هاااي
ان شاء الله كامل تكونوا بخير
جيت نحكيلكم قصتي و الخذلان لي عشتو هاذي لفترة.بلاك تجيكم حاجة مش مهمة بصح انا بالصح نفسيتي تعبت بصح الحمد لله قدرت نتجاوز الموضوع شوي و مع لوقت ان شاء الله هاني ننسى و نتأقلم و كلش يولي بخير ....
قصة خذلاني بدات كي رحت مع صحبتي لانتيم تشوف صاحبها و كانت اول مرة نروح على خاطر قلها جايب معايا صحابي جيبي صحبتك معاك لي هي انا باه ما يبقاش وحدو على خاطر كان من ولاية خلاف يعني مش باه نتواعدو ولا ..لا برك باه يتونس معايا على خاطر انا جاية اجتماعية و لي جا نتأقلم معاه ...
المهم رحت معاها و كيما كان الوضع صحبتي راحت قعدت مع صحابها و انا قعدت مع صاحب صحبتي
بدينا نهدرو عادي (انا لي بديت الحديث )و كان مركز معايا طووول شغل انا نهدر و هو بقى غير يشوف فيا و في عينيا و انا توترت معرفش علاه
توسوست طوول من روحي كشما كاين حاجة في وجهي ولا ...المهم بقينا نهدرو و هو كيما قتلكم مركز معايا عينيه ما رمشهمش .
وكي جينا مروحين قالي اعطيني الفيس تاعك (و ياريت ما عطيتوش 💔) و كيما كان لحال بدينا نهدرو في لفيس ديما و كان هو لي يبادر بالهدرة و يسقسي عليا و واحد النهار سقسيتو علاش كي تلاقينا هداك النهار بقيت تشوف معايا قالي عجبوني عينيك مقدرتش نهبط عينيا منهم (انا عينيا جايين كبار و مشفرين و لونهم عسلي )
المهم بقينا هكاك فترة و هو جامي غاب دقيقة ولا ماردش عليا كي نبعث حتى جا النهار لي قالي عجبتني و حابك تكوني معايا انا وقتها بقيت ساكتة و قتلو انت صح تعجبني بصح انا راني مش حابة ندخل في علاقة مش عارفة نهايتها قالي اذا على الزواج نجي نخطبك ما نسمحش فيك وانا تأثرت بهدرتو (من كثرة غبائي صدقتو ) و كملت معاه وكنا كي لعسل مع بعض منكذبش عليكم كانت حاسة روحي الدنيا ما تهزنيش معاه كان ديما يقولي مبفاش و نجي نخطب و قتهل تكوني مرتي و نكون اسعد راجل بالعالم و كان يقولي بلي انا افضل حاجة صراتلو في حياتو حتي كي نكون نهدر معاه في التليفون يبقى ساكت كي نقلو علاه يقولي من لفرحة معاك مش عارف وش نقول و كنت فرحانة بطريقة جامي توقعتها يعني بالمختصر شبعني حب و حنانة
و اهتمام حتى جا هذاك النهار..........
النهار لي كلش تهدم و كلش حلمت بيه معاه راح و تحطم .... نضنا الصباح يتغزل بيا و نتغزل بيه كيما كل يوم بعدها هو راح يلعب و انا رقدت شوي لعشية
كي نضت عيطتلو ما هزش زدت عاودت كوبا عليا انا هنا توسوست كشما كاين زدت عاودت هزت عليا طفلة (انا هنا دمي و قلبي حبسو ) قاتلي انا راني صحبتو و كنا متقابضين فترة و دوك رجعنا لبعض 🥺 انا هنا ما أمنتش طوول قتلها هاني نهدر معاه قلها لا منهدرش (سمعتو قالها) انا هنا قتلها هيا صحا
بعدها بقيت نبعث في الميساجات وهو ما يردش
نبعث و نبعث و الو لا رد حتى مرة قتلو علاه برك قالي حنا متفاهميش و جيتي نتي في الطريق غلطت معاك (💔💔💔💔 ) هنا تحطمت للخر منكذبش عليكم
هكاك و بقيت نبعث في الميساجات حتى عيطتلي صحبتو من رقمو قاتلي ما تزيديش تعيطي ولا تبعثي ميساج قتلها هيه معليش صحا
جا نهار نتائج لباك عيطتلو نسقسي عليه و صمطني يهدر معايا من فوق نيفو قالي مش عارف دارنا هوما لي يشوفو ني نلعب هيا صحا
من ثما خلااااااص انا قلبي برد طوووول
جامي نذليت كيما هكا ولله غاضتني عمري للخر
من ثما حلفت صوتي ما يزيديش يسمعو ولا يشوف ميساج مني ..
و الحمد لله على كل حال مش رح نموت بلا بيه
كاين ألف واحد من غيرو و هذا لي يدير حاجة حرام وش يصرا فيه..
و نتوما احكولنا قصتكم.
لي حاب يحكي يبعثلي بريفي نحطها
