وتسئل من انا؟
انا ابنه الليل والاماكن الموحشه
انا عقل الضائع
انا الجسد الفاقد لروحه
انا القصه التي لم تكتمل
وانا الحوار الناقص
ومن انتَ!!؟؟
-انا المُذنب والذانب، انا المظلوم والظالم
انا آلذي اغرقتُ في بحر عيناكِ.
- لفيت العگل على راسي وجهي طلعت بس عيوني لي اكرهن وشمئز منهن، سمعت صوتها وهيّ تناديني بالأستعجال تأفأفت وطلعت وطبكت الباب بقوه وكع ضليت صافنه اجتي فوك راسي دمغتني بـمُزاح
- حتى الباب ماسلم منچ؟!
- هو تعبان مو صوچي انا
- هم حوله وهم عوجه، بسرعه اخذي روبه وبيعيها
-عافتني وراحت خليت ايدي ع عيني بقهر
- ياريت تنعمين واخلص من عارچ!!
اخذت الروبه ووطلعت بشارع سمعت صوت صرخات بـ أسمي متتاليه بصوتها الناعم والرقيق التفت عليها وعفت الغراض بالأرض وركضت ع ركضتها شالتها وابوس بيها
- شچابچ! مو چنتي نايمه؟
- لا مانمت اچذب عليها حتى ماتشغلني
- اوف لوتيه
خليت ايدها ع حلكها بضحكه شلتها كعادتها لازم تخلي رجليها تحظن خصري، دنكت اخذت الغراض وكمت ادك ع بيبان وابيع الخبز وروبه منطقتنه صغيره ويسموها بـ القـَريه ناس تعرف ناس،
نزلتها وبديت اتعامل وي مره ع اسعار تحاول بـ أي طريقه تكسر بسعر! وتكول مالتكم حامضه
- خاله اذا ماعاجبتج اشتري من غيرنه محد جابرچ،
- يلا امري لله انطيني شسوي لا يجي رجال،
- انطيتها وانطتني سعرها هو شكده حتى تقللينه! التفت ادورها وين اختفت!!!!!
عيوني تدورها بفزع
- مـنسه وينچ مـنسسه!!!
شمرت الغراض يم المره ورحت اركض بشارع واهل القريه ينظرو الى حاله الدمار والضياع والرعب الوصلتلها بس ماحركوا ساكن!! ودخلو لبيوتهم
قربت الشمس تغورب قريه اصبحت مهجوره وزاد القلق بقلبي سقطت على الأرض اكفكف بدموعي مُتناثره
-وين الكيهاا منو أخذها شلون غفلت عنهاا!
- تدورين ع منسه؟؟
التفت ع صوته ولد يسمونه اهل القريه بالمهبول" ويجتنبونه وهو اعقل منهم!! أشرلته براسي واني امسح بدموعي
- اي اي مـنسه چانت يمي واختفت شفتها؟
- اي دخلت لهذاك الـبيت تركض وره الچرو،
عافني وراح بصدمتي ضليت اركض وراه احاول افتهم منه او يجي وياي بس عافني وراح اختفى رجعت ضايعه وعيني ع مكان اهل القريه يكولون هذا البيت مسـكون ويخافون يتقربوله!
بس ماهمني شي هٌمي الوحيد شلون ارجعها لحظاني رحت للبيت كالي عليّ چان متهدم مو ذاك البناء الحديث كلش تعبان بشكل فضيع حتى حيوانات ماترضه بي وناس كاعدين بي يسموهم "جنون" مااجيت ولا مره اله خوف تملك قلبي بس قاومته،
- انه حُرمه غريبه هنا، بشاربك ياصاحب الزمان،
دخلت للبيت بهدوء والعن ساعه الغفلت عنها شفتها كاعده جوه الشجره ومخليه الچرو بحظنها بچيت وضحكت بنفس الوقت ماصدگ هيّ بخير،
ركضتلها اخذتها بحظني واحظنها بخوف ولهفه وهيّ مفزوعه مني بوست خدودها وجناتها
- شچابچ لهنا مَـنسه وكفتي گلبي!!!!
- چنت العب وياه شوفي شكد حلو
- مو وگت لعب خل نطلع ضلمت الدنيا مكان يخوف
چريتها وهيّ تنحب ع چرو تريده سمعت صوت مشي ع اوراق متساقطه على الأرض، خليت ايدي ع حلكها اخفي صوتها وختلت وره شجره دموعها تنرل ع ايدي خنست من شافته،
چان ولد عمره 15 الى 16 سنه مخلي ايده ع عيونه بالرغم شمس ماكو! طلع رجال كبير بالعمر يتوسله ويبچي لو شخص عزيز عليه ميت مابچه هالكثر!
ولد رفسه بطنه وخنكه بيده وطلع سچينه من چيبه ضربه غمضت عيوني وخليت ايدي ع حلكي من طلعت صوت شهكات مسموعه مني، رفع راسه يتلفت كطعت النفس ومنسه من موقف خنست
طلع رجال ثاني متوسط بالعمر يحچي وياه
- چاي تسوي لو يدري سـياف يتخبل ويحرگ البيت علينه!
- اششش ماتكله!!
- بس اذا سأل عليه
- كله شرد ها اها فضت السالفه!
- ضل رجال يتناقش وياه واني احس ضهري تكسر واني ململمه نفسي منه لا يشوفني حجيت بهمس قريب ع أذنها محاوله مواساتها
- مـنسه أُمي لاتخافين هسه نطلع،
بينما انا في محاوله اطمئناها فقدت طمئنينتي وصرخاتي تتعالى كالأنين من اعماق حُنجرتي عندما رأيتهُ أمامي
ينظر نظرات انتصار انٌ كدر يصتاد فريسته حظنتها لقلبي طفله صغيره ماتفهم شي
- أُوو منو هاي لـي اچت بـوكرنا!
- بالغلط والله اجتي علمود چرو حباب خل نروح
ضحك ضحكه مستفزه وبارده هو يمسح حلكه بـ أبهامه
- الـيدخل بـوكرنا لازم مايطلع قبل لايضحي بـ قربان!
- بينما هو يحجي سحب منسه بقوه من أيدي ومخلي سكين على رقبتها خليت ايدي ع اذني صرخت مفزوعه من صوت صرختها
للحكايه بقايا..
رأيكم حبايبي بالمقتطف والأسم؟؟ 😭
انطوني رأيكم يهمني وحفطوها بالمكتبه حتى ارجع اكملها 🦅🤎
لطفاً تصويت قبل قرائه البارت ومتابعه الحساب حتى يوصللكم جميع الأشعارات بالأضافه للتعليقات بين الفقرات
ومتابعه حساباتي
instagram: zaz_jubouri
Telegram: zaz_jubouri
