هل مستعد للقرائه؟
قبل ان تبتدء، تذكر جيداً قبل ان تـدخل في هذا العالم
أنك لن تستطيع الخروج 🚫،،
*إن أكبر حبّ هو الموت أو النسيان*
، ________♦️_________،
- مديت ساقي بالبحر واني انتعش بجمال وبروده الجو حاظنه اكتافي بيدي جو بارد بس احب البحر والمطر خاصاً، الريح ينطلق بقوه،
قهقهت بصوت واضح وانا اتحسس بروده الماي هو يتخلل اعضامي،
هذا خطأي اعرف الأسوي خطأ بس استمر عليّ، مااشعر بهذا الخطأ ألا من يوكع ويصير مصيبه على راسي،
عرفت بروده الجو راح تسببلي فلاونزا بس استمريت بيها ماردت احرم نفسي من أي مُتعه،
حسيت بـ أيد دافيه على اكتافي لم اشعر بالخوف ابداً احسست من لمساته انِ اعرفه قلت وانا اتجول في عيني من حولي متفحصاً من دون نظر أليه
- مَـعااذ،
كعدت بصفي متربع و يضحك ضحكه رنانه،
معاذ: تعرفيني من لمساتي، ياريتها مثلج،
حجاها من بعد تنهيده مضجعه تبين مدى الأسى المحتل قلبه، طبطبت على اكتافه،
- مَٓد رجليك على بحر وتونس وعوفها تنحل وحدها
- بارده تردين تمرضيني
- مرض تكدر بعلاچ طيبه، اهم شي نفسيتنا تستعدل،
- انتِ مخبله وكلامچ اخبل منچ رايح انا
- تشوفها؟؟؟
- شعندي غير شوفتها استلذ عيوني،
- مو صار وقت الصلاه!! لاتسويها عيد علينه
-بعد 10 دقايق روحي للمكان قبلي انا رايح اشوفها عقلي وقلبي محتاچ شوفتها خل ارتاح احسن ماتشوش عقلي بصلاتي،
عافني وراح يركض ويباوع للساعه كمت نكثت نفسي ورجليه متصلبه من البروده حظنت اكتافي وامشي وشفايفي ترجف دخلت للقريه كُل بدون استثناء يحظر صلاة لي تقيمها شيخه ديما،
والمايحظر يتلقى عقاب بحظور الكُل ماعدا شخص واحد مُستثنى، هو هذاك شخص مجنون محد يفرض أَوامره عليّ مراعاه لوضعه الصحي،
لي حتى اسمه محد يعرف لحد الأن، رحت فتحت غرفه خشبيه مخصصه للحمامات توضيت واخذت محارم الصلاه وكفت وياهم وعيني على درب وين تأخر معاذ،
بقت ثلث دقايق عشت بقلق فضيع لحد ماشفته دخل يركض ابتسمت بخفاء ،وكف بصفي يلهث حجه بهمس
معاذ: بالوقت المُحدد،
-وكفت قلبي معاذ بعد لاتعيدهاا،
- أم sorry بس چانت تأكل وانتظرها لمن كملت أكلها
-فكتوريا راح تعبك لاتنسى اختلاف ديانات
- ماكو شي صعب بالمحاوله،
-قاطع كلامنه صياحه المزعج هو يستعدي الكُل للصلاه، دخلنه كلنا الرجال كدامنا واحنه وراهم وشيخ يصلي واحنه وراه،
