بعد مازفو العروس صار اليل اجه ابوي تعبان كلش صادف بيومهه اتفاجاه بي رجعت وياه بالطريق شفت الولد ال2 الي جابو ابوي من تخربط واحد منهم ابتسم 🙂 ماهتميتله هوه نفسه الي ينضرلي نضرات تخزي الوياه خوش ولد مدنك ماشال راسه عن الكاع سلمو ع ابوي وطلعو كبل ضلت بالي نضرات هذه الولد حسيته ملطلط وخبيث وصلنه للبيت نزعت عباتي وملابسي هذه اليوم المشؤم الي دمر حياتي الي حتجي بهاليله راح اخسر اهواي اشياء وراح يبدي عذابي 😢😢
بدلت وطلعت شفت ابوي لازم كلبه رحت عليه اركض
بابا بيك شي احجي
ابو لارا :لا بابا بس وصليني لفراشي بسرعه😣 (هوه يتالم بشده)
لارا :كلش خفت عليه اي بابا امشي😢
وصلته ونيمته المبرده تشتغل
ابو لارا :اكعدي بابا احجي وياج😣
لارا:اي بابا اسمعك احجي
ابو لارا :بابا اسمعي اني مااطول وباي لحضه اموت ديربالج ع نفسج امج امنتج عندي واني مو كد هالامنه بويه بالج ع نفسج واي شي يصير روحي لخت هاي وصيت امج بويه
لارا:كافي فدوه لاتكول هيج وين تروح كلكم عفتوني حباب لا تعبت لاتعوفني فدوه 😢😢
ابو لارا :بابا كلبي ياذيني صار شهر مادري ليش سكري يصعد واليوم احس نهايتي عندي علم بهالشي خاف اموت اسمعي اكو اوراق ارض الج وحده لختج مالتي ومالت امج وبيت هذه بسمج سجلته خاف تنطردين من اختج تعالي لهنا بابا لاتنذلين انتي بت صلاح وجميله واختج بالج عليهه بويه اكحكحكح(اشبيكم يكح خطيه 😢)
من كح ابوي طلع من حلكه دم حرت شسوي بس لزم ايدي ومسح الدم وكال ماكو داعي ترحين الي واحد اكعدي نهايتي اليوم اشبع منج مو ماتجين الي ولمج اشوفج انتي وختج مو مااوصيج بعد لارا صيري زلمه مو مره
لارا:كافي تحجي بويه فدوه اروحلك تعبت كافي وين تريد تاخذني وياك بويه اخذني 😭😭
ابو لارا :لا مو مال اخذج لازم تعيشين ويصير عندج جهال واني حشوفج من فوك من السمه اني وامج بنيتي
لارا :نام بابا كافي فدوه بس مو مثل امي كتلهه نامي ونامت فد مره انته تكعد مو 😢😢
ابو لارا :اي اكعد نامي روحي نامي 😐
لارا :رحت الغرفتي كل شويه وباوع عليه كلبي مات كل شويه خاف يصير بي شي ب
3.00 هالساعه المشؤمه سلبت كلشي مني 😢
شفت ابوي كلش اتخربط كعد ع حيله والدم ترس دشداشته اتخبلت لبست عباتي كلت اروح اصيح عمي ارشد مو بعيد علينه شارعين طلعت حافيه بس عباه كل ساع تزلك وتوكع واشيلهه واركض بكل قوتي وصوت الكلاب بكل مكان متت خوف غمضت عيوني وركضت مااحس بروحي انصدمت عبالي حايط شجره رافعت راسي واشووف .......
يتبع....
