قيود المنتظر

Part 3 .

  بِســـــــم الـــله الرَحمٰـــــــــن الرَحيـــــــم 🦋

ما يذبح الساكت الا سوالف عقلة

ــــــــــــــــــــــــــــــــــــــــــــــــــــــــــــ

فتحت عينيي بوسعع من الي تذكرته والي جان بابا ديقصده بقوله
                   ' انج السبب بموتها "

معقولهه ؟؟ اميي هي السبب بموت ايليان
رجعت مَسامعي للباب بمحاوله مني ان اسمع
بس مَكدرت غير بابا وهو يكول :
حَأطلع بس خليها براسج الله راح ينتقم منج
حسيت بابا حيطلع فركضت لغرفتي واني فحطانه من الرُكضه ومن هَول الصَدمة الي حَلت علينا لزمت راسي بأثنين ادية بمحاوله مني اهدء نَفسي
شحيصير بعَلي من يُعرف ؟
شحيصير بماما !!!
ليش سكتواا ؟
ليش بابا فتح موضوع صارله مَيت 11 سنة !
وسَط افكاري دُخلت سولاف
- اكُلج مَشفتي بابا اريده بموضوع ؟
- ها لا شسمه ماشفته ماشفته
- شبيچ ؟ شو شفتج بيضه و وجهج اصفر صاير شي ؟
- لا ماكو شي مجرد كُمت وتدرين بوضعي ف دُخت
- اها طُبج مرض محد كلچ كومي
تنهدت بحَسرة واني اباوعلها وهي تسَد الباب وتطلَع ، طلعت بس لعنتها الف مرة قَطعت سلسلة افكاريي !

الساعه الـ سادسة مسائًا
ندق جَرس البيت مُعلن عن وجود احد بالخارج
فتحت الباب و دُخل بابا بس ملامح الحُزن باينه عليه
- ها هلاو بابا الله يساعدك
مجاوبني فقط اكتفى بهزة رأس
بالمُقابل لاقته امي بالكلام وهي تتلعثم
- غيث فكر بيناا عندك 3 اطفال تصرف عليهم واني لا تتهور ! لا تخرب البنينا لا تخرب عيشة سنييين
عُقدت حاجبي بأستغراب ياتهور ؟ يا بنيان نكلبنا مُهندسين ؟ ، درت على بابا اشوف ردة
بالمُقابل لاقها بابا بعيون باردة وعدم رَد
ودار ضهره وراح لمَكتبة وهو يحاول يتماسك
باوعتلي امي وهي تزهكك
- ككككللله منججج يااا فكررر !!!
فكيت عيني عليها شبيها ؟

كاعدة بغُرفتي واحاول اعرف شنو علاقة امي
بوفاة  ايليان بس مكدرت اربُط الاحداث
حاولت اتذكر الصار قبل 11 سنة بس ماحيل تذكرت بسبب عُمري الجان قليل بوقتها ميتجاوز الـ 8 سنين !
ضربت رأسي بقوهه وحجيت
- يااااربييي شديصيييررر ياربب لا تفجعنييي بهايي الاا ايليااان !
عليي تدمررر و هيلين راحتت هممم
كلبييي بعد ميتحمل صدماتت ياربي الا ايلياان
بجيت وشهكت واني احاول اتذكر بس ماكدرت
تجرئت ورَحت لبابا ودَكيت الباب
- منوو ؟
- اني بابا ايزيس ، عادي ادخُل ؟
- دُخلي عزيزة غيث
نزلت مُقبظ الباب ودَخلت
بتسَمتله ورحت حضنته جان وجهه تعبان حيييل سولفنا شويَ عن الشُغل وامور عابِرة
- بابا سؤال ؟
- اي بابا كولي ؟
_ بيوم وفاة ايليان شصار ؟ مداتذكر هواي اشياء غير اشياء طفيفة نكدر نكول روؤس اقلام
- بابا شجاب هسالفه ع بالج ؟
- مناسيتها ولسه تدُك بكلبي
هَز راسه بقهر وسَكت و اتجهت أنضُره للفراغ
رجَعت بذاكرتي ليومها
                        عــودة للماضـــي
                              9/17
سمعت صياح امي بالطابق الثاني وهي تنادي
- ايلياان افتحييي الباب لتسويييننن شيي ؟؟ افتحيي ماسويلج يلا ماما فتحي باعيي شتريدين تسوين سوي بعد ما احاجيج تريدين مُراد ما اعترض بسس افتحيليييي لتسوين شي ماماا ما احجي وياج بعد
كول هذا واني اباوع من بعييدد من نهايه البَيتونه
كسرت الباب ودُخلت
تقَدمت للغُرفة وايدي ورَچلي يرَجفت واحاول اجذب احساسي بَس !
تأكدت من فتت للغُرفة وتمَركزت عَيني على الجُرباية
وسَعت عيني بصدمة وشهكت من الي شفته
ايليان نُص جسمها على السَرير ونُص الاخر على الارض مَذبوحه !
انتحرت ايلياان
بجيييتت واني اطبطب على خدها واصيحح ايليااان اكُعدي حبيبتي اكُعدي باعي هاي ماما جابتلچ مي بس اكُعدي احجي وابوس بيها
اجة علي مفزوع من الصياح و نصدمت من شاف ايليان
صاحت بي امي وهي تكول
- شدااااتبااااوعععععع دكككك على ابوووووكك دكككك راححح تموووتتت
دك علي على بابا ماكو دقايق وبابا اجة
بهل وقت اني احجي وياها وابوس بيها اريدها تُكعد والدم ملة المكان
اجة بابا وشالوها هوَ وعلي
وهم ديشيلوها وكعت منهم تقريبًا متر سَمعت طَبة أضلُعها بالكاع حسيتهم تكسرن بس المشكله حتى ما تحركت عينها ولا حَست
بابا خلاها بالاستقبال بمحاوله منه ان تُكعد
افرك بأيديها ورجليها وصدرها اريدها تتنفس
شَخرت ايليان وهذا جان اخر نَفس تُلتقطه ايليان بالحياة
ماتت ايليان ومات سَرها وياها وماتت ضحكة بيت غيث وياها
بَعد انقضاء ايام الفاتحه رجعنا للبيت مكسورين مهدومين
دُخلت للغرفه حسيتها قَتمتني الباب المَخلوع
السَرير الجانت عليه كلشب قَتمني
نتَبهت على ورقة جنه جاهلين وجودها بالاساس لأن بعد الحادث والفاتحه مدخلنا للغرفه ومغيرنا بيها شي
اخذت بكُل طفوليه وركضت لبابا واني اكوله
-بابا شوف شنو لكيت بغرفة ايليان
اخذ بابا الوَرقه وفتحها وهو دَيقرء حسيته حيطُك من القَهر وضلت عينه تصُب دَمع
تقَدم لأمي وهو يكوللها
- شسَويييتيي شعملتيي انتِ ؟؟؟
- غييث ..........................

يتبعععع
ياتُرى شنو جان بيها الورقة وايزيس حتكشف السَر ؟ علي شنو وضعه ؟ هيلين منو ؟ 
صوتوا بعد كلبي