صار الصبح يوم جمعه واليوم عمي يجي هوه كالي اخذج لميت ملابسي لكدام كعدت مانزلت لجوه سبحت وطلعت صارت بوجهي شيرين
شيرين:ها خيرج اليوم مستعجله ع الروحه لو تعبتي من الخدمه😒
لارا :بالعكس احب شغل البيت مو خدمه هاي جاي اشتغل بارادتي عفتهه ومشيت عنهه 😢(لج انتي اختي اني وياج من نفس البطن هيج تتشمين بيه المفروض صيرين بمقام امي وابوي بس ياحيف الوكت خلاج تتعادين عمود جم فلس 😭)
صارت ب10 نزلت لان عمي يتغده هنا لازم اسويله غده نزلت صار بوجهي اكرم باوع بعيوني دنك وصعد
اكرم "بعد الي صار ويانه اني ولارا مالي جرئه اباوع بعيونهه صادفتني بالدرج اوف عيونهه دموع ماتكدر حته تبجي حقهه تتركني اليوم لان خالي ارشد راح ياخذهه اليوم ومبينه فرحانه احسن خليهه تروح اذا ضلت يمي احتمال مااتحمل وجودهه لان شهوتي اتجاهه حيوانيه مو بيدي خليهه تروح افضل الهه اصبر ع افراكهه شسوي😐
لارا :كرهته كلش الاكرم من بعد الي سواه ماخذني بعين الصغيره عباله من ذني الي مابيهن حظ بس ماحزر اني مااضل هنا وابد بعد مااجي لهنا اروح الحضن امي البيت ابوي وحنانه اعيش هناك 😢 اخ يايمه وينج حياتي من بعدج كلهه عذاب😣
سويت غده ورتبت الغده طلعت عمتي تبجي
عمتي"يمه مااكدر ع فركج يمه لارا لاترحين يمه شكلتي 😟
لارا"عمه والله مااكدر اريد اروح البيت اهلي مامضايقه من كعدتي وياكم بالعكس صرتو اهلي من بعد امي وابوي بس عمه اشتاقيت الريحت امي والبيت ابوي
عمتي :ماشي بس ترتاحين هناك شهر وترجعين لهنا ها يمه اشكلتي مافرط بيج امانه صلاح انتي بركبتي امنوج عندي
لارا :الله كريم عمه الله كريم بس دعيلي اطلع مم الحزن عمه تعبت والله😭😭
عمتي"اوف يصلاح طلعت بنتك احن خلك الله عليك يا خويه مرات انساك ياخوي بس هيه مانستك نهار بليل تبجي عليك اوف ياخوي ياحيف الوكت اخذاك منهه اتعذبت بلياك 😢
لارا "الي حجت عمتي زاد وجعي كلش صدك بلايهم مااسوه كلشي 😢
وره نص ساعه اجه عمي ارشد ركضت عليه تلكيته وحضنته اني العبره خانكتني بجيت بحضنه
عمي :ها عمي اشبيج خو مااحد مضوجج
لارا:لا عمي بس ذكرني بريحه ابوي عمه اريد امي اخذني فدوه العينك 😢
عمي :ماشي راح اخذج نطلع منا اقرب النه من واسط راح ابات هنا علموج الصبح نطلع جايب سياره منصور وياي اروح بيهه 🙂بعد عمي تردين شي غيروهاي
لارا :ماريد كلشي احله شي انطيته الي ربي يخليك الجهالك عمي
عمي :ويخليج الي بنيتي يله كافي بجي باجر اخذج الهم وين عمتج واولاد عمتج شيرين
لارا :كلهم جوه🙁
عمي :يله تعالي وياي انطب اسلم عليهم
دخل عمي وتغده وره الغده شربو جاي كعدت وياهم اكرم يباوعلي ويدنك
عمتي ام احمد:ها ارشد شلونهم الولد البنات زينين ام منصور اشلونهه
عمي "كلهم زينين اله منصور موزين 😟
لارا؛طفرت من مكاني يا عمي صاير شي ع منصور بي شي الصراحه خفت عليه لان وكف وكفه اخو وياي ماقاصر بحقي
عمي :اي بويه منصور طلك مرته السبوع ال الجزه
عمتي :يا اسم الله ليش طلكهه
عمي :منصور مايصير عنده اطفال نسبته قليله بس مو كلش يتعالج يعني بس هوه اول ماافاتحهه بالموضوع كالهه ميصير عندي طفرت كالتله طلكني مامجبوره اضل وياك اريد طفل
هوه عصبي وطبعه صعب ماشرحلهه انو يتعالج مباشره وداهه لهلهه راحت ام منصور حاجتهه تندمت نرجس رادت ترجع حاولنه وياه نقنعه انو نرجعهه بس ركب راسه يكول الي ماتوكف وياي بمحنتي شسوي بيهه ماتنحسب مرتي وره سبوع وده ورقه طلاك طلكو هيه خسرته ياام احمد
عمتي "سوده عليه مايستاهل بس خويه خوش سوه الي ماتوكف وي رجلهه بشده موخوش مره يعني هيه نست عشترهم الي جزت عمود بس كالهه مايصير عندي يستاهل الاحسن منهه لاتضوج خويه
لارا: كلش ضجت عليه كلت العمي ربي يوفقه يستاهل كل الخير
اكرم😒😒😒
عمي :لارا باجر نروح للنجف مو عمي
لارا : اي عمي نروح🙂
عمتي :لهلهه والله ياريت اروح وياكم بس تشوفني مااكدر كلش رجليه مورمه بلكت اصير احسن وروح
شيرين"اني هم عمي اخذني
عمي" وابنج وين تودي ماتشوفين عمتج ماتكدرله غير مره اخذكم انتي وام احمد
شيرين :ماشي😒
لارا "كمت للمطبخ اغسل الستكاين اجه ورايه اكرم
اكرم "شبيج فزعتي من كال منصور مو زين
اها عرفت هنا الحجي ابو الحظ السعيد هوه نفسه منصور😉
لارا :تكدر تحترم نفسك منصور ابن عمي واني عرضه وشرفه وديربالك اتمس كرامتي ☝ واضح
اكرم:ضلت كرامه 😑
داره وجهه وراح صدك ماضلت كرامه بووجودي يمك 😢
يتبع...
