يتبععع
الاسد: والله لرويها وجهي الثاني اني اعلمها
علي: كافي اسد كافي
الاسد: صعدت ديمه وجايبتلي كمادات وهيج اشياء
شنو هاي ديمه
ديمه: كمادات شنو يعني
الاسد: المن هاي شبيج ديموا اني طفل
ديمه: شنو بس الاطفال ايخلولهم كمادات
علي: ههههههه
الاسد: يله بكيفج يله انته دييي منا يله
علي: هااا هااا اسد علكيفك عيني تره اغار اني
الاسد: خاب انجب غير اختي هيه الاقربون اولى بالمعروف
علي: اعتقد اني موغريب اني زوجهة
الاسد: كبر ايي والله جاي اشاقه
ديمه: خايبين كافي شبيكم رويسيه
سويتله كمادات وخلينا ينام طفيت الضوء عليه ونزلنه اني وعلي
علي: خاب خطيه والله ميستاهلون
ديمه: اي والله شسوي هذا نصيبهم بالحياه
علي: انشاءالله ينجمعون والله عندي امل ينجمعون
ديمه : نزلت راسلت ياقوت وكتلهة اليوم مريض ولج
ياقوت: رحت على الجربايه ولكيتهة مراسلتني كاتبه اليوم مريض
كتبتلهة شبي اليوم اكل شرب شبي مريض شنو يوجعه
ديمه: كلبه يوجعه وصوته رايح وفد مره
ياقوت: بيه ولابي انشاءالله
ديمه: لضليت تدعين على روحج
ياقوت: شربتي دوه
ديمه: اي شربته هذا الكبسول مال مضاد مدري شسمه
ياقوت: الاصفر مو
ديمه: اي عفيه هو
ياقوت: عزه العزاج اي والله ولج موزين عليه
ديمه: لاشنو السالفه
ياقوت: ولج ياسالفه ولج موزين على ضغطه انتي ماشفتي من تخربط ذاك اليوم من وره هذا العلاج الاصفر
ديمه: ولج عزه لعد شرب ثنين
ياقوت: صخام الصخمج يمصخمه ولج دروحيله شوفي وخابريني عليج الله يضل بالي عليه
ديمه: تمام سديته منه ورحت مالكيته بالغرفه رحت للحمام ولكيته ديستفرغ سمالله سمالله شبيك خويه
الاسد: مابيه شي بس هذا الدوه كلب معدتي
ديمه: والله ماادري هذا الدوه يسببلك ضرر
الاسد: لاعادي مصار شي هو بس ياقوت تعرف علاجي
من جانت صغيره وراسي يوجعني تروح ركض اجيبلي حبايه مال وجع راس وبيدهة كلاص مي تجي شربني بيدهة بي هسه لا ختلف
ديمه: بكلبي اكول هيه لحد هسه خايفه عليك وتحبك مثل ماانته تحبهة وتحس بيك انو انت مريض
الاسد: شبيج صفنتي
ديمه: هاا لامابيه شي شلونهة معدتك هسه
الاسد: لازينه
ديمه: ارتاح يروحي ايشي تحتاج اني يمك
الاسد: فدوه اروحلج يله روحي ارتاحي
ديمه: طلعت وراسلتهة وكتلهة لكيته ديستفرغ وحجيتلهة من كال جانت صغيره وجيبلي حبابه مال وجع راس
ياقوت: اتمنه الزمان يعود ولو مره وحده اول شي مااروح ويه اهلي واسافر وثاني شي هذا عقلي المحجر جان ماعفت الاسد بهيج حاله
ديمه: اي والله الله يجمعكم انشاءالله
ياقوت/ مااضن بعد
ديمه: لالا انشاءالله بس كون بعد متعيديها
ياقوت: ابد والله والله مشتاقتله
ديمه: هو هم بس ميكول
ياقوت: حقه عليه اني كله من وراي الله يموتني
ديمه: اي علمود يموت وراج
ياقوت: والله كرهني
ديمه: لالتكولين هيج الله كريم تره البشر يغلط
ياقوت: عليج الله خابريني اذا صار شي
ديمه: لايمه سمالله انشاءالله اخابرج والله
الاسد: اخخخ ياقوت ليش هيج سويتي بيه ليش
والله تعبتيني وخوفتيني عليج هسه ماادري بيهة رجعت لاء انساها اسد انساها كافي
ياقوت: والله ماادري بيك ياكلبي تنشلع شلع على اسد يارب صبرني دخيلك
الاسد: يارب كون رجعت بالسلامه
ياقوت: اخخخ يااسد والله كلبي يوجعني
ام علي : يمه كافي تبجين شلعتي كلبي
ياقوت: خاله مااكدر والله مشتاقتله وكله من وراي هسه تعبان كله من وراي
ام علي: يمه تره البشر يغلط روحي واني وياج روحي اعتذري منه
ياقوت: ميسامحني والله
ام علي: يمه باجر نروح اني وياج ونتفاهم
