمه: جابت الريوك وكتلهة ليش مصحتيني اساعدج
ريم: لاعادي ابقي يم ياقوته
ام الشيخ: اكلي يمه
ياقوت: اي خاله جاي آكل شويه وهمست الديمه منو هاي الفوك
ديمه: يوووو اسكتي وخليهة فد خبيثه درجه اولى
ياقوت همست بآذني ريم كالت وحقيره كلش
شصير منكم
ديمه : مرت اخوي الشيخ اسد
ياقوت : هاا
ديمه: وتتجاوز على امي وعلينه كلنه
ياقوت: ليش هيج تتجاوز ماعدهة احترام
ريم: زايحه الاحترام من وجوده
ياقوت: لعد ليش ازوجهة اذا هيج
ديمه: انجبر من بابا قبل ليموت جبره عليهة صارت مشكله واسد الوكع بيها ازوجهة بس الحمدالله متخلف جان جابتلنه قروده
الشيخ: جاي ناكل وشفت البنات يحجن ويه ياقوت وبتسمت عدهة غمازات بخدودهة
ام الشيخ: الله يديم الضحكه
ياقوت: فدوه الكلبج خاله شويه ونزلت نسرين
نسرين: ايي ليش لاء اهتمو بيها واني طنطور
الشيخ: اعتقد اني ممقصر بشي وياج وهاي طفله تره
يتبععع😳