ياقوت: خاله خايفه اخاف يطردني
ام علي : لاميطردج والله
ياقوت: الله كريم خاله
ياقوت: والله خايفه
ام علي: يمه انتي سامحي وكليله اني اسفه ومجنت ادري بيك مسحور والله ماادري واتمنى سامحني وهيج والله كريم
ياقوت: انشاءالله
الاسد: صبح الصبح وكمت غسلت وبدلت ونزلت جوه
لكيتهم مسوين ريوك
ديمه: هلا يروحي شلون صرت
ام الشيخ: هلايمه صباح الخير شلونك اليوم
الاسد: زين الحمدالله
ديمه: كوم تريك
الاسد: مااشتهي
ياقوت: صبح الصبح وكمت غسلت وبدلت
ام علي: يله يمه نتوكل
ياقوت: اي خاله بس والله خايفه
ام علي: لتخافين اني وياج
ياقوت: توكلنه ورحنه للبيت
الاسد اني كاعد جاي اكلب بتليفوني ودخلت ام علي
ام علي: السلام عليكم
الاسد: وعليكم السلام هلا خاله هلا تفضلي
ام الشيخ: يمه زارتنه البركه
ام علي: يمه جايتك بطلب
الاسد: عيوني الج كولي
ام علي: ياقوت لكيتهة بالشارع جبته وخليتهة يمي
الاسد: اني من كالت هيج كتلهة لعد اني يوميه يمج ليش مكتيلي
ام علي: والله ماكدرت
الاسد: هيه كلتلج موو
ام علي: اريدك تسامحه لخاطري يمه
الاسد: مااسامحهة وخلص هذا اخر قرار
ام علي: يمه لخاطري
الاسد: السوته بيه موقليل
ام علي : ماجانت تدري بيك
الاسد: لاء تدري
ديمه: لاخويه متدري انته مسحور من نسرين
الاسد: مااسامحهة والله
ام علي: ياقوت يمه ادخلي
الاسد: اني مدنك راسي ودخلت شفتهة تبجي اني كلبي نعصر
ياقوت: رحت ركض على خاله سامحيني فدوه والله ماجنت ادري والله
ام الشيخ: يمه كومي مسامحتج
ياقوت: رحت سلمت عليهم كلهم ردت اروحله عافني وصعد هم حقه راحت ام علي واني بقيت هنا يعني رجعت
ديمه: ولج بربوك ليش مكتيلي جايه
ياقوت: انتي البربوك موكتبتلج راح اجي
ديمه: ياا ماشفتهة
ياقوت: شويه وسمعنه صوت تكسير من غرفه اسد
ديمه راح اصعد اسامحه
ديمه: ولج موهسه يحطج بدال الكنتور ويضربج
ياقوت: اني اريده يضربني لان استاهل
ياقوت: رحت صعدت ولكيته جاي يدخن وكفت بالباب اسد والله اني اسفه ادري بيك معصب مني وزعلان بس والله ماجنت ادري سامحني
الاسد: جاي ادخن ودخلت ياقوت الاشويه اجيت اخنكهة
شتردين هسه
ياقوت: سامحني
الاسد: اطلعي بره
ياقوت: بس خلي افهمك
الاسد: اطلعي بررررره
ياقوت: بس احجي واطلع مااشوف غير انجريت من ايدي وصرت بين الحايط وبينه
الاسد: اسد مات اني واحد ثاني تدرين شي ثاني اني اكرهج واموت منج فأطلعي بره جريتهة من ايدهة ونزلتهة جوه وشمرتهة بالشارع
ام الشيخ: يمه شبيك
الاسد: اسكتي يمه راسي يوجعني
سند : بس ميصير هيج
فهد : صح عاقبهة بس موهيج الدنيا بارده
الاسد: اسكتو لاارتكب بيكم جريمه وخلي اشوف واحد مدخلهة للبيت وشوف شسوي
ام الشيخ: يمه لعد ااضل بره حرام
الاسد: يمه هم حرام من عافتني وعذبتني لو محاسين بيه
انتو
ديمه: همست بأذن امي يمه كافي عوفي يهدء وهو يدخلهة بيده
ياقوت: يمه جمدت بمكاني بس استاهل
الاسد: اخخخ ولك شسويت انته اكو واحد هيج يسوي حرام اسد حرام شبيك من 9 ونص لحد12 لالا مستحيل خلي اكوم اطببهة هسه العالم شتكول
رحت لكيتهة نايمه لايالله جامده من البرد شلتهة وهيه جلبت بيه اوخر ايدهة وترد تحطهة عفتهة مخليه ايدهة دخلتهة جوه بغرفت ديمه
ديمه: يمه عزززه شبيهة
الاسد/ لكيتهة نايمه بررره وجبتهة
ديمه: اي زين اسوي حرام بره مخليهة
الاسد: ديري بالج عليهة تره جامده من البرد
ديمه: بعدك تخاف عليهة
الاسد: اشتغلي واسكتي
ديمه: تمام
الاسد: يلا اني راح اصعد لغرفتي
يتبععععع
